自由講場今日: 2957|主題: 1301829

收藏本版

發帖

返回列表

跳至頁

查看: 7438 | 回覆: 142

12 3 4 5...8

積分: 5340

1^#

發表於 15-5-11 13:26 |只看該作者 |倒序瀏覽 |打印

本帖最後由 i_love_leslie 於 15-5-11 18:56 編輯

我身邊有個奇怪的同事，稱呼佢做A，佢既事蹟計有：

1. 本來我自己慣左係辦公室叮飯或call外賣，某次在外面一間餐廳見到A食lunch，咁佢話一齊我都冇所謂。之後佢就日日過來搵我食飯，中間有時我約左其他朋友食飯唔同佢食，佢會黑面，有時我會出遠少少同朋友食飯，佢又會睇下我幾點返來，如果遲左佢會俾說話我聽。

2. 同事專心工作期間，A會突然靜悄悄站到你身後好似背後靈咁，唔出聲望住你同你部電腦。擰轉問佢有咩事，佢就會話”冇，睇下你做緊咩之嘛。”

3. 我同A分開兩層坐，佢會成日失驚無事過來我個位或者打EXT搵我，咁我工作成日都要離開個位搵資料或者去其他層數搵其他同事傾野，佢一搵唔到我就會whatsapp問我去左邊，但其實係冇公事要搵我，之後又會俾說話我聽話”頭先你去左邊?”大佬我去左邊關你咩事?佢又唔係我上司，唔知點解要同佢匯報。有一次佢問我信口吹話”去左洗手間呀，得唔得呀?”,佢竟然答我”我頭先有去洗手間搵過，你都唔係入面。”

4. A鍾意趁其他同事唔係位度，走去人地個位，睇下人地個月曆mark左d咩，枱面有d咩，甚至望人地個垃圾筒有d咩，開人地櫃桶睇下有d咩。跟住mark底或用手機影底佢有興趣八掛的事慢慢返去研究

5. 承上，如果A發現其他同事在月曆記事，因多數人可能用自己先明的縮寫mark低提醒自己，佢會好努力想辦法破解，譬如佢成功破解甲同事星期三下午請假要見減肥醫生，佢星期三早上就會留意個同事會唔會同個醫生double confirm個appointment，跟住中午會同大家講佢知道甲同事下午的去向，星期四早上甲同事返工後就會搵機會去佢個位搵野。

6. 人地已經表明開緊OT，只想快快手做完d工作，歸心似箭，A會無端端走埋你身邊問你做緊咩，跟住話陪你OT，坐在你身邊不停係你隔離問三問四，你唔理佢佢開始去隔離同事個位度搵野影相，一邊不停同你講有咩發現。

7. 我地公司有個圖書館可以俾我地借工作上所需的書，佢好鍾意睇下D同事借左D咩書，跟住CALL番來等個同事唔可以再續借，但其實本書佢自己冇用。

8. 基本上對8成同職級同事都睇唔順眼，每次同級同事有d product出，一定會拎住人地件製成品好似驗屍咁睇下人地有咩錯，even老細冇出聲

9. 承上，A唔鍾意某d同級同事，even件事唔係佢incharge，一捉到d同事有咩出錯，佢會send email俾老細cc俾個同事。咁被捉錯的同事自然心有條刺，之後遇到A有出錯，人地照辦煮碗同老細講番，A事後狂鬧人地賤格，鍾意同老細打小報告。

10. 承上第6,有一次我手頭有d工作要趕出來第二朝交,但又約左人,希望可以快快手做完,當時已過公司辦公室時間,我又見到A CALL我,於是扮見唔到,我唔聽,之後又用whatsapp搵我,我只好扮睇唔到,個心已經好驚佢會落來搵我煩住我或追問我做咩唔聽電話,好似我20分鐘已完成份野,我覆左佢一個msg話我已不在office,同時打算即刻逃離現場起碼唔算俾佢捉住,正當我離開公司大門,出lift check番電話見佢有幾個msg,分別係"你走左咩?我見到你個位附近重有燈喎?", "其實你未走架係未?", "如果唔係你,重會有邊個在office呢......"真係救命!

諗到再講

後記：其實呢位同事係女性，真係好似有d JM估咁,由於佢d親人全部不在香港而且單身，令到佢有好多空餘時間，人地個個趕住收工返屋企, 佢會連星期六都可以返公司hea。

我本身唔鍾意人地跟住晒同煩住晒,初時以為自己對佢有偏見,但睇完大家的回應先知自己咁諗好正常,但佢實在幾煩,我都唔敢太強硬拒絕,驚後患無窮,我只想安安靜靜地做完工作就收工,唔想生事,點解都咁難,唉.....

　

　