首先你要知道你老公點解唔要生第二個先, 佢係為經濟? 唔太喜歡? 定係教既問題, 才能對症下藥。
以我個CASE為例, 我係用左3年時間去說服佢咖。我第一個係囝, C6話如果我保証下個係女咪生囉 我C6係全職爸湊仔咖, 男仔既精力同百厭程度係勁過生女, 加上果時佢都3到尾, 佢覺得好累, 咁當然錢都係一個問題, 更重要既係教既問題, 因係佢湊佢教, 所以佢唔想再黎多次。
我係網上或FB見到人地SHARE點解要生兩個呀、邊D識既朋友有兩個所以佢地有伴之類呀都會SHARE俾我C6, 間中就要洗佢腦。有時係到講下笑, 我會同佢講『而家唔駛你講咩, 你做就OK咖啦』, 或者『你唔生我搵第二個同我生咖』之類, 咁當然只係大家吹水時輕鬆講下笑咁唔係真, 但因我再生都屬高齡咖啦, 所以我好認真咁同佢講我點都係想再生多一個, 再拖落去先有第二個, 生時我同BB都危險D。 再者有時見到阿仔自己一個玩, 都有點唔忍心。加上我同老公屋企都屬於大家庭 (我地各有兄弟姐妹5、6人), 將來我地有咩事只得阿囝一個人, 無人商量同傾下真係差咁D。可幸既係我同老公都係屬於喜歡小朋友既人, 所以慢慢佢都聽我講, 而家已經開始努力, 期望快D有第二個。
樓主你地如果經濟唔係問題, 好應該搵出你C6既心結, 如果你老公都同我C6想法差不多, 係覺得辛苦既, 你就要落多D心機令佢積極D啦。 我成日串C6『食飯夠辛苦啦~你又食?』『做人夠辛苦啦, 你又仲係到?』之類, 可幸我C6都係可以講笑同積極既人, 係呢D咁既溝通過程中大家都摸下對方既想法同感受。 搵岩說服你老公既方法, 你就會成功一半啦~祝好運。