吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 因為男友家姐, 我對結婚卻步了...

婆媳關係今日: 3|主題: 27693

收藏本版

發帖

返回列表

跳至頁

查看: 9507 | 回覆: 88

因為男友家姐, 我對結婚卻步了... [複製鏈接]

12 3 4 5

Mai0207

別墅

積分: 830

1^#

發表於 15-2-2 01:38 |只看該作者 |倒序瀏覽 |打印

最近男友同屋企人買左樓, 係for佢將來結婚多一個人黎住, 其實我唔介意同佢媽媽一齊住, 因為佢係單親家庭, 我覺得係應該要照顧佢媽媽, 唔可以掉抵佢一個人, 但係.... 佢仲有個家姐... 當中錯綜複雜ge野, 令我好擔心嫁左比佢以後ge日子, 我感到好不安

少少Background...:
佢兩姐弟由細到大感情好到好似情侶咁, 我未識男友前, 佢兩姐弟經常情侶檔拍拖行街買衫睇戲, 去咩場合都係帶對方做PARTNER... (我地一齊左後, 佢家姐在FB公開自己失戀... 但唔介意做細佬既小三... )
佢家姐係單身好耐好耐.... (唔係冇人追, 唔係嫌人地有錢唔靚仔就係嫌靚仔但冇錢)

佢家姐成日比說話我聽...
E.G. 男友最後一個學期因為係選修科而HEA讀, 所以攞唔到A, 佢家姐就當住我面前話："係咪因為拍拖所以成績差!!!" (我本身係d唔多駁咀ge人, 所以當時我冇出聲... ) 但事實上在上一個學期讀最難既科目, 即係我地一齊之後既第一個學期, 我地2個都攞到最好既成績!!!

E.G. 有日佢家姐話要請屋企人食飯, Auntie想我一齊去, 雖然我婉拒過, 但最後都被迫一齊去, 埋單果時, Auntie去左tiolet, 佢家姐就當住我面同我男友講："仲咩要我比晒全數錢, 快d攞錢黎埋單"
男友話："講左今晚你請食飯"
佢家姐："點解要我請埋.... 你要比番一半錢"
我當時當聽唔到, 最後男友比左1/4錢, 即係我果份... (心諗... 其實要細佬比番自己女友果份係應該, 但係會唔會做到咁出面, 要在細佬女友面前咁講野...)

其實仲有好多類似既事, 我唔開心, 都有同男友講過, 但佢只係咁同我講："唔使理佢, 佢不嬲講野都唔經大腦架"
(其實... 佢家姐係做賣保險架囉...!!! 而且... 作為女人講野邏輯, 好明顯佢唔係 "唔經大腦" 咁講野... 我ge男性長輩都係覺得佢家姐係故意比說話我聽...)

有關層樓：
其實我係d好溫和, 唔會同人爭野搶野ge人, 我從來冇打算要霸佔男友家d乜野
Auntie幾鐘意我, 成日讚我乖&聽話
Auntie在買樓果時, 對任何人都講話係買比阿仔結婚住, 因為婚後舊屋會唔夠住
佢仲同d親戚講：間主人套廁房都話左比阿仔, 係佢自己點都要住細房之嘛
(買傢俬果時, 都限制住阿仔買細房ge款式, 因為佢話第時細房係佢住)
但點知.... 佢家姐就黎料.... 又係當住我面前講以下ge野：
"吓! 點解間大房要比佢(細佬)住! 我要住大房啊, 我有好多野"
其實有2間細房, 一間家姐, 一間細佬
男友同親戚笑言："佢(家姐)住兩間房啊, 自己有間房, 仲走去阿媽間房訓"
跟住d親戚唔知講咩, 我當時覺得有d尷尬所以行開左少少
佢家姐好大聲咁講：
"兩間房都係我架, 間細房我淨係攞張床褥同個櫃, 然後我同媽咪訓, 所以兩個廁所都係我ge!!!"
親戚回應左d野
佢家姐又好大聲咁講：
"我搬左入去 (大房) 我就唔會走架啦! 間房係我既!!! 間屋都係我既!!!"

層樓背景...
業主名係家姐
供款按揭名係細佬... =_='''
(因為有關首次置業稅ge關係, 買新屋當時只有家姐冇物業, 而舊屋又未賣)

然而... 聽講佢地預左細佬婚後會多一個人幫手供樓... =__='''

(因為佢家姐做過一d蠢事, 所以層樓只有佢名, 佢係信唔過, 而且經過我了解同觀察, 佢家姐係對屋企唔多負責ge人) <--- 所以我怕日後佢會比人呃左層樓/自己私吞層樓/嫁左出去同自己老公攞左層樓/離婚要分層樓出去比前夫 (唔好怪我諗咁多, 因為以我認識同知道佢地家內事, 佢家姐份人真係好難唔會令我唔咁諗..)

