我都係餵人奶架,開頭係好辛苦,我都放棄過,因為無經驗,屋企又無人有經驗教哦,開頭阿b又食得密,食好多次又唔飽,成日喊,又成日屙好水便便,奶奶話我食d野唔o岩阿b,又話阿b肚屙,轉奶粉比佢食,老公又唔想我辛苦,又係叫我轉奶粉,d乳頭都損晒,一餵奶就痛到入心入肺.我信心動搖,就轉左奶粉,不過自己唔甘心,食左一日奶粉又餵人奶.後黎去健康院d姑娘教左好多餵人奶方法,bk度又有好多有經驗媽咪,以家我阿b都開始食到奶,又訓到.
餵人奶d媽咪係好辛苦架,只要大家比d心機,為左阿b幾辛苦都會過去.d人話只要過左滿月就無咁辛苦,阿b已經適應到,又學識到食人奶,所以最辛苦都係頭一個月,大家一齊努力,不輕言放棄.
yan yan,
你以家谷奶,如果阿b食到,試下比佢食,無晒左d好野,餵到幾多盡量餵.如果你有問題上去母乳餵哺區度,個度有好多有經驗媽咪可以教你架,等你更加有信心.努力......