少年成長

跳至

首頁
1

尾頁
   1


大宅

積分: 1139


發表於 15-6-30 17:43 |顯示全部帖子
囝囝19個月仲未識得講嘢,仲係講梗bb話,仲未識得對住我同老公叫pa ma,我教佢嘢,佢又唔多理。上星期返健康院個醫生話阿囝發展比其他小朋友遲,要轉介去醫院,真係好擔心!


公爵府

積分: 28535

認識瑞士牛牛第二回 認識瑞士牛牛第一回 BK Milk勳章 hashtag影視迷勳章 畀面勳章


發表於 15-6-30 18:56 |顯示全部帖子
的確會好擔心,
希望佢只係未有興趣學啦~~
BB加油!!
花花真美好!


大宅

積分: 3498


發表於 15-7-1 16:10 |顯示全部帖子
本帖最後由 9830didididi 於 15-7-1 16:12 編輯

回覆 LKW2011 的帖子

定啲,我家同你的情況相同,冷静,以下是我的經驗,請自己幫孩子做點評估︰留意孩子︰叫孩子名字之時,孩子懂得向你的方向望住你。與孩子講話不能太長,以兩個字做開始,例如︰沖涼、食飯、瞓覺、玩車車。教孩子玩,留意孩子的理解能力,在一般情況下,孩子的理解能力應該在語言能力之上,就是正常。起初教孩子玩車車,孩子會跟住你的方法嘗試,你只可以教簡單的動作。找一份''煮飯仔''玩具,可以買也可以借,問朋友借都可以,與孩子一起玩煮飯仔,教孩子把''食物''用盆子盛好,請人食,留意孩子做唔做到。帶孩子到戶外玩,可以到遊樂場玩滑梯,留意孩子對其他小朋友,有沒有反應。能否懂得''模仿''別人的動作。教孩子學唱歌,與孩子一起聽音樂,要不斷重複播放,讓孩子可以有機會學會。youtube 有大量幼兒歌曲。而家要開始的了,不要等待報告出,否則,太遲教,會錯過很多事的。我們也曾為了孩子這問題,吃了大半年驚,我也是有專業社工,醫生,兒童導師給我指導的,請盡快開始吧。經過測試,不少人只是驚餐飽而已,孩子一般是正常的。請放心。


大宅

積分: 1139


發表於 15-7-1 18:15 |顯示全部帖子

回覆:9830didididi 的帖子

謝謝你的意見,不過我帶BB去playgroup時,我留意到佢唔會自己攞玩具玩,亦唔會同其他小朋友玩,每次都係我攞玩具比佢,但我直覺覺得佢又唔似自閉。



伯爵府

積分: 15708


發表於 15-7-1 23:10 |顯示全部帖子

回覆:囝囝19個月仲未識得講嘢

佢識唔識聽你指令?


侯爵府

積分: 21056

2024年龍年勳章 虎到金來勳章 牛年勳章 BK Milk勳章


發表於 15-7-2 11:35 |顯示全部帖子
LKW2011 發表於 15-7-1 18:15
謝謝你的意見,不過我帶BB去playgroup時,我留意到佢唔會自己攞玩具玩,亦唔會同其他小朋友玩,每次都係我 ...

3YR以下的BB都係自我中心, 唔會主動同其他小朋友玩.

自閉的BB係連家人都唔睬. 如果佢同你有互動, 就唔似自閉.

男仔講野係慢, 有朋友個仔4YR先肯講, 但一講己像大人講野.


大宅

積分: 4147

睛靈勳章


發表於 15-7-2 15:34 |顯示全部帖子
我仔都係19個月, 都只係講單字. 成日都唔知佢講咩BB話, 不過知佢遲O的就一定會講到, 所以唔擔心. 依家趁佢仲會講BB話, 錄多O的, 唔係佢一識講野, 就唔講BB話KA LA


