今次係legoland 住左2晚,第一晚係樂園玩完就由酒店搭的士去左新蔡記食海鮮,車程約10分鐘,去程時透過酒店職員與的士司機講好價,來回的士收費馬幣80。新蔡記室內有冷氣供應,地方乾淨,唔會有蟲蟲陪食。當晚3大2小食左胡椒蟹、麥片蝦、白灼蝦、咖哩魚頭等, 推介胡椒蟹及咖哩魚頭,今餐食左約hkd500,又美味又抵食。
第二朝係legoland 玩左一陣,中午心思思大家又想出去食海鮮,呢次就由酒店搭的士去左天來,車程又係10分鐘,睇錶收費約馬幣25。天來亦有冷氣房,地方乾淨企理,今次自己親自點左3隻勁肥既蟹,用來煮胡椒蟹及黃金蟹,又食左1斤白灼蝦、1條大順殼、Oyster等,推介胡椒蟹、順殼及Oyster。今餐貴d,食左約hkd1100。回程天來又幫我call 的士返酒店,睇錶收費約馬幣25。
相比之下,我地係新加玻珍寶食既胡椒蟹就真係好普通,一隻蟹都收我68玻紙,隻蟹又瘦,無咩肉,煮得又唔夠入味,下次我都唔會去珍寶。