夫婦情感今日: 2|主題: 42425

收藏本版

發帖

返回列表

跳至頁

查看: 8968 | 回覆: 145

12 3 4 5...8

積分: 288

1^#

發表於 15-3-16 17:37 |只看該作者 |倒序瀏覽 |打印

本帖最後由 babimini 於 15-3-16 18:15 編輯

頭先睇到某ＰＯ，有位ＪＭ話：「男人肯原諒出軌既女人既話，佢真係好愛好愛你。」
我一睇到呢句，鼻好酸，好想分享下我同老公既真實愛情故事

以前，我係一個有公主病既女仔，唔做野，淨係識去蒲，仲要攤大手板問屋企人拎錢買名牌。
感情方面，因被男人傷過，當時經常一腳踏幾船，覺得邊個得閒就邊個陪我，唔潔身自愛，對感情玩玩下。

同而家老公，都係去玩果時識既，當時諗住大家都係玩玩下，對佢唔太在意。
直到有次，我當時另一個男朋友見到我同老公既信息，知我偷食，叫我係佢面前打俾老公，同佢講清楚。
（ＰＳ，其實我係同我老公一齊左先既。）
然後我就當男朋友面，打俾老公，同佢講分手。
（當時覺得，是但啦，男人之嘛…）
打左俾老公，老公果時番緊工，我話：「我地分手啦，我同左第二個一齊。」
老公即時哽咽，問我點解？然後喊住講對唔住，話佢係咪做錯Ｄ咩，可唔可以唔分手。
我聽到之後唔知點解都喊左出黎，估唔到當時佢已經咁在意我，我以為佢都係玩玩下。

過兩日佢ＳＭＳ問我，可唔可以做番朋友？我答好。
然後同佢就好似普通朋友咁，冇見面，淨係得閒傾電話，有傾有講。
直到有次佢飲醉，打俾我喊哂口，話好掛住我，扮普通朋友真係好辛苦，又ＳＥＮＤ張手流血既相俾我，當時我心入面好擔心佢…
果次之後佢每日都一直ＳＥＮＤ信息俾我，講我會等你玩夠，你需要我我一定即刻出現，之類既野。

直到幾個月後既一日（我仍然同當時果位男朋友一齊緊），老公突然話要接我收工。
我問左男朋友，男朋友都話ＯＫ，只係普通朋友接收工姐。
我當時番酒吧，收凌晨３點，老公收工後係間吧外面等左我６個鐘…
接左我後，佢陪我搭的士送我回家，果時我自己又醉醉地，叫左佢上我屋企！
我訓左係床，佢坐係床邊，兩個咩都冇做，只係傾計。
突然當時男朋友打黎，我同老公講：「你幫我聽，我醉，頭痛，唔想聽。」
老公行左出房，同男朋友唔知講左Ｄ乜。
入番房後，同我講：「你男朋友黎緊。」
我心諗，出事。

男朋友上左黎，同我老公兩個男人坐係度講數，問我揀邊個。
我一直喊，唔識揀，老公就對我好好，好感動到我，但男朋友錢多，陪我時間又多。
最後傾傾下變左兩個男人打交，我好驚，但都要過去分開佢地。
（好似拍劇咁，但真係真人真事！）最後老公話，無謂糾纏落去，祝你地幸福。
又對我男朋友講：「如果你唔好好對佢，我要你十倍奉還。」
然後好瀟灑咁走左去。

當日，我個心好痛，係咁喊。
果晚，我終於知我自己想要咩。
一直以黎，我只係覺得自己好寂寞，只係想要人陪，唔識愛人，更加唔識去愛自己。
果晚，我打俾老公，同佢講，對唔住，我可唔可以反口，我唔想同你分手。
然後老公即刻搭車過黎搵我。

我終於知道咩叫愛人，同埋被愛。
果一日之後，我冇再搵其他男人，我老公亦從來冇同女仔ＦＤ聯絡過。
老公改變左我好多，唔俾我大洗，有時行街見到我想買既野，唔俾我買，但又無啦啦自己買左俾我。
陪我一齊介蒲，介煙，介酒…
陪我去搵工，令我過番正常既生活。
老公愛我，愛我屋企人，亦教我點樣去愛自己，愛屋企人。
（我仲記得老公令我咁大個女，第一次同媽媽兩個相擁而哭，我仲記得媽媽話：「你終於生性喇！你永遠都係我既乖女。」）（多謝媽媽，咁多年我咩壞事都做哂，但你都冇放棄我…）

過左幾年，而家同老公結左婚，而家仔仔一歲喇。
雖然老公已經冇再送花，好少俾驚喜我，我跟住佢亦可能要捱唔知幾多年。
但老公放工即刻回家，放工後成日主動幫手湊仔或做家務，有時凌晨仔仔喊，我訓得太林，老公都會自己起身餵奶，唔叫醒我，放假Ｄ時間永遠俾哂我同仔仔。（雖然放假都冇乜特別節目，成日係屋企睇下電視煮下飯仔，咁又一日假）不過…從此以後，無憂無求，故事平淡但當中有你，已經足夠。
雖然有時我都會嫌佢唔細心，唔浪漫，但我還是一樣，最愛你。
老公係我生命，係最重要既一個人，亦係我最愛最愛既人。
老公，對不起，謝謝你，我愛你。

（ＰＳ，呢Ｄ衰野當然冇同朋友講過，因我都知我以前好衰好賤格，但我收埋係個心入面好耐，真係好想分享下，希望大家手下留情唔好鬧得咁西利，哈哈）（另外，都想同果位男朋友，講聲對唔住…）