嬰兒醫護

跳至

首頁
12

尾頁
   2


大宅

積分: 1779


發表於 15-7-25 22:08 |顯示全部帖子
我個小朋友而家16個月已經試過兩次發燒抽筋call白車入院經歷:-( 今朝開始到而家個體溫keep住徘徊37-37.4度 有時又退番正常36.8-9 最熱嘅時候比左次低燒水 已經勤抺身又浸浴 但係個身都重慶慶地咁 好驚又會變高燒 對上一次發燒抽筋只係兩星期前 陰影好大壓力都好大。。我已經變左精神緊張咁每兩三個字就會幫佢耳探 其實佢而家咁叫唔叫發燒呀


禁止訪問

積分: 2397


發表於 15-7-25 23:29 |顯示全部帖子

回覆:Nicabi1010 的帖子

提示: 作者被禁止或刪除 內容自動屏蔽


伯爵府

積分: 15272


發表於 15-7-26 10:58 |顯示全部帖子

引用:我個小朋友而家16個月已經試過兩次發燒抽筋

原帖由 Nicabi1010 於 15-07-25 發表
我個小朋友而家16個月已經試過兩次發燒抽筋call白車入院經歷 今朝開始到而家個體溫keep住徘徊37-37.4度 ...
明白你的感受,我仔細個成日燒都令我精神緊張!




子爵府

積分: 13589


發表於 15-7-27 14:52 |顯示全部帖子

引用:我個小朋友而家16個月已經試過兩次發燒抽筋

原帖由 Nicabi1010 於 15-07-25 發表
我個小朋友而家16個月已經試過兩次發燒抽筋call白車入院經歷 今朝開始到而家個體溫keep住徘徊37-37.4度 ...
我絕對明白你的緊張,我個女由2歲開始都成日病,入過3次E院,都係因高燒4日,食藥塞patpat都唔退。

但37-37.4都未係發燒,根本唔應該比佢食退燒藥。

再講,發燒只是一個signal 身體有毛病,你不停比退燒藥佢食,但唔係解決佢有問題的地方,咁始終會有問題。

小朋友發燒,通常都係喉嚨發炎,你見佢體溫比正常偏高,其實係咪應該㷛d清熱的嘢比佢飲,例如開奶茶,紅蘿蔔水,雪梨水等等。而唔係未發燒就比退燒藥佢食囉!

不喜勿插!





大宅

積分: 1024


發表於 15-7-27 17:53 |顯示全部帖子
我囡個幾星期前又係連續高燒咗5日,平均係39.4-40.2度, 呢d 先係高燒
之後住醫院果陣, 醫生話37.8度以上先係發燒需要食退燒藥, 如果高過39度先會塞退燒藥係pat pat
37.4只係體溫偏高少少, 可以試下抺身或者沖涼試下降溫,唔需要即刻食退燒藥, 其實食得多對小朋友都唔好


大宅

積分: 1779


發表於 15-7-27 19:48 |顯示全部帖子
回覆 maymycheung 的帖子

我都唔想比咁多藥我小朋友食架,可以做嘅都做足,浸浴、抺身、多飲水、竹庶粟米蘿蔔水、比佢休息、但係問題係佢完全無退熱嘅情況嘛。我相信如果你小朋友無抽筋嘅你絕對唔會明白,我琴晚見佢臨訓都係37.3、4我都無比藥佢,但係訓到零震3點真係開始發燒,已經接近38度,今日最高係39.3度。唔係我係唔係都比藥只係我唔想佢再發燒而抽筋


大宅

積分: 1779


發表於 15-7-27 19:55 |顯示全部帖子
回覆 Babu827 的帖子

因為我小朋友係會發燒而抽筋,佢一發燒我地要比其他人更加小心


大宅

積分: 2963


發表於 15-7-27 21:19 |顯示全部帖子

回覆:又想發燒嘞

我明白樓主擔心,憂慮,未燒真係唔好比佢食藥,我自己覺得越食得多,越差,最重要發燒俾多D水佢食,同佢沖涼降温,看緊D,懂得處理抽肋問題,就不用太擔憂,要小心處理。


子爵府

積分: 13589


發表於 15-7-27 22:26 |顯示全部帖子

引用:回覆+maymycheung+的帖子我都唔想比咁多藥

原帖由 Nicabi1010 於 15-07-27 發表
回覆 maymycheung 的帖子

我都唔想比咁多藥我小朋友食架,可以做嘅都做足,浸浴、抺身、多飲水、竹庶粟米 ...
我絕對明白你的concern. 但你好似唔係好明人點解會發燒。我絕對認為你有需要了解一下,上網搵下資料。

大約講下,人體內每當有病毒或病菌感染時,身體會自動提高溫度,消滅病毒或病菌。但你一發現孩子體溫稍高時,馬上給退燒藥,強行降溫,變相幫助病毒一把,小朋友只會越燒越高!

