或者可以分享一吓本人小小既經驗.
小女14歲到英國讀書已5年多了, 一直以來10個有9個父母一知道小女出國,第一個問題係 – 你捨得架喇, 會學壞喎, 關係會疏離架….. 我總是氣定神壇回答佢地 –有咩唔捨得姐當時覺得只要件事係對佢好, 我一D都唔覺得係一個問題喎, 何況一年返來三次, 兩個幾月又見喇, 點解要咁CONCERT呢? 十幾歲我真係覺得唔細, 父母要懂得放手了…
至於學壞或者我太了解小女了, 我知道一定唔會發生, 如果要壞無論係香港或者任何地方都會壞, 我認為係個人既問題, 小女都結識過壞同學, 佢話接受唔到佢地既行為, 相處唔到….可能佢太低B喇都係要搵番D咁上下LEVEL既先相處到掛.
我自己細時都好反叛, 就算係香港日日比父母睇住咪一樣學壞, 18歲就搬離屋企.
疏離我就更加唔認同, 自己十幾歲時只會覺得見到父母越多就越憎, 佢地只會囉唆同鬧, 所以我既理念係疏離係因為少見係完全無關相反只會變得緊密, 在外時只會更加掛念屋企同知道父母其實對自己有幾咁好呢!
現在小女19歲了, 可能我好好彩同我既預期一樣, 關係緊密咩事都會同我講問我意見, 完全無反叛言聽計從(不過我覺得佢太無主見), 有時放完假要返去, 仲會嗲吓我話唔返去得唔得呀? 我會答得好快咁話, 係咪架? 咁我慳番唔駛交學費呀? 見佢扁咀個樣真係好可愛…. 但係當我認真咁問佢, 如果比你再揀你會出國讀書嗎?佢毫不猶疑咁答我– 梗係去喇你估個個都有機會去睇吓外面既世界架….. 果一刻好安慰, 覺得自己為佢揀左一條正確既路.