首先要解釋下先,利申我本身係公立醫院護士,不過依家無做了。公立醫院係好主張母嬰既互動和接觸,所以BB一出世如果媽媽情況許何會即刻俾佢抱住,呢D 叫skin to skin, 好鼓勵餵人奶。如果阿B無乜野佢真係會剛出世既住院期間完全唔補奶粉,會鼓勵媽媽去餵母乳,可能頭幾日一D都無奶架,我就係啦,不過最後對孖入晒加護病房所以飲左奶粉。生完會推BB係你身邊,我係開刀既,我落唔到床,姑娘會抱係我身上俾我餵人奶,俾BB啜,佢知我傷口痛所以除餵奶外,其他野佢會推返走BB去處理,例如換片,沖涼等等。夜晚會推走BB一陣既,但半夜又會推返來俾你餵人奶,因為夜晚餵奶好重要,會快上奶好多。我諗呢D就係你朋友講既要媽媽自己照顧返BB,真係好睇你自己點睇。我見有些媽媽生完真係話唔想掂個B因為仲好痛,但有些又會幾痛都會想抱住BB既,我自己就係後者,所以我好鍾意咁LOR。其實如果你話推返俾姑娘,姑娘係會幫你推走佢返BB房既。我個時仲要係大房渣,未上到半私家添。所以我覺得要睇下媽媽你自己鍾意邊樣。我第一胎餵唔到人奶,第二胎就成功左啦,我覺得係因為今次係QE生,D姑娘好幫到我,特別係人奶姑娘,佢教我點埋餵,點樣用電泵泵奶,儲存人奶等等,好幫助到我今次既成功。當然媽媽自己都要有好大既決心,因為我其中一個B一出世就入左加護病房,另一個係我身邊一日又要入埋去,無得再俾佢啜,所以我唯有每三小時用手擠奶,我真係好準時同好努力添,D姑娘都有提醒我同埋鼓勵,所以今次最後成功餵到人奶了,好開心啊!