我認為你要尋求怎樣控制或被免發燒引起抽筋的情況,而唔係一有少少溫度上揚時,就馬上給退燒藥。這樣一來,小朋友冇機會增加抗病能力,二來,你只會以為小朋友沒燒而誤以為沒事一樣。

西方國家的醫生,大部分都唔建議38.5-39度以下服用退燒藥。




大宅

積分: 1779


發表於 15-7-27 22:59 |顯示全部帖子
回覆 maymycheung 的帖子

我相信你絕對唔明白小朋友因發燒而抽筋嘅家長感受,當然喺我小朋友未試過抽筋嘅時候,我都係主張發燒唔超過38.5度或以下就比藥嘅,但當你試過見到佢抽筋嘅情況之後我好肯定你一定會選擇寧願比藥都唔想再見佢抽筋囉,同埋我地都係同佢睇完醫生,醫生都建議我地比藥


子爵府

積分: 13589


發表於 15-7-27 23:34 |顯示全部帖子

引用:回覆+maymycheung+的帖子我相信你絕對唔明

原帖由 Nicabi1010 於 15-07-27 發表
回覆 maymycheung 的帖子

我相信你絕對唔明白小朋友因發燒而抽筋嘅家長感受,當然喺我小朋友未試過抽筋嘅 ...
我剛study 過發燒抽筋的情況,首先,我承認我真的冇這方面認知,原來真是會幾擔憂。

咁的情況,可能真的有需要每當發燒便需吃退燒藥;但個人覺得仍不應低於37.8時便給退燒藥。

Anyway, 我想還是應詢問E生。

祝孩子身體安好!




男爵府

積分: 5199


發表於 15-7-27 23:35 |顯示全部帖子
回覆 Nicabi1010 的帖子

我好明白你感受,真的會神經衰弱成日驚佢發燒,但醫院有冇同佢做腦部檢查有冇比啲建議你可以點做


大宅

積分: 1024


發表於 15-7-27 23:47 |顯示全部帖子

回覆:又想發燒嘞

我明白你感受,我囡之前發高燒就係試過抽筋同全身震哂,當然我的確好擔心,仲去咁急症室添,急症室醫生同埋私家醫院醫生都話有d小朋友發燒抽筋係正常,只要唔係好似發羊吊果種抽筋抽到無反應反哂眼就唔使驚
如果真係持續發燒,建議樓主再搵其他醫生檢查下




大宅

積分: 1024


發表於 15-7-27 23:55 |顯示全部帖子

回覆:又想發燒嘞

其實一直發燒一定有原因,只要盡快搵到原因就可以對症下藥,如果政府醫院幫唔到你,建議樓主搵私家醫院幫小朋友抽血或其他野驗下,我之前個囡就係高燒四日去急症室兩次都求其打發我走,最後第五日仲發高燒,我就帶個囡去咗私家醫院先check到個囡原來染咗甲型流感仲有少少肺炎添,好彩仲算早發現咋




大宅

積分: 1779


發表於 15-7-28 04:15 |顯示全部帖子
回覆 Babu827 的帖子

上一次抽筋我地已經喺醫院做晒所有檢查嘞~腦素描、抽骨髓、驗血等等。報告都出晒無任何問題,醫生都表示佢係病毒感染我地都住左院4日,我明白咁快比藥佢食對佢係有千種唔好,但係叫我由佢燒我真係做唔到,佢到而家都keep住高燒低燒咁,唔到我唔緊張,抽筋就係因為腦部突然間適應唔到體溫嘅變化先發生,不過都多謝大家嘅好意提點


民房

積分: 30


發表於 15-7-28 11:53 |顯示全部帖子

回覆:又想發燒嘞

仔仔細個發燒抽筋,通常手腳冰冷,額頭超級熱,係咁打冷震。咁代表佢散吾到熱,以前吾識處理,以為佢凍只係幫佢加被。完來全錯了,佢開始打冷震或者抽筋時應脫去大部份外衣,頗密用暖水抺身,用冰枕或冰袋放係頸背降溫,咁做好快就吾再抽筋。醫院姑娘教既,可參考!




大宅

積分: 1779


發表於 15-7-28 20:00 |顯示全部帖子
回覆 firepotato 的帖子

佢到而家都重keep住燒下停下,我已經不斷抺身浸浴但係都幫唔到佢退燒,你仔仔而家幾大呀?試過幾多次抽筋經驗,醫生話6歲前都可能會再發生,謝謝分享經驗


民房

積分: 30


發表於 15-7-28 21:54 |顯示全部帖子

回覆:又想發燒嘞

仔仔三歳,試過兩次發燒抽筋入急症。自從姑娘教左正確退燒方法就冇再抽筋。醫生話係會持續返覆燒4至五日,只要燒最高點一次比一次低就證明身體對抗病毒有效,如果一次燒點比一次高就要留意,睇多次醫生好d!我好明白真係超擔心,希望可以幫到少少忙。




大宅

積分: 1779


發表於 15-7-29 00:33 |顯示全部帖子
回覆 firepotato 的帖子

佢你有無keep住比藥呀?有燒先比定係定時比藥?


民房

積分: 30


發表於 15-7-29 11:01 |顯示全部帖子

回覆:又想發燒嘞

有燒先俾好d,我都試過冇燒照俾,結果過度退,凍到全身紫曬!飲多d水都有幫助架!




首頁
12

尾頁

跳至