唉... 我一諗到婚後要同佢家姐住, 層樓仲要係佢個名, 佢把口成日掛住間屋係佢既, 我真係唔想嫁入去寄人籬下咁樣... 如果層樓係Auntie名就唔同, 我會覺得安心好多, 唔似寄人蘺下, 會比較似番 "嫁入門"

而家, 因為以上咁多咁多佢家姐ge野... 我真係好擔心, 已經令我冇左之前憧憬結婚ge感覺... 搞到我... 唔想同我男友結婚...
(我有諗過婚後搬出去住... 但係... 行唔通... 佢地呢層新樓咪又係照樣要供... 因為借貸按揭名係男友個名... =__=;;;)

唉... 聽埋聽埋佢家姐比我既說話, 我已經好唔開心... 未同男友講.... 亦唔知講唔講好....
有個男長輩勸我呢個男人嫁唔過... 佢兩姐弟感情好到咁, 日後有咩事可能只有自己吃苦... =[[

0 0 1

私人傳訊

瑤瑤~

珍珠宮

積分: 49369

醒目開學勳章環保接龍勳章 15週年勳章親子王國15週年勳章

2^#

發表於 15-2-2 01:51 |只看該作者

咁呢間新屋, 佢家姐有無夾錢供樓先? 定係只得你男友一個供?
不過無論如何, 咁既家庭背景堅複雜, 我唔知你有幾愛個男仔, 但不如你試下擴闊d個圈子, 識多d人, 揀個無咁大家庭負擔, 無咁複雜既男仔啦
因為你都未結婚, 佢家姐都擺明睇你唔順眼, 佢兩姊弟又咁close(個人認為close到過左火添)
而家都係久唔久見下, 第時結左婚搬埋入去日日見, 真係怕你以淚洗面喎

私人傳訊

ad614

大宅

積分: 1916

3^#

發表於 15-2-2 01:55 |只看該作者

回覆：因為男友家姐, 我對結婚卻步了...

業主名係家姐
供款按揭名係細佬
男友同家人咁買樓一定不嫁，就算只有99也不嫁。點知結婚後係咪一定get along到，而家得生左仔可能都會有問題。到時因為要幫手供，又唔搬得會好慘。

私人傳訊

瑤瑤~

珍珠宮

積分: 49369

醒目開學勳章環保接龍勳章 15週年勳章親子王國15週年勳章

4^#

發表於 15-2-2 01:58 |只看該作者

我唔熟法律, 但有件事你要留意下, 層樓係家姐名, 但供係細佬供
touchwood將來auntie不在, 可能要分家
究竟層樓你男友拎唔拎得返一半業權, 係一個疑問(拎晒100%業權就應該無可能啦, 佢家姐點會咁益你地, 而且佢有業主名添)
你如果真係視男友為結婚對象, 你可能要了解多d先, 唔係供左半世樓, 到老先知咩都無, 真係大大鑊

睇下有無熟法律既jm解答

私人傳訊

cordleia

大宅

積分: 1550

5^#

發表於 15-2-2 02:11 |只看該作者

回覆：因為男友家姐, 我對結婚卻步了...

幾廿歲仲同媽咪瞓，都唔荒嫁得出，層樓係家姐個名，叫佢自己供番囉，你地出去住得唔得呀？我覺得你離硬婚，因為由頭到尾佢都當你係小三，佢唔會俾好日子你過，佢老母同細佬唔可以對你好，如果對你好，你就有說話聽，如果對你唔好，你嫁嚟做乜？

佢家姐咁唔識做，把口又衰，又霸到又任性。嫁得出嘅機會係零，你有信心可以應付佢一世嘛？三思。

私人傳訊

castle100

公爵府

積分: 28707

6^#

發表於 15-2-2 02:21 |只看該作者

咁複雜唔好嫁住！

私人傳訊

ky0416

禁止訪問

積分: 7195

7^#

發表於 15-2-2 02:21 |只看該作者

回覆：因為男友家姐, 我對結婚卻步了...

提示: 作者被禁止或刪除內容自動屏蔽

私人傳訊

小貓1124

伯爵府

積分: 17252

8^#

發表於 15-2-2 03:55 |只看該作者

回覆：因為男友家姐, 我對結婚卻步了...

分手啦，辛苦自己

私人傳訊

感受

大宅

積分: 3985

9^#

發表於 15-2-2 04:03 |只看該作者

回覆：因為男友家姐, 我對結婚卻步了...

