國家地區媽媽會 今日: 0 | 主題: 20235

積分: 4335

2^#

發表於 15-8-15 22:11 |只看該作者

嘩...入唔入到境都成問題，之前LA個邊啲非法月子中心警方高調掃晒，生BB始終係大事，叫你朋友諗清諗楚值唔值得搏

私人傳訊

積分: 171652

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

3^#

發表於 15-8-15 23:16 |只看該作者

回覆：在美國生bb

貴，好貴，冇保險淨係生果陣醫院張單都幾萬美金，仲要每次產檢幾百，冇保險醫院唔會收，仲有好多好多規定，都係要錢錢錢，冇人冇物咪信d月子中心會幫你搞得掂，所有犯法途徑一律唔會可以喺bk討論。

花旗太太生活在花旗國，留意時差，你問我未必即時答到。

私人傳訊

kkyyn

子爵府

積分: 12095

4^#

發表於 15-8-16 10:59 |只看該作者

回覆 rose-mag 的帖子

版主，你做版主，簡直實至名歸，勁

私人傳訊

mi11126

積分: 1897

5^#

發表於 16-1-5 20:08 |只看該作者

回覆：rose-mag 的帖子

想問下我而家bb5mth 大，先生黎緊有份工at NY ,大概2個月內動身，揸working visa,咁我果邊生，如果公司搞到保險係咪就必定有醫院收我？令外我好怕自己去產檢會同醫生溝通得唔好唔明，因為會好多醫學名詞

家有萬樂

私人傳訊

積分: 2243

6^#

發表於 16-1-6 06:24 |只看該作者

本帖最後由 ellie79 於 16-1-6 06:30 編輯

回覆 kamanc123 的帖子

係好貴, 我一次產檢+驗血(驗6樣嘢左右), 張單US$2XXX當然我有保險一毫子都唔洗比, 但係無的話, 諗諗每月一次產檢, 三四個月驗一次血,
未計生果時, 無廿萬港銀都唔好諗...................

就算有廿萬, 無人無物, 生果時走去ER咩...

好老實我都有諗過叫我弟婦嚟美國生, 但係經過多番考慮, 都係唔好, 錢係其次,
叫個大肚婆有咗幾個月住飛機去美國, 再搵醫生, 又無屋企人照顧, 真係三思..................

所以我都決定由正確途徑申請細佬同佢太太, 我上年一入咗藉, 就立即申請佢地, 雖然要等好耐,
但係話晒都叫合法.

私人傳訊

積分: 2243

7^#

發表於 16-1-6 06:42 |只看該作者

回覆 mi11126 的帖子

咁你係咩Visa??? 到時都成7個月啦, 個肚都大, 入境會唔會有問題呢???同埋聽講呢度D醫生7個月未必會收, 要問問佢公司保險先好喎...
到時唔收竟麻煩...
你到時上機都好似要醫生證明比airline,
同埋你之前咁多次產檢嘅記錄都要帶埋嚟呀, 有用架.

呢度D醫生其實我估同香港差唔多, 4-5個月前會多D嘢做下,
驗血, Ultrasound, 結構...
每個月都係同你講兩句, 無咩特別醫學名詞...
何況你嚟到都7個月, 攪得保險嚟, 都差唔多生, 所以真係問咗你先生公司個保險先好啦:)

私人傳訊

積分: 171652

8^#

發表於 16-1-6 16:07 |只看該作者

mi11126 發表於 16-1-5 04:08
想問下我而家bb5mth 大，先生黎緊有份工at NY ,大概2個月內動身，揸working visa,咁我果邊生，如果公司搞到 ...

答咗你，我補充少少，7個月要搭飛機，航空公司有權唔俾你上機，去到過關亦都有權唔俾你入境，你叫先生問清楚個工作VISA有冇包埋依親家人，保險係唔係包埋family呢一部份，如果有都好D，但你嚟到7個月又要去搵醫生搵醫院，唔係個個醫生接生架，仲要未生就搵定兒科醫生，因為BB出世第二日醫生就會嚟檢查。

