davis_mav 發表於 15-4-24 20:54
早半個月前, 我在某貓義工fb見到有隻流浪貓A同我家其中一隻貓好似,
我地之前一直想加貓, 用了大半年時間去考慮,
於是決定聯絡義工K小姐, 但佢話已有一對夫婦想領養牠,
之後介紹其他貓給我, 但我始終只想要A一個,
早幾日K小姐打比我, 話果對夫婦唔適合養, 因夫婦話義工太多要求,
問我仲想唔想養A. 我話想, 我一直等希望有機會領養佢,
K小姐話暫託者就快搬屋, 想盡快處理,
咁我話我地已立心決定養牠, 可以考慮不去暫託者家看,
因為我們不會去到見到貓先講A唔適合我地.
我話如果佢同意, 可以直接來我家家訪, 決定我地係咪適合養A.
K小姐當時同意我講法.
K小姐比左暫託者既WHATSAPP我, 叫我聯絡佢,
於是我WHATSAPP打左一大段字, 內容大致係講我家情況,
再話如果覺得我地適合, 請再聯絡我, 安排家訪.
她只用一個圖案覆了"OK".
第二日, K小姐話我冇聯絡暫託者,
我話我已打左一段字比暫託者, 但佢只覆左一個OK咋喎.
K小姐話可能溝通上有誤會, 之後K小姐安排左今日1745左右來我家家訪.
我執好哂間屋等佢地黎.
到1730, K小姐打黎, 話"我地"仲係屯門, 依家CALL VAN過黎.
你15分鐘前先打黎同我講我都算, 我可以等,
我問"你地"係指幾多個人? 佢話3個, 包括佢, 暫託者同貓舍既朋友。
我就問點解會係3個既?
K小姐執貓, 暫託者照顧A, 佢地要睇我適唔適合養貓我絕對理解,
咁第3個點解要上黎家訪?
我問係咪一定要3個人一齊上黎家訪, 先可以決定養唔養到一隻貓?
K小姐話佢係佢地既朋友, 所以想上黎幫下眼了解下.
然後我聽到電話後有人好大聲嗌: 唔鐘意, 我地咪唔黎囉!!!!!
我好嬲, 但冇出聲.
K小姐話, 咁好啦, 多出黎果個人其實約左人去旺角, 我叫佢直接同人出旺角啦.我同暫託者兩個上黎.
咁我話, 咁如果你地差唔多到, 再打比我啦.離當初約既時間差唔多過左45分鐘, K小姐打黎, 話到左樓下.
咁我就話就我依家開樓下閘鎖,
之後她突然話, 暫託者唔上黎啦, 因為佢唔係幾開心.
我問點解?
佢話我頭先個電話唔尊重佢, 唔比佢帶朋友上黎, 所以佢唔上黎喇.
我話, 我頭先既電話只係講返我既意見, 我只係問下,
完全冇話唔比你地上黎,
我只係奇怪點解唔一早同我講聲你地係3個人上黎家訪,
如果我係唔比既, 我頭先可以直接叫你地唔好黎啦!
跟住我聽到電話後既暫託者不停大罵, 然後果位第三者搶左個電話,
話: 只係多一個人姐就咁敏感, 話我冇誠意, 冇尊重佢地,
我反問佢, 咁如果當初我上黎睇貓,
唔係我一個上黎睇, 而係我突然帶十幾廿個朋友來你屋企睇,
你又會覺得冇問題咩? 做人唔可以切身處地, 諗下人地感受嗎?
你地話我唔尊重你地, 你地又有尊重過我嗎?
佢仲話: 你帶人黎梗係得啦, 我地好歡迎添, 跟住話我敏感, 膚淺,
話你估我地零付出架, 我地搭的士過黎架!
話你第一句問3個人上黎已經冇尊重我地啦, 係你唔尊重我地先架!
完全唔覺得自己有問題, 不停講多一個人姐一D問題都冇,
咁我話, 咁即係完全係我唔岩啦, 你地唔講聲我聽就3個人上黎,
我反映意見, 結果令你地唔開心,
其實你地突然既安排我係唔可以有自己意見既, 搭的士都要入我數既, 咁你地依家想點呢?
