母乳餵哺

收藏本版
回覆 發帖
返回列表
跳至頁

首頁
1

尾頁
   0
sophinalam


複式洋房

積分: 216


1#
發表於 08-5-31 13:38 |只看該作者
hello..各位喂母乳的媽媽..我想問吓..我已經密密喂啦..但依家都係無奶比bb食..一係左邊上唔到奶..二唔知道係唔係bb食得無好..所以奶量都無增加..因為bb一路都唔夠片片..(而我一直都死忍無點補奶比佢,等佢一餓就喂)..但到依家都已經一個月..呢兩日終於忍唔住啦..次次食完都補奶粉比佢食..每次都要成60ml,有時仲多d..哎..所以我就試吓ji奶..先得1oz..難怪佢咁辛苦..我真係想放棄比佢埋身食..(因為我覺得泵真係有d 煩)..

我最想知..密密喂但到依家一個月先每次先有1oz..係唔係既係代表我真係超級唔夠奶啊..都唔好仲堅唔堅持好..
私人傳訊回覆 引用

bosch


瑪瑙宮

積分: 128491

2024年龍年勳章 2024勳章 2023年兔年勳章 虎到金來勳章 開心吸收勳章


2#
發表於 08-5-31 15:45 |只看該作者
唔夠片片就唔好死忍唔補奶啦, 防止bb 脫水緊要.

飲下魚湯, 按摩下, 密d 餵都有用. 有 10ml都好過冇啦, 你係咪肯定擠清晒? 如果摸到仲有硬塊, 仲可以擠, 擠得幾個字又會有奶出.
私人傳訊回覆 引用

Gooblovebb


大宅

積分: 4208


3#
發表於 08-6-8 19:50 |只看該作者
其實你如果全人奶都唔夠濕片６塊的話，我勸你最好補少少奶粉（如你怕的話，用杯），因為我最初餵全人奶約五日（得一塊濕片左右），跟住去健康院先發現大跌磅，成１２％，要入院，因為有脫水！自從之後，我餐餐先人奶，後奶粉．雖然我發現ｂｂ宜家可能用得奶樽多致唔係好肯用力吸我ｎｉｐｐｌｅ，只係當奶咀咁啜，但我都唔敢再唔補奶粉囉．．．．
我宜家泵出嚟都係得一安咋（兩邊加埋）．
  
私人傳訊回覆 引用

冼B媽媽


大宅

積分: 2680

畀面勳章


4#
發表於 08-6-8 22:29 |只看該作者
原文章由 sophinalam 於 08-5-31 13:38 發表
hello..各位喂母乳的媽媽..我想問吓..我已經密密喂啦..但依家都係無奶比bb食..一係左邊上唔到奶..二唔知道係唔係bb食得無好..所以奶量都無增加..因為bb一路都唔夠片片..(而我一直都死忍無點補奶比佢,等佢一餓就喂).. ...

首先你用咩泵?
肯定泵清未?
你有冇休息多D同飲多D水?
平時飲食點?

私人傳訊回覆 引用

mankok


男爵府

積分: 6535


5#
發表於 08-6-9 00:09 |只看該作者
要bb埋身食先自然多人奶的..
加上要飲多d魚湯呢~~
晴晴囡囡出世於2005年4月7日出生的  :-)
晴晴的網頁
私人傳訊回覆 引用

mctan


複式洋房

積分: 114


6#
發表於 08-6-10 19:11 |只看該作者
I also have same problem when pump only got 1 or 2 oz but direct feed is ok now baby 2 month

原文章由 mankok 於 08-6-9 00:09 發表
要bb埋身食先自然多人奶的..
加上要飲多d魚湯呢~~
私人傳訊回覆 引用

Christi


大宅

積分: 1282


7#
發表於 08-6-10 22:08 |只看該作者
我覺得,首先要相信自己既造奶能力,同埋儘量用平常心去面對初期既餵奶困難...因為呢啲挫折過程,係會過去的.因為如果你壓力大,心情唔好,又會影響產量.

另外,如果nipple又痛又唔夠奶,係補奶粉時,不妨用泵泵番自己d奶出來,留番下次用.咁你可以呢餐餵飽bb的同時,又保持對乳房的刺激.希望慢慢可以越補越少.

最後,泵到１安咪１安囉,唔好有太大心理壓力,你堅持餵人奶,奶量就會慢慢增加,唔駛擔心.

其實,餵人奶都係想阿b健康,所以凡事都以阿b利益為首要考慮,所以,如果唔夠濕片,就一定要補奶粉嘞.最多諗辦法將補奶粉既次數減少啫.
私人傳訊回覆 引用

yanlongma


男爵府

積分: 5016


8#
發表於 08-6-11 12:23 |只看該作者
泵係唔夠埋身食咁多的，泵出來得1安，唔代表你個b食得1安。因為bb個咀係可以將泵唔到的奶都吸出來。所以，不要俾泵出來的量嚇親！
bb姿態是否正確？有無去健康院俾姑娘睇下個姿勢？

如果真係唔夠濕片，補奶亦係必須，因為不能讓bb缺水。
但同時要努力增奶！
方法：
1)密密餵
2)姿勢正確
3)飲夠水，食夠飯，不要減肥！
4)瞓夠，日頭bb瞓，媽媽亦要瞓！
5)relax, relax, relax


原文章由 sophinalam 於 08-5-31 13:38 發表
hello..各位喂母乳的媽媽..我想問吓..我已經密密喂啦..但依家都係無奶比bb食..一係左邊上唔到奶..二唔知道係唔係bb食得無好..所以奶量都無增加..因為bb一路都唔夠片片..(而我一直都死忍無點補奶比佢,等佢一餓就喂).. ...
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見