廣華催生係咁,2點半辦入院手續,嘩~好多媽媽同我一樣催生,去到病房,醫生check宮頸,宮頸成熟就唔洗塞藥,唔成熟就要塞藥,我宮頸成熟,第二日食完早餐,產房有位就可以人工穿水同吊催生藥,我孖b,醫生幫我照超聲波,睇胎位~ 今晚,我叫老公買左凍的芝麻豆腐花,許留山的西瓜蜂蜜爽,生冷野,產前一天食埋佢,唔係坐月有排唔食得凍野~ 第二日起行,去到產房check宮頸,醫生一check,宮頸好成熟,開2度,心諗,咁快2度完全唔痛咁easy,跟住人工穿水,醫生伸晒野入去 痴個sensor去大孖頭皮,整到我要用呼吸法,過程好唔舒服,細孖就用cool肚check心跳,開頭還好,有少少唔舒服,我問護士長,可唔可以用止痛針,因為我知止痛針last4個鍾,太近生產,bb要打解藥,早d用訓下留力都好,護士長話你而家都唔係咁痛,佢寧願去到產房俾我用笑氣,咁就氹到毛,一路就係咁自己用呼吸法捱住痛,成日d人問我係咪好痛,痛唔係好痛,最辛苦係想痾唔俾你痾,每次陣痛都想痾,助產士猛咁講,你吹爉燭咁吹散佢,唔準用力,明明用力痾舒服d,但就唔俾人用力,突然就推左我去產房,同我講,你知你係孖b,你要等2個兒科醫生黎到先可以生,夾住夾住,唔好用力,吹散佢吹爉燭,好想痾,唔俾痾,等齊人(2個兒科、1個高級醫生1個顧問醫生)就可以谷住谷住用力,有剪,大細孖差三分鍾就出左世,細孖出世,係高級醫生伸手捉腳再加我用力痾出黎,但放喺我肚度,佢個身係紫色,嚇得我,醫生話佢吸左幾啖氧氣,無晒事仲喊得好大聲,大孖唔夠2.4kg去左加護病房,細孖隔一陣就可以俾我肌膚之親,呢個時候我老公可以入黎陪我~醫生、護士、助理個個都黎讚我好叻,生左孖b,我明白點解d人對廣華d醫生姑娘讚口不絕,因為佢地俾好多正能量你,但係無止痛方法~ total 穿水計用左4個鍾,same as 第一胎~過程諗起都驚驚,但媽咪為左孖b可以做到,順產真係好快好~今胎覺得會陰傷口比第一胎大咁,縫左半個鍾,第一日生完都有落床行自己去廁所~但三星期後,已經唔痛~