真係唔好嫁，唔好諗住左先再算，係一嫁左就冇得返轉頭，女人要嫁得幸福，如果你未嫁就覺得唔對路，就好走，呢個世界好大，我諗你以後仲有大把選擇，想清楚

私人傳訊

貓宅

男爵府

積分: 7625

10^#

發表於 15-2-2 04:13 |只看該作者

又要唔鍾意妳又要一齊住仲要供埋樓比人, 真心講句嫁唔過

私人傳訊

littlefafa

大宅

積分: 2619

11^#

發表於 15-2-2 05:52 |只看該作者

回覆：因為男友家姐, 我對結婚卻步了...

結婚，真係唔係咁簡單。
唔一齊住，還好一點。要一齊住，事情簡單都會變複雜。何況，根本一啲都唔簡單。
我明白，為佐咁去放棄一段感情係好可惜，但其實你比很多jm聰明，未結婚就感到有問題。
比著我，如真係愛個男仔，會試下坦白一次，如果佢有實質解決到問題既方案，我會心中比一個時限佢，唔會太長，始終女仔年紀係要考慮。如果佢根本諗住拖，為了自己，忍痛一次好過難過一世。

唔一齊住，我覺得係結婚必要條件。一齊住得黎仲要比人蝦?!呀女，你都係呀媽個寶，唔好咁虐待自己好啲

私人傳訊

jzzz1102

伯爵府

積分: 15359

12^#

發表於 15-2-2 06:16 |只看該作者

回覆：因為男友家姐, 我對結婚卻步了...

呢d家姐好變態，未一齊生活都俾咁多說話你聽，一齊住仲得了

私人傳訊

hoiman1204

別墅

積分: 838

13^#

發表於 15-2-2 06:25 |只看該作者

回覆：因為男友家姐, 我對結婚卻步了...

同男朋友講要結婚就一定唔同家姐住，如果唔係生左小朋友仲煩，真係唔可以讓步，我結婚3年已經後悔點解唔出去住先結婚，結婚一個月後就後悔，6299姑9成日黑面同鬧我

私人傳訊

我愛Corina

瑪瑙宮

積分: 134215

2024年龍年勳章 2024勳章好媽媽勳章醒目開學勳章環保接龍勳章

14^#

發表於 15-2-2 06:41 |只看該作者

回覆：因為男友家姐, 我對結婚卻步了...

新屋唔會要，唔會住，唔會供，叫佢將個mortgage 轉返比個家姐。

你地搬入舊屋住啦..

呢d女人，用8婆，潑婦黎形容係無錯的，除非你潑辣過佢，否則你輸硬

點評

mother904

發表於 15-2-2 10:49

私人傳訊

chan_chi_mun

子爵府

積分: 13658

15^#

發表於 15-2-2 07:32 |只看該作者

回覆：因為男友家姐, 我對結婚卻步了...

將你個post啲內容三口六面同你男友講清楚，要一齊住唔該佢自己諗辦法搞掂佢個變態家姐，搞唔掂嘅一係就搬開住一係就唔嫁算數

私人傳訊

anan3388

大宅

積分: 4418

16^#

發表於 15-2-2 08:32 |只看該作者

回覆：因為男友家姐, 我對結婚卻步了...

去婚前輔導，搞通你未來老公思想先。有第三者開口好過自己出聲。而從中你可睇清楚個男人是否值得嫁。

聽落佢未意識到個問題。但若佢本身幾好，為咗佢家姐就咁放走佢又唔係咁抵

私人傳訊

mandy952

琥珀宮

積分: 153895

17^#

發表於 15-2-2 08:42 |只看該作者

回覆：Mai0207 的帖子

層樓如果你有份供的話，一定要有名啦。不過我都係建議你唔係非君不嫁的話都係搵個第二個好d,而家你已經咁諗，遲d只會更嚴重，呢類問題只會惡化唔會好轉

私人傳訊

ky0416

禁止訪問

積分: 7195

18^#

發表於 15-2-2 09:22 |只看該作者

引用：去婚前輔導，搞通你未來老公思想先。有第三

提示: 作者被禁止或刪除內容自動屏蔽

私人傳訊

jenniferK

珍珠宮

積分: 38149

陪月勳章畀面勳章

19^#

發表於 15-2-2 09:39 |只看該作者

回覆：因為男友家姐, 我對結婚卻步了...

層樓將來一定去了家姐度。你唔駛諗。如果供樓條數唔大，在所有親戚面前講係當阿媽家用。返正呢尐家姐實嫁唔出，咪等佢負責自己阿媽。而且供樓有定數，將來唔駛煩加加用。千萬不要搬入去住。男家阿媽家姐可能夾計hold男友錢你唔知，要家姐做衰人，阿媽扮好人。你地剛出來做事努力揾錢，只要比家姐早結婚咪買層近近地話二人世界或者生bb多尐地方用囉。靠自己本事一世可以抬起頭做人。記得層樓你單名，有暗謀的人一定激死佢。

work hard PLAY hard

私人傳訊