婦女醫護

跳至

首頁
1

尾頁
   3


複式洋房

積分: 464


發表於 15-7-26 21:20 |顯示全部帖子
本帖最後由 slowslow21 於 15-7-26 21:31 編輯

最近經GROUPON買了一個女性驗身計劃,主要ULTRA SOUND ﹣ BREAST/卵巢/盤腔 等。而那驗身中心叫盈X(在佐敦),雖然便宜,但十分唔專業及後發現,正正經經搵間私家醫院做都差唔多價錢。

1 只有護士與你對話
這問題不太大,只要護士夠專業就可以,但實情,她們又十分不專業,
首先,十分HARD SELL,十分期待你CHECK多啲其他ITEM,幫佢開單,
這個都無問題,還掂人都上到黎,鬼叫自己買PLAN時又唔全套買埋其他驗查項目,結果,畀多2900驗血。

2 照超聲波
技術員同我講話照到乳房12點位有兩粒硬塊,話其中一粒唔平滑,要擔心。
我當我被嚇得半死。她建議我再加錢照MAMMOGRAM。錢不是問題,只是我怕痛,但見這情況,都考慮畀錢做埋。
一踏出超聲波房門口,嗰位聲稱係姑娘,可能護士都唔係嘅SALES姐姐,就好似中咗六合彩,好叻好醒咁攞住疊FILE,諗住開單 (其實,我都講咗我會照咯,想點啫!可能我告訴她家母有BREAST CANCER HSITORY,她急不及待開單)
佢一嘢打開中間一頁,內有六七副患者的傷口照片,又流膿又盛…
我立即很反感,對她說,我向你提過我媽是患者,這方便我比你見得更多,請你把那FILE收好!

然後,再多數個姑娘出現,我問她們做MAMMOGRAM有多痛?我朋友剛在你們處做過,她提我痛得像滿清十大酷刑。然後,其中一名姑娘拍心口寫包單地稱今時今日技術員手勢好好 (下刪一百字),然後,向另一個姑娘打了個眼色!而她打眼色的一刻,是被我目擊到的,我感到自己跌入了天仙局,本身知到有硬塊,經以十分不安,而她們的天仙局舉動,再令我驚多十錢!

結果,我被安排上多四層樓的另一間化驗所照MAMMOGRAM。而讓診所感覺就專業一點。

十四日後,攞報告。由於在照那一刻知到有粒嘢,所以,在坐立不安的情況下,我預先預約了見周永昌醫生。
我星期二致電那九流的驗身中心,她們說報告已有,如要聽報告內容,就排到月尾,即多等兩星期。我問是醫生解釋報告給我知嗎?她們說,只係姑娘定唔知護士負責,再加多句,如果係醫生讀,價錢就唔會咁平啦!
都唔緊要,我也不太想與那班半姑娘半SALES再有任何交流。

星期三拿來報告,靠自已上網查那些醫療術語,又嚇得半死。
但問題來了,為何ULTRA SOUND及MAMMOGRAM的評估是有出入的??連SIZE也不同。
因為ULTRA SOUND話係纖維瘤,BIARDS 3,即短期觀察再算;
而MAMMOGRAM 話 係BIARDS 4,即5﹣95﹪係惡性腫瘤!雖然未係5級嘅MOST LIKELY CANCER,但我真得驚得崩潰…

到星期五,終於輪到見我自己預約的專科周醫生。在等入房時,我經己驚到不受控地流淚。
周醫生睇完我報告,就話我知其實ULTRA SOUND同MAMMOGRAM唔係講緊同一個位嘅硬塊。MAMMOGRAM講的,是十點位的那粒,而那粒,是我自己摸到,所以去照照的源頭。

二話不說,周醫生就替我觸診檢查。佢話唔好咁擔心啦,應該係良性,佢權威嘅背景配合一個我最想聽到的答案,真是令我釋懷不少。但又由於壞心情及負面情緒谷了成個月,我忍不住瘋狂流淚。

由於那硬塊不是完全是良性,MAMMOGRAM報告說要抱懷疑態度再查,而周醫生亦建議進一步行動。好在,又畀我搵返同約到周醫生(家母曾提及過一個她見過的QUEEN MARY HOSPITAL的周醫生,另一個係張淑儀醫生,後者要FAX MEDICAL REPORT先再考慮收新症),真係老套啲都要講句好感恩!

