談及早年曾改遺囑,但身為女兒的卓林卻未能夠分得一杯羹,問到想法是否依然沒變?成龍笑說:「相信佢都唔需要我啲身家啦!(覺唔覺咁多年拖累咗佢?)係啱,對佢係一個傷害。(冇爸爸呵護下成長!)你覺得我又慘唔慘?呢邊又對唔住,嗰邊又對唔住。(會唔會相認?)有時啲嘢,不如唔好講,順其自然啦!雖然我係知名人士,但大家唔使太關注啦!(咁係咪唔抗拒?)見到就見到,我好隨便嘅啫!(卓林遺傳咗你身手了得,仲拍埋片放上網!)我冇留意,冇睇到呀!」
另外,成龍前晚到澳門出席音樂頒獎禮領獎,期間被問到有否留意卓林近日的新聞,他聽後笑笑口拍枱起身,說了一句:「多謝!」便轉身離開。至於Elaine昨日傍晚時分接載卓林返家,問到成龍的一番言論,Elaine先皺眉表示非常忙碌,未有留意報道,其後問到對成龍指與卓林相認一事順其自然有何睇法?她說:「都唔知咩事!」說罷便一支箭返家,但一直在Elaine前方聽着有關「父親」問題的卓林全程笑瞇瞇,其後更站在家門口乖乖地等Elaine一同入屋。