家事百科 今日: 0|主題: 39124

終於再UPDATE分享完喇!仲已整理做長篇POST喇!JM唔使LOOK去第2個帖可以一次睇哂。同埋希望大家唔好留言叫PM,唔想自己比心機打既帖被DELETE。THANKS!

之前係度見過有JM分享自己屋企裝修既成果,我都來分享

啦。(第一次寫長篇,因為好想分享喜悅同成就感,同時大家比D意見我啊!)

本人第一次搞裝修,就奉獻左比我細佬既淘大單位喇!佢條友工作忙,加上我呢個少奶奶以前有做過設計,不過唔係室內設計,佢叫到就算唔係太識都要幫佢手啦!而且我同老公係荃灣抽中左新樓,好快就到我地要裝修,而家學定到時冇咁閉AI~講真,過程中係煩,但完成既一刻都幾有成功感的!!

*好多人問整左幾多錢,我地用左17萬,係包用料同廚櫃,其他傢似合共不用3萬,即係總共廿萬樓下。

個單位係2房打通成1房,空間會好用D,一邊係床,一邊係書枱+衣帽間。報左幾間價,亦都上網搵過資料,問朋友意見,呢間收費比較實際,個老細都老實D,最後揀左呢間。結合我細佬taste,我既意見,designer意見,個單位圖大致如下,之後改左部分:



這2張就是deisgner另畫的:

我細佬對外表都要求幾高,會買好多衫褲鞋襪,特登叫cfu設計左個衣帽間比佢,開心死佢。

首先要打通:

打通過程係雜亂D, 不過裝修係咁架喇..




先講大廳:

揀左深藍色牆身幾醒神,行簡約風。地下本身想用木板, c fu話可以試下用木紋磚,又有木既感覺又唔驚發脹,出來既效果都幾自然。另外由於我地個單位唔算大,佢建議用”工字型”咁鋪會顯得空間大D。

我揀左開放式,貪佢抽氣扇、微波爐、洗衣機全部一次過有哂。用啡白tone同三星無縫石(有十年保養),睇落光猛整潔。(第1張剛巧有太陽影出來好靚) 仲有一樣值得講既係, 呢個廚房有埋bar枱同射燈, 好有feel架! 第時可以摸住酒杯底談心,見客都得~

因為我想個單位型格D,所以選擇左深藍,淺藍同淺灰色既牆身, 但我唔想太單調, 同左個cfu講, 於是提議我係廚房對出用多樂士牆晝(好似牆紙但不易剝落),花款幾多,最後幫細佬揀左呢幅

出來效果幾好。細佬話提升左成間屋既格調,冇咁單調(哈哈!唔通我都有設計天份?!)

浴室:

用了不秀鋼的洗手盤櫃,一樣都是選擇了簡約的線條,因個人覺得洗手間不用太花巧,最緊要是舒服乾爽。

衣帽間:

個人幾滿意,因為個FEEL出來一樣係好簡約,而且好型(成屋的窗框都用了黑色,同櫃的顏色互相呼應)。除左有曲尺型的衣櫃, 另外用左CFU個IDEA, 整左個可以好似 botique一樣掛衫的鐵架比我細佬用來掛經常著的衫,幾方便,平時返工就唔使成日揀來揀去啦,慳返時間。除左衣帽間,呢度仲可以做埋工作間,設了個書桌比佢,等佢可以上網同做自己野。

睡房:

睡房的地台床用同一隻色的木去造,貫徹成間屋的tone。用地台床既原因好簡單,香港地好多細單位都係想間屋睇落闊落D,少D雜物。用地台床可以有多些儲物空間,放一些雜物,好適合我地個單位。

睡房最終樣子:用上淺色牆身,加上多窗,看上去不會好焗促。(請無視雜物)

同場加映:

連燈飾我都想襯埋一set,於是叫cfu幫我搵,又搵到WOR,幾好野!

得閒我就會上去監下工,D師傅都冇吞POK點樣,睇佢地做野都幾認真。暫時只有小手尾要跟。

分享都呢度,雖然間屋不是我自己住的,但見到最終出到來細佬滿意,真係幾辛苦都值。另一樣體會就係,我雖然本身都有唔少idea, 但揀料、擺位、設計、實際可行性果d都係不在行,好彩有搵cfu,心諗有d錢真係唔可以慳….我而家就開始下一輪工作,度緊自己的單位點整了,遲D有機會再分享吧!