吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 一條刺的開始

婆媳關係今日: 0|主題: 27697

收藏本版

發帖

返回列表

跳至頁

查看: 57645 | 回覆: 603

一條刺的開始

[複製鏈接]

12 3 4 5...31

kit999

大宅

積分: 1043

1^#

發表於 15-9-15 23:59 |只看該作者 |倒序瀏覽 |打印

我永遠不會忘記，係我生左細仔幾天之後，你地拉大隊上黎我屋企，當眾質問我，點解唔通知你。

我面皮溥，個一刻我真係想喊，當住甘多人面前，比你鬧？我老公有幫口，話有通知，但我奶奶大伯茅頭直指我，好似完全聽唔到我老公講野甘。簡單講係為左鬧人而鬧。

不過我巳經唔記得大伯當時其實有無一齊鬧，因為太多事了，巳經記唔清邊次佢有講野，而邊次無。

你個仔大大個企係到，你唔問佢點解唔通知你？我老公的確係唔識做人，所以大家走哂之後我老公都比我產左上天花板，當時應該岩岩生左掛，甘岩我姑奶打比我老公問我生左未？我老公話岩岩生左，自己係產房陪完產出黎，叫佢代通知佢媽。（我產我老公個時，我老公係大約甘樣解釋番出黎）

（詳情我都唔知點解佢唔親自打比佢媽，但大約我都想像到，老婆岩岩生完都比較忙，甘岩家姐打黎，咪叫佢順手講聲）

但最主要問題係，令我最氣難下，嬲到訓唔著係，我奶奶係一個有得賭既話，天跌左落黎都唔會知既人，每日定時定候一定會落公園同d朋友開下檔，曾幾何時試過，約佢飲茶，佢玩緊牌，佢可以係電話靜止好耐，甘本無聽你講野，靜止完一輪，求奇答你好好好哦哦哦，山長水遠黎到開哂茶位，佢最後放你飛機，話唔知自己約左你，之後就周圍同其他仔囡講，我地唔返黎，唔比孫佢見。

我當住甘多人面前比佢話，我雖然想喊，但忍住左講，叫左佢（我老公）通知。
我老公就話：同左家姐講啦，而我姑奶份人一直都比較遷就我奶奶，見到個呀媽發緊老脾，只係細細聲輕描淡寫話，我有打比你呀。

但無人夠膽講，係佢媽自己玩緊牌，無聽到人講野，一賭完錢，就突然又好緊張d孫。但賭緊個時無野比賭係更重要。

之後佢地去飲茶，我老公唔敢去，想係到陪我，我叫佢落去同佢地一齊飲，反正係樓下飲好快姐。一關門，我就喊。

我真心覺得有d委屈，生緊bb搵命博緊，有幾痛唔洗多講啦，有幾倦係人都知啦，我邊有心情通知你，生完就訓著左，兩三個鐘後就推番bb黎餵奶，兩個鐘又餵一次，佢醒我醒，佢訓我訓啦。我又掛住屋企個大囡，我連自己呀媽都無通知，都係預左老公會攪掂。我老公就用wp通知哂所有人。

通知家人既野，緊係你個仔做啦，有乜理由係博緊命既我黎做？況且亦唔係完全無通知你，雖然係轉接d,但都叫有通知，要怪就怪你仔，點解怪我？
我老公用what app係幾個群組到通知哂好多人，我明白奶奶無what app,但你個仔係甘懶，我都無辦法架wo。我未作動前都吩咐左佢，記得通知你媽。。。（我都心知佢媽麻煩）甘我自己呀媽有玩what app，佢一知道就自動出現，我其實都無親自通知任何人，因我真係好倦，我在醫院期間賞試去餵人奶，巳經餵到半死（大囡以前係返左屋企幾日後，先開始用奶泵）所以細仔，一開始就係醫院埋身餵，變相係第1次，係醫院期間，就算我一拎起電話，我都係睇下個大囡情況，同佢講兩句電話，睇下佢d相。

