興趣嗜好今日: 0|主題: 123732

收藏本版

發帖

返回列表

跳至頁

查看: 51078 | 回覆: 193

[閱讀] 我識有小朋友k3未畢業已睇完ORT stage 9 [複製鏈接]

12 3 4 5...10

120

mayaki1212

大宅

積分: 1003

1^#

發表於 15-4-4 23:07 |只看該作者 |倒序瀏覽 |打印

如果大家覺得以下分享係有用的，請廣傳給身邊所有有小朋友的朋友，因為我由衷的希望每對親子都有機會體驗伴讀的甜蜜時光。由父母一手帶領自己最疼錫的小朋友走進閱讀的奇妙世界，是何等的美事呢！

我啱啱去鄰居(以下化名N)度玩，傾開買書睇書嘅話題，佢個女好鐘意睇英文書，依家K3都已經睇哂ORT stage 1-9，進入treetop stage (中學程度)。
佢女係由兩歲半開始，用了短短兩年半年左右。佢家工人姐姐都係講中文，父母講嘅係中文為主，英文為輔助，但以佢小小年紀識講識聽識睇嘅英文一d都唔少。

N強烈推介Oxford reading tree(ORT)系列，相信好多媽媽都知道，內容有連續性，故事內容配合小朋友唔同年齡而變化，由簡單小故事到有劇情出人意表，逐漸令小朋友對故事人角有歸屬感，成為好朋友，就好似睇愛回家咁，晚晚都要睇下先安樂。當小朋友愛上個故事情節人物等，語文(中英也好)便會成為附屬品，連帶一齊接受埋,鐘意埋，無形之中認到好多生字，用的沈浸形式學到英文句子的结構，完全唔洗硬銷，好輕鬆嘅環境下就學到嘢。更重要的是小朋友培養對閱讀嘅興趣係终生受用。

N成功培養孩子愛上閱讀的心得 :

1. 最初，小朋友對書本的接受程度係因人而異, 如發覺小朋友係唔鍾意,甚至抗拒.
家長要識得放下腳步, 試下停一停,過一段時間再試, 等待小朋友的腦袋發展成熟,聽得明更多故事的內容,能代入其中就會慢慢接受.
亦可以試多D 唔同題材,畫風,類形的書, 慢慢摸索小朋友的喜好.
初段, 家長一定唔可以心急,強迫小朋友聽故事,這只會更打擊閱讀意慾,更千萬不能妄下定論,以為小朋友唔鍾意閱讀.輕易放棄.
N就係由女兩歲半開始, 但一開始女唔接受, 唔想聽, N唔想俾女對閱讀留下壊印象, 便馬上停止, 等到三歲再試, 之後便一帆風順.

2. 持之以恆, 當小朋友接受左書之後，便要堅持每日伴讀, 看似簡單, 實行起來唔係容易, 成功關鍵在於每日,無論家長在不在狀態,有沒有時間, 想不想也好. 每日抽時間親子閱讀,自然成為小朋友生活的一部份,尤如擦牙,洗面, 食飯一樣,
就是這樣每天重復做, 習慣才能養出來. 要是只係一星期讀一兩次, 或者家長有心情才讀, 係唔會有愛上閱讀的效果.

3.有求必應, 令小朋友感受到係閱讀的世界裡 ,她係有話事權,自由自在,一切都暢通無阻, 家長係唔會 SAY NO. 小朋友要聽邊本書, 幾多本, 聽幾耐, 咩時間聽都盡可能配合

4.減少娛樂，N係在職媽媽，weekday可以伴讀嘅時間好有限，放假N多數會選擇留係屋企同兩個女一齊睇書，拎好多好多書出來，張屋企變成書攤，一睇就一個下午！我自己因為要經常撘車，就利用呢d時間伴讀。

5.語調抑揚頓挫，表情生動活潑，初段為吸引小朋友鐘意聽故事，家長讀書時不宜太單調、配合故事內容有不同聲線、語氣，加上丰富的表情動作，小朋友會更投入地聽。當書本程度開始深，生字開始多，家長就要做功課，查定字典，預先自己讀幾次，避免伴讀時唔流暢，吸引度大減。我個人經驗只要建立左閱讀習慣，小朋友又鐘意個故事，就算照書讀都會聽得好留心。

6.由淺入深，初段係小朋友建立閱讀的自信心的關鍵期，由一些簡單的短句開始，當小朋友累積認到一定數量的生字後，慢慢加深難度，鼓勵自己讀一些一句子，從而令小朋友親身經歷閱讀的成就感，但如小朋友做到唔好，或唔想時,一定唔可以强迫、批評，家長切勿心急，追求一時效果，只是拔苗助長。

總括黎講，N覺閱讀時間係親子最温馨愉快的寶貴時間，是一種享受，而不係負擔。只要家長心態正確,視培養閱讀習慣為引领小朋友追求知識嘅一把金鎖匙，不是單純學語文(中文英文也好)的方法，就可以在伴讀之路走得更遠更深.

我哋傾左成晚，我非常好奇點解N會咁堅持大量閱讀，其實係同N自身在學習語嘅經歷有關。我問N你小時英文係咪好好，N俾我一個完全相反嘅答案。

N係七十後，升中係考學能测驗，只考中文和數學。N嘅中數成绩很好，考入英中名校。上中學後，N英文嘅水平同其他由小學直升嘅同學嚴重脱軌。因為英中原故，只有中文科係中文教，其他科目全英文教。N上堂95%聽唔明老師講咩，連做咩功課都唔知做咩，講係開唔到口，老師問問題唔敢抬起頭，睇又係大部份生字唔知點解。危機當前，只能夠靠自己，刻苦地、艱辛地，由零開始自學英文。花了九牛二虎的氣力，英文寫作都只不勉強合格。
所以，N學習英文嘅路途充滿血與汗，她深刻體會到語文根基打唔好的弊處。所以，N明白通過大量伴讀課外書，無論詞語運用、句子造型、聽說能力、寫作能力，就在自自然然、輕輕鬆鬆嘅情形下植入小朋友嘅腦袋裡。

如果大家覺得我嘅分享有用的，請廣傳給身邊所有有小朋友的朋友，因為我由衷的希望每對親子都有機會體驗伴讀的甜蜜時光。由父母一手帶領自己小朋友走進閱讀的奇妙世界，是何等的美事呢！