佢話: 你唔識尊重人, 我地真係夾唔到囉, 暫託者決定HOLD返起A啦, 跟住WHATSAPP就斷左線!!!
第一, 當初係暫託者話要搬屋, 想盡快處理領養事宜, 我先提出可不到她家看貓, 直接來我家家訪, 既可知道我家適合與否, 又可加快領養程序, 當時K小姐表示同意! 如果不同意, 應即時提出, 我一定會依程序上她家看貓, 因之前其實跟K小姐說過, 今晚可以到暫託家看貓!
第二, 我WHATSAPP暫託者, 留了一段字, 話如果覺得我OK, 再聯絡我傾家訪事宜, 只換來一個"OK"圖案. 第日佢仲要同K小姐講話我冇聯絡佢安排家訪事宜!
第三, 臨見面15分鐘打黎, 話仍身在屯門, 現在CALL VAN 來, 又突然告知今晚是3個人上來我家家訪! 我都照等, 只表示不理解點解需要3個成人上黎家訪, K小姐說明白我不想太多人到我家的想法, 是她自己主動提出第三者不上來家訪, 並說第三者其實是約左人到旺角! 只係想順道上黎睇下!
第四, 臨到樓下, 先打黎話暫託者決定唔上黎喇, 話我既說話令佢唔開心, 我強調如果一早同我講定3人上黎冇問題, 佢地就反過黎話多個人上黎姐, 個個領養者都係咁架啦, 佢地好有經驗, 話我敏感, 一個人點同你講既成班人上黎比? 話我膚淺, 唔適合養貓, 話唔需要尊重我因為我唔尊重她們在先! 如果當初聽到我既說話咁唔開心, 頭先個電話就應該直接話你地唔黎啦!
第五, 家訪時間係你地定既, 當初如果你地準時黎, 有需要CALL VAN 嗎? 點解之後第三者又話佢地係坐的士過來? 你地冇預好時間搞到遲到, 你地搭咩黎亦唔係我要求既, 究竟你地搭咩車黎冇人知, 都係得你地把口講, 講到付出咁多, 都係我既責任嗎?
我好嬲, 比人講到零付出, 講到我唔識尊重人, 冇資格養貓, 咁我果兩隻貓點解依家養到咁肥肥白白? 因為我搵貓義工領養貓, 所以對佢地所有要求同安排唔可以有任何意見, 只要佢地一唔鐘意, 就可以人身攻擊你冇資格養佢隻貓, 然後拎哂你既個人資料( FB, 電話, 地址, 相)SEND哂比成個GROUP唱衰你!!
最後我想講, 暫託小姐, 最冇資格養貓果個係你, 你既人品係點, 聽你0係電話後既說話已曝露哂出黎, 你真係咁愛貓? K小姐話你嫌A搞破壞, 所以連房門都唔比佢入, 只准佢訓走廊咋!!!!
我只替A可憐, 其實好多人好心想領養牠, 但就係因為呢D人, 隨自己鐘意去決定隻貓有冇機會得到一個家!!!! 之前都有人想領養A, 但都因為她們的"條件", 最後放棄了!
我真係好嬲, 我知你地有齊我資料, 預左比你地唱衰, 但以上的確係我個人親身經歷,
如果JM打算領養貓, 真係要考慮清楚, MAKE SURE自己可以接受到他們的任何條件, 同埋要有心理準備冇哂任何私隱, 因為佢地隨時唔知帶幾多人上黎而唔預先通知你. 最重要一點, 即使你跟足佢地條件去做, 到最後佢地都"有權"拒絕比你領養! 然後BLACKLIST你再唱衰你!
大部分領養者都好有愛心, 但不代表可以比呢D人肆意踐踏!
PS. 我極少開POST, 都極少留言或回覆, 開POST只為講我個人感受, 不喜者請按上一頁離開.
發表於 
返回列表
