自由講場今日: 2572|主題: 1301161

收藏本版

發帖

返回列表

跳至頁

查看: 15931 | 回覆: 230

HKTV mall=黑店??? (Updated: 收到退款#226)

[複製鏈接]

12 3 4 5...12

Tracy~

大宅

積分: 4016

1^#

發表於 15-8-26 15:55 |只看該作者 |倒序瀏覽 |打印

本帖最後由 Tracy~ 於 15-10-16 16:55 編輯

我系今個月14號買左4百蚊野, 包括三包P牌拉拉褲($347.4), 全部野寫住1-4日送貨, 但我買完後只可以揀最早21號朝早收貨, 甘我都明白可能太多人order, 所以都照買, 一個星期都接受到。

到左21號, 收到whatsapp通知今日送唔到貨, 有少少唔開心, 但都冇辦法。

到左22號, 已經嬲嬲地, 因為hktv mall淨系話送唔到貨, 冇提過幾時會送。唔通要日日系屋企等? 等email? 等whatsapp? 等電話? 佢會如何通知我呢? 如果我唔系屋企佢又送黎, miss左之後, 下一次又要等多幾耐? 我試下主動聯絡hktv mall live chat, 等左一陣, 有人回應, 我俾左訂單編號佢, 唔夠兩分鐘, 佢就leave chat. 我再試下connect, 下一個人傾左兩句又leave chat.

我真系好嬲, 再connect, try左兩個幾鐘, 終於有人理我啦, 個customer service系Tina, 我好記得, 因為佢系第一個肯幫我follow up的。但我個刻其實已經嬲到著火, 我話佢知我想cancel order, 佢當然話唔得啦, 一路覆我同一句說話: “請你體諒下我地.” 我最後答佢: “請你地都體諒下我.” 跟住佢又leave chat. 搞左三個幾鐘, 終於有所得著: hktv mall live chat好唔掂, 不停leave chat, 勁冇禮貌, d service竟然衰過淘寳。我最後send埋去佢地個CS email, 期待下睇下有冇回覆。

同日下午, 我同囡囡午睡中, 電話響, hktv打黎話送貨, 我當然話好啦。囡囡都俾電話吵醒系度喊, 我諗住收完貨唔駛再揾hktv, 我都唔會再幫襯。送貨員態度好好，收左貨打開箱先發覺得好少野，買左400蚊, 送左50蚊野黎, 又再一次失望。但我今次已經冇動力再揾佢地啦。

到左24號下午, 返緊工電話響, hktv打黎話送地區禮物, 我問佢有冇貨收, 佢都系例牌話唔系佢地負責, 要問返CS. 其實hktv老闆送禮物俾客都系想客人開心, 但我想講我收呢份禮物一d都唔開心, 完全没有任何期望。

收左工之後收到email話完成訂單, 我打開hktv mall個apps, 所有貨品的status都系己收貨, 張訂單由處理中變己完成…… 我今次堅嬲, 你遲送貨我忍, 你唔話我知幾時送我忍, 你宜家竟然仲要話我收左貨? 離唔離譜?

我又試下揾live chat 同send email la, 當然佢地依然冇幫我follow up同冇覆啦。Live chat個邊聲稱自己check唔到貨送左未架, 要send email俾佢地仲要有詳細的解釋, 再提供埋相片。原來你同一間公司買左野, 間公司系可以冇record有咩送左, 有咩未送。我已經冇野好講, 都唔想再同佢地講野啦。

當初試下用hktv mall系純粹想支持下佢老闆, 唔知有50蚊coupon可以用, 冇用過coupon亦唔知我個區有咩送。呢次網購真系令我萬分失望, 我以後都唔夠膽再用, 個350蚊當系買一個教訓啦。

其實我之前對王老闆印象都好好架, 講真第一次搞網購有不足我會體諒, 但估唔到系可以差到甘。今日我出呢個post系因為睇唔過眼hktv mall冇資源去follow我地呢d俾左錢冇貨收的客, 但不停出promotion吸引新客去買野。我完全feel唔到這是一間有良心的公司。