我奶奶上黎當天係星期日，陪月ee放假，所以當時我老公洗緊個煲，坐月唔濕得水，這些是常識吧。自己個仔4年先一潤洗一個煲甘大把，講到而家都仲講緊。可能佢覺得平時d碗會係佢個仔洗掛。

當然仲發生好多野，但呢件事係有條深深刺既開始。有時，我都好深深明白到，點解個老公係奶奶屋企會唔係幾講野，佢其他大佬都係一樣。
大家都唔係點出聲，好嚴肅既一家人，自細唔識同人溝通。
因為我奶奶個面口，經常黑口黑口，一旦黑口黑面真係好難頂，唔秋唔彩，但一心情好，就好好多野講，一係唔講，一講野就講人是非，d仔所以由細到大都慢慢整整下係屋企都唔會點出聲。大家好安靜甘各自同自己野，或者成家人食飯好似默哀，我老公曾經講過原因。佢話廢事一係無啦啦比人鬧，一係就無人答自己。d仔囡唔識同自己溝通，係你地自己培養出黎架wo ，都唔係今時今日既事黎架啦，你成日耐唔耐就黑面黑到貢既樣，輸十蚊又黑面，輸一百又黑面，番黎食飯又黑面，唔返黎食仲黑，唔黑起塊面既時時候就攪是非，但雖然佢地唔出聲，但又無幾多個呀哥家姐夠膽博佢呀媽咀。

0 1 0

私人傳訊

sevim03

複式洋房

積分: 206

2^#

發表於 15-9-16 00:12 |只看該作者

回覆：一條刺的開始

咩都不用理，坐好月先，已經一早俾你奶奶定左形象，都難改變，只要坐完月得閒點，有時間咪理下奶奶，對她係木頭公仔，問一句答一句咪算囉！不要對她所說的上心！無謂因為這種人傷心又傷身！

HOKYI MAMA

私人傳訊

kit999

大宅

積分: 1043

3^#

發表於 15-9-16 00:16 |只看該作者

回覆：一條刺的開始

成日耿耿於懷，我地唔肯同佢住，點住？佢屋企係大呀，但大極都係700呎左右，但住左n甘多人，3哥一家3口，第4既一家兩口，第6既兩口，加兩老。
本身知佢同兩個新抱巳經有婆媳糾紛，難道我要加隻腳埋去嗎？

我地自己有樓，點解唔住自己既屋？
由我嫁個年講到而家。。。。
就算無樓，都寧願租屋啦。
甘多人住埋一齊，方便嗎？

甘都睇唔開，成日話人地唔返黎食飯，又唔諗下自己。。。。。打比你既時候又無反應，好似d態度唔想你返甘，叫你出去食又話要洗錢，煮你食又唔鐘意人地掂你廚房，叫你黎食就話遠，其實只係隔離區。
兩個字形容哂，玩哂。
同個群腳仔一唱一wo.天下無敵。
你慢慢講到夠，你越講，我只會越唔返。

點評

kerrykwok3736

發表於 15-9-17 13:22

私人傳訊

popomeow

男爵府

積分: 6674

好媽媽勳章 BK Milk勳章

4^#

發表於 15-9-16 00:17 |只看該作者

回覆：一條刺的開始

下次佢鬧你乜你就話係呀我錯，錯得好離晒罩，我生完攰到連你姓乜名乜住邊得都唔記得呀99點記得打俾你呀哈哈哈咁就行咗去，呢啲人係鍾意睇你俾人鬧到好似你當日咁眼濕濕又唔敢搏咀個忍喊樣。

點評

方方媽媽

發表於 15-9-17 19:32

私人傳訊

美之選468

公爵府

積分: 26519

5^#

發表於 15-9-16 00:22 |只看該作者

你生仔關99咩事JE ? 佢又唔出錢.又唔出力...要通知都先通知自己阿媽LA ? 系咪 ?

私人傳訊

castle100

公爵府

積