all twins mama:
我發現細孖呢排好野蠻同話唔聽,點解,事原係喺星期六我同孖b去左間幼兒園,嗰間幼兒園舉辦左個新生親子遊戲日,係比報左名嘅小朋友去體驗吓間學校嘅教育模式,孖b一去到見倒咁多野梗係想周圍反喇,但d老師一早已經安排好d節目逐樣介紹,當老師講故事時細孖唔肯坐定定聽仲不停扭計話要捐隆隆,我就同佢講話個個小朋友都坐坐,不如我地都排排坐好無,佢不停話唔好,咁我再攞d野出黎氹佢啦,佢都唔肯,好喇,到老師講完故事時再介紹另一面嘅教材,去到另一邊有幾張桌同椅,上面擺左d顏色筆同鉛筆,細孖見倒又話要畫畫畫,咁老師講解緊個地方佢又係咁,想要乜就即刻要有,同佢講等一陣完全唔聽我講,基本上其他小朋友都唔係咁,唯獨係佢一個,真係唔知點解.