小朋友去到一個陌生地方, 媽咪又唔係身邊, 周圍全部都係陌生人, 驚係正常過正常, 我女果陣都喊左成個月(不過佢好奇特, 返學唔喊, 放學先喊, 一見到我接放學就爆喊!), 總括左少少經驗比大家~
建議你之前先同仔仔講係帶佢去新地方玩, 之後媽咪有野做, 老師同埋其他小朋友會陪你玩, 好快媽咪就會返黎接你架啦! (記得唔好遲! 預早5-10分鐘返黎排隊, 越早越好, 唔係仔女見到其他小朋友一個接一個走, 得返佢/佢地幾個時, 會好驚媽咪唔黎接佢的! 即使以後都係, 有事要遲接, 都最好早D同仔女講聲)
記得記得記得, 帶左佢入去課室, 講完BYE BYE, 佢都同你BYE BYE左, 就要毫不留戀咁走出課室! 千祈唔好拖拉, 佢一見你講完BYE BYE都未走既, 就會以為你可以留底, 之後就會更難捨難離!
同埋成個過程都要笑住, 令佢覺得學校係好好玩既地方, 想喊都行出課室先喊~
咁樣會令佢易D適應架呢~
順便放學時可以拎少少零食, 我通常拎我女鐘意既生果, 例如藍莓, 放學時食幾粒, 一路行一路食一路傾下今日係學校做左D乜, 令佢對明天返學有期待, 咁就會易D適應啦~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!