珍珠宮

積分: 39174


發表於 15-7-2 17:02 |顯示全部帖子
本帖最後由 Littlecatta2013 於 15-7-2 17:16 編輯

回覆 LKW2011 的帖子

佢理解力同社交如何﹖﹖
講爸爸媽媽物件名稱身體部份佢識指住/望住嗎﹖﹖要聽得明先可以講得出。
會懂語前技巧如:主動手指指/問佢野佢會有意義擰頭點頭示意嗎﹖﹖
會做簡單指令嗎﹖﹖
會做些吸引你注意o既事情嗎﹖﹖例如拾地上o既車車給你看看嗎﹖﹖
你指住某方向時,佢會跟住你指的方向望嗎﹖﹖
你做一個動作時,佢會唔會模仿﹖﹖(當然唔係太難o既動作,如你伸脷,佢會跟你伸脷)
佢會唔會用"正確"方式玩玩具﹖﹖



珍珠宮

積分: 30988


發表於 15-7-2 17:35 |顯示全部帖子

引用:囝囝19個月仲未識得講嘢,仲係講梗bb話,仲

原帖由 LKW2011 於 15-06-30 發表
囝囝19個月仲未識得講嘢,仲係講梗bb話,仲未識得對住我同老公叫pa ma,我教佢嘢,佢又唔多理。上星期返健 ...
我自已係過來人好明白你既心情,現階段你盡快出去做私人評估先,我阿仔都係比同齡小朋友整體發展慢左1年,特別是語言遲緩及理解能力好差,你要有心理準備同阿仔去做訓練




大宅

積分: 1139


發表於 15-7-3 00:35 |顯示全部帖子

回覆:pandaforever 的帖子

阿B識得聽我指令,例如同阿B玩波波時,我叫佢推個波比我,佢係會向我方向拋波。


大宅

積分: 1139


發表於 15-7-3 00:47 |顯示全部帖子

回覆:wmkcnw 的帖子

如你所講,我阿B應該唔似自閉啦,佢成日都要我陪佢玩,我一行開,佢就會大叫。


大宅

積分: 1139


發表於 15-7-3 01:04 |顯示全部帖子

回覆:Littlecatta2013 的帖子

佢理解力同社交如何﹖﹖
←健康院醫生話阿b理解力還未有。

講爸爸媽媽物件名稱身體部份佢識指住/望住嗎﹖﹖要聽得明先可以講得出。
←暫時仲未做到

會懂語前技巧如:主動手指指/問佢野佢會有意義擰頭點頭示意嗎﹖﹖
←可以,如佢想要果樣嘢佢會指住大叫,如佢唔想食或唔想要某樣嘢,佢會擰頭。

會做簡單指令嗎﹖﹖
←會

會做些吸引你注意o既事情嗎﹖﹖例如拾地上o既車車給你看看嗎﹖﹖
←會

你指住某方向時,佢會跟住你指的方向望嗎﹖﹖
←會

你做一個動作時,佢會唔會模仿﹖﹖(當然唔係太難o既動作,如你伸脷,佢會跟你伸脷)
←會,例如我用布抹嘢,佢會模仿我抹嘢。

佢會唔會用\"正確\"方式玩玩具﹖﹖
←一dd,如玩車仔佢會喺地上推,但玩煮飯仔玩具時,佢多數攞玩具嚟敲打。


珍珠宮

積分: 39174


發表於 15-7-3 11:19 |顯示全部帖子
本帖最後由 Littlecatta2013 於 15-7-3 11:24 編輯

回覆 LKW2011 的帖子

其實佢社交唔太差,因為佢識模仿你動作又會做野吸引你注意,又會跟住你指o既方向望。

而家要加強佢理解方面,由認物開始著手,說話要非常簡單,單字著手,講野要慢,你同佢玩一樣野時,不停重複o個個字,例如玩波,只講"波"字,唔好講"媽媽同XX玩波波",每做一個動作,就講一個字,如踢波,你一路做踢一路講個"踢"字,之後俾個波佢叫佢踢,佢做到踢呢個動作你又響佢身邊講個踢字,到佢理解到咩係波,識表達想玩波,講到單字就加張句子,如XX要玩波、踢波、接波、俾波我、俾波你、波係圓的、波係橙色的、踢個波去XX、放好個波入箱等等。

