大女差唔多一日一嚎哭,我真係無曬辦法,就以剛才為例:每晚七點半都會過奶奶到食飯,7:15pm 大女要求工人比麵包佢食,因我正在沖涼,到我沖完涼之後,大女又對我要求攞包包食,我本來想比少少佢食,但工人話佢已經比咗少少,所以我就無再比,大女知道我唔會比包佢食之後就 lur 地大喊(真係好嘈),我話要過嫲嫲到食飯嘞,唔食包包架嘞,佢死都唔聽 我應該點樣做至可以令大女乖乖聽我話呀?我覺得自己唔識教女,好唔開心!
最後我係要發曬火又打又鬧,佢至肯收聲,呢個方法係我最唔想…
我覺得呢個係兩敗驅傷既方法,一 d 都無效,其實我可以點做呀?我真係好頭痛呀!