7個月隨時生得，過到嚟要適應，冇耐生咗又要坐月，到時你先生初初返工，要請假的話真係有D為難，你又冇人照顧，仲要又大又細，NY都要睇邊度，駛唔駛開車，聽講NY日日塞車，downtown又貴，住得遠交通又唔方便。BB出院後第一日就要返醫院檢查，之後一星期兩星期三星期一個月三個月半年一年，真係需要精力去帶，到時會唔會有人幫到你？我驚你嚟到之後要搞住嘅地方，熟習環境，又要準備BB出生會好吃力。

你不如同先生商量計清楚，或者睇下有冇人可以喺NY幫你搵定資料先，起碼唔駛到埗後至搵，時間真係太倉卒。

花旗太太生活在花旗國，留意時差，你問我未必即時答到。

私人傳訊

mi11126

積分: 1897

9^#

發表於 16-1-7 09:37 |只看該作者

引用：回覆 mi11126 的帖子咁你係咩Visa

原帖由 ellie79 於 16-01-06 發表
回覆 mi11126 的帖子

咁你係咩Visa??? 到時都成7個月啦, 個肚都大, 入境會唔會有問題呢???同埋聽講呢度D醫 ...

我知道先生如果有offer,會系working visa,唔係任何綠卡之類，保險方面暫時淨係知公司會供家人四成其餘六成要自付，但幾時activate就未清楚,但我處境較麻煩已大肚中期所以一land頭一，兩個月check up唔知係咪cover 到

另外有以下疑問非常想知:
1)果邊教育制度？先生初步了解類似334,小中學免費
但免費果d政府校質素ok嗎？我地華人小朋友有咩途徑學中文？小朋友最早幾歲可以入學？

2)如果New York,住方面邊d區適合有小朋友又無咁雜？Brooklyn?Manhatan(會好貴?)?先生曾經提new jersy(係咪比較偏遠？)

誠心求問

家有萬樂

私人傳訊

mi11126

積分: 1897

10^#

發表於 16-1-7 09:48 |只看該作者

引用：Quote:mi11126 發表於 16-1-5 04:08 想問下

原帖由 rose-mag 於 16-01-06 發表
答咗你，我補充少少，7個月要搭飛機，航空公司有權唔俾你上機，去到過關亦都有權唔俾你入境，你叫先生問清 ...

多謝Rose 你詳細補充，好失用，完全無aware原來會上唔到機或入唔到境，以為全家有公司信有working visa 就通無阻……上機方面其實係咪可以email去airline 了解下？

另外我好concern 果邊讀書制度？又點學中文？
係咪好易請到Nanny 幫手？可靠嗎？
居住應該找邊區適合family,無咁雜或唐人friendly?

誠心求問

家有萬樂

私人傳訊

積分: 2243

11^#

發表於 16-1-7 11:42 |只看該作者

回覆：mi11126 的帖子

我唔係住NY, 希望其他NY媽咪幫到你啦。

其實好老實，你而家根本唔需要諗到細路讀書咁遠，一步一步嚟，BB都未出世，你諗下入境o唔ok先啦，入到境又再要跟保險，你先生公司比40%, 你地自己比60%, 每個月呢60%, 保一家人，可以好貴下架都，如果公司一active個保險，佢又無得唔保你嘅，但係有無醫生肯接case又另一回事，你又要睇睇個保險咩plan呀，network醫生，co-payment果d喎，即係每次睇醫生要比幾錢，藥又要比幾多，到時你生得住院要自己比幾多%, 呢一大堆嘢，足夠煩好耐，所以我覺得細路讀書果d嘢，遲d先諗啦；)

私人傳訊

積分: 171652

12^#

發表於 16-1-7 11:56 |只看該作者

mi11126 發表於 16-1-6 17:48
多謝Rose 你詳細補充，好失用，完全無aware原來會上唔到機或入唔到境，以為全家有公司信有working visa 就 ...

盡早飛，航空公司間間規定都有分別，有D去到32周有D更早，到時你7個月一定會問，要醫生寫信証明OK，為自己為BB都係安全為上，你可以去不同航空公司網頁睇下，應該有資料可以搵到。