仲有,如果佢想玩波,唔好即刻俾佢,反問佢係咪想玩波,講波啦。

認爸媽,你指住C6講爸爸,你拍自己心口講媽媽/你c6指番你講媽媽。甚至俾你地張相佢認,我o個陣係趁阿仔訓定定飲奶我不停響佢面前拍心口講媽媽,我又印哂我同c6張相一得閒就攞出黎俾佢認同講。

多點訓練口肌,食野時教佢學吹凍食物、用飲管、咬萍果/刨粟米,練咀嚼。

唔好擔心,19個月仲好細。


大宅

積分: 1139


發表於 15-7-4 00:34 |顯示全部帖子

回覆:Littlecatta2013 的帖子

明白晒,首先多謝你意見,我會嘗試用你的方法去教阿囝,希望在數月後,阿囝可以喺理解同語言方面都有所進步,到時醫生可以幫阿囝close file


珍珠宮

積分: 40791


發表於 15-7-4 13:20 |顯示全部帖子

回覆:囝囝19個月仲未識得講嘢

我囝2歲先有單字 觀察下先 可能遲開始啫


而家囝囝發音好準 仲叻過我地 講英文有哂尾音


用戶要求終止服務

積分: 5479


發表於 15-7-6 00:53 |顯示全部帖子

引用:囝囝19個月仲未識得講嘢,仲係講梗bb話,仲

原帖由 LKW2011 於 15-06-30 發表
囝囝19個月仲未識得講嘢,仲係講梗bb話,仲未識得對住我同老公叫pa ma,我教佢嘢,佢又唔多理。上星期返健 ...
我囡學講野唔可以刻意教佢,例如指住歷住個波波話比佢知佢係點都唔記得,一定要係日想活動講出黎等佢自己去理解,例如見佢玩緊就話xx係度玩波波等等,總之佢歷個波你就自己講,慢慢佢仲會自己分辨到其他樣嘅波波,唔再限於自己屋企果個先叫波波
好難表達…總之就係多d同佢講野


複式洋房

積分: 477


發表於 15-7-6 01:13 |顯示全部帖子

回覆:囝囝19個月仲未識得講嘢

希望你仔仔可以快d追反


子爵府

積分: 14819


發表於 15-7-6 10:45 |顯示全部帖子

回覆:LKW2011 的帖子

我女都係遲講野,17.5個月才識叫媽媽,女仔來講算遲。佢平日主要由工人照顧,所以聽得唔多,我有俾廣東話兒歌佢聽,玩遊戲時雖然佢唔識講,又唔會跟住講,但我知佢聽得明。就算佢自己玩,我都會不停講野,形容佢做緊咩,有時提議佢點玩,佢又會跟。

20個月開始我每晚同佢講故事,都係啲日常生活故事,有時一齊睇佢啲相,講番佢做緊咩,又俾點讀筆佢玩(我自己錄音),之後有時見佢會自己拎圖書睇,指住叫bb, bear bear之類。之後講野進步好快,佢唔鍾意跟人講野,但會突然自己適用啲詞語,到兩歲三個月返n班時,老師仲讚佢講野叻,講到短句。


大宅

積分: 3172


發表於 15-7-28 02:54 |顯示全部帖子

引用:囝囝19個月仲未識得講嘢,仲係講梗bb話,仲

原帖由 LKW2011 於 15-06-30 發表
囝囝19個月仲未識得講嘢,仲係講梗bb話,仲未識得對住我同老公叫pa ma,我教佢嘢,佢又唔多理。上星期返健 ...
我囝囝19個月都唔係好出聲,教佢講野又唔彩你,去健康院掉中話佢慢,要再進一步跟進,果陣我都好驚佢有語言障礙
突然去到差不多2歲就開始肯出聲,講下講下依家就好鐘意跟人口水尾,有時自己愈講愈多野,我相信男仔語言方面係無女仔甘叻,不過你都可以試下keep住同佢講多d野,依家我會同一個方法,好簡單問囝囝食唔食飯,佢只會唔一聲,我會問到佢講到食呢個字先,再問佢一兩個問題,慢慢引到佢聽多d而慢慢就會講多左野,希望幫到你




大宅

積分: 3536


發表於 15-8-1 00:30 |顯示全部帖子

回覆:囝囝19個月仲未識得講嘢

我仔都係19個月,唔講野,唉




首頁
1

尾頁

跳至