長篇大論,只想希望JM們關顧自己的健康,唔好拖,同埋,一定要搵可靠的診所為妳檢查。
我開頭諗住流流哋都CHECK住先啦,有事先再打算啦。但,原來CHECK住先,可以令你咁不安,可以令你驚足半個月,使完錢仲要氣頂!







大宅

積分: 3533


發表於 15-7-26 21:34 |顯示全部帖子
我剛剛都做咗ultrasound 同 mammogram, 我直接搵私家診所由放射科醫生做,做完等一陣已經有埋詳細報告同埋醫生詳細解釋,雖然價錢比私院貴少少,但真心覺得值 !


複式洋房

積分: 464


發表於 15-7-26 21:56 |顯示全部帖子
等報告嗰下真係想死!而且,如果你驗身時,啲人唔專業又令你不安。呢啲錢同時間真係唔好慳。咁你可唔可以喺度介紹返你嗰間?


男爵府

積分: 5095


發表於 15-7-27 04:24 |顯示全部帖子
家姐就係之前係驗身中心check, check完見到有粒野,個所謂既專業人士話似水囊,可以觀察下先... 但我姐夫不留緊慎,叫我家姐去專科醫生再check, 專科醫生一check, 已經知道係cancer... 如果聽驗身中心講, 可能拖到末期先知, 真係可以累死人嫁......



珍珠宮

積分: 44827

2024年龍年勳章 2024勳章


發表於 15-7-27 10:11 |顯示全部帖子
lowrylover 發表於 15-7-26 21:34
我剛剛都做咗ultrasound 同 mammogram, 我直接搵私家診所由放射科醫生做,做完等一陣已經有埋詳細報告同埋 ...

請問你睇的放射科醫生係男定女?
我想找女的放射科醫生照超聲波, 咁可以一次過照胸同子宮.
THX.


大宅

積分: 1322


發表於 15-7-27 15:38 |顯示全部帖子

回覆:slowslow21 的帖子

多謝分享!為免食驚風散,真係搵醫生寫紙驗好過!


大宅

積分: 3533


發表於 15-7-27 21:35 |顯示全部帖子
回覆 slowslow21 的帖子

我響香港婦×影像診斷中心度做


大宅

積分: 3533


發表於 15-7-27 21:37 |顯示全部帖子
回覆 me920 的帖子

做超聲波係男醫生(放射科專科)


珍珠宮

積分: 44827

2024年龍年勳章 2024勳章


發表於 15-7-27 22:03 |顯示全部帖子
lowrylover 發表於 15-7-27 21:37
回覆 me920 的帖子

做超聲波係男醫生(放射科專科)
咁你知唔知邊度有女醫生的放射科專科睇?


大宅

積分: 3533


發表於 15-7-27 22:39 |顯示全部帖子
回覆 me920 的帖子

法國醫院乳腺科好似係女醫生做,妳可以打去 chk 下


珍珠宮

積分: 44827

2024年龍年勳章 2024勳章


發表於 15-7-28 09:23 |顯示全部帖子
lowrylover 發表於 15-7-27 22:39
回覆 me920 的帖子

法國醫院乳腺科好似係女醫生做,妳可以打去 chk 下

thx.


複式洋房

積分: 464


發表於 15-7-28 11:19 |顯示全部帖子
總之各JM認住盈康,千祈咪去。我第一次去攞報告,佢話無MAMMOGRAM片,得WRITTEN REPORT。咁由於我趕住睇專科,唔同佢嘈。(因為佢話如果要讀埋報告,仲要排多兩星期,仲要唔係醫生同我讀喎,得啲擬似姑娘嘅SALES)。
由於事件要跟進,醫院話要睇片,OTHERWISE,我要照過!!!!
咁我打返去問,佢竟然話點會唔畀片,我話我講到明問有無片攞,我話如個你哋連攞片都聽唔明,咁唔該你哋唔好做呢行!
結果,又要我去多次攞我一早就應該攞到嘅X RAY 片,搞到我又要親自送去醫院。
咁嘢質素,唔使錢都唔好幫襯。仲要去到佢SELL你呢樣嗰樣,加加埋埋仲貴。
錢都算,唔專業令你又驚又氣頂

首頁
1

尾頁

跳至