如果你先生只係工作VISA，公司唔會幫佢申請綠咭，你就要諗清楚，如果BB出世喺美國讀書，將來先生會唔會返香港，到時BB點涵接香港讀書制度，好老實，美國點都係英語國家，呢度出世小朋友，就算真係第一句學識係中文，之後返學就會變以英文為主，就算屋企講中文，只要返學後，好快英文就會變成日常語言。一般keep中文都係去星期六日嘅中文學校，我住加州，紐約我唔係好清楚，只係聽住紐約朋友同同事講多，睇下有冇住當地會員可以答到你。加州有公校有教中文，但你預咗點都係冇可能同香港比，單靠學校係差好遠，我自己仔女為例，好慚愧，我自己中文叫做幾好，但仔女中文只能係叫做講得到，明大概，寫讀都唔得，本身我唔想逼佢地，所以冇返中文學校，只係靠屋企日常對話同學校每日一兩小時嘅中文教學時間，所做好有限，不過去到高中有第二語言學，到時如果仔女揀中文的話，叫做有少少底。

讀書制度一般冇香港咁大壓力，著重點係獨立性同培養學生自學嘅熱心，我呢邊幼稚園就教環保，教健康飲食，教點做好公民，老師又會帶動學生討論、投票，小朋友好細個已有自己獨立思想同個性，反而我覺得家長喺美國要學嘅比小朋友更多，點樣放手，點樣靈活處理問題，點樣同仔女解釋敏感話題，點樣同仔女建立信任關係，點樣安排親子時間，點樣定位。。。

Nanny呢邊唔易搵，但又唔係話搵唔倒，但我驚你係時間太趕，到時唔知點算。你話New Jersey，係New York隔離果個州，我有好多NY總部工作同事係住NJ，每日誇州返工，單程兩三小時坐火車，如果downtown工作其實都好方便，只係變得每日離家時間好長，我有同事係flexible working hours，一星期返4日，每日10小時，或者有D會一星期返公司三日，再兩日work from home，但當然唔係每個工種都可以咁做，同埋睇下屋企同公司相距幾遠，係唔係化算，因為NY屋價唔平，好多人想有好D居住環境同空間，於是犧牲上落班時間，住遠少少，而且NJ嘅稅率係低過NY，喺NY賺錢NJ生活會嘥番唔少，有會員講過會由NY揸車去NJ買嘢。

花旗太太生活在花旗國，留意時差，你問我未必即時答到。

私人傳訊

積分: 171652

13^#

發表於 16-1-7 12:03 |只看該作者

ellie79 發表於 16-1-6 19:42
我唔係住NY, 希望其他NY媽咪幫到你啦。

其實好老實，你而家根本唔需要諗到細路讀書咁遠，一步一步嚟，BB都 ...

係呀，保險呢part已煩死，我仔女醫生真係普通見一次，張單已經係二百幾，每做一個treatment都係錢，當然有保險唔係收我二百幾，我地成家跟我老公個medical plan，每次Co-pay只要25，但專科好似婦科足科呢D就50一次，ER一次二百，已經係算平，如果跟我自己公司，每年要3000 Deductibles，每張paycheck二百幾，生仔入醫院每次幾百。仲有dental，vision係好金，但又唔可以唔保，咁我成家年年4副眼鏡又真係抵晒。

花旗太太生活在花旗國，留意時差，你問我未必即時答到。

私人傳訊

積分: 2243

14^#

發表於 16-1-7 12:15 |只看該作者

回覆：rose-mag 的帖子

我地一家，2015年上半年都係用我老公公司保險，咩都唔洗煩，但係下半年就開始自己生意，要自己買保險，covered california都攪咗個幾兩月，煩屎人，我有個女，有個幾兩個月真空無保險，好無安全感，所以我都建議果個媽咪咪諗到咁遠。。。

題外話，我個女13年12月出世，第日要遲一年先讀書，我真係想喊囉。。。

私人傳訊

積分: 171652

15^#

發表於 16-1-7 12:22 |只看該作者

ellie79 發表於 16-1-6 20:15
我地一家，2015年上半年都係用我老公公司保險，咩都唔洗煩，但係下半年就開始自己生意，要自己買保險，cove ...

其實做大B有做大B好，真係成熟好多架，學嘢比較快，我女係細B，不過女仔較男仔成熟，原本我都想駛唔駛hold back一年，但一來校區唔俾，二來preschool老師話我女已經ready，所以就如期入學。我去學校做義工，睇到我仔女兩班嘅同學，真係大B同細B差成條街，年尾出世果班，尤其是係仔，真係比同班BB好多，所以唔駛想太多，總之學習開心就夠啦。

花旗太太生活在花旗國，留意時差，你問我未必即時答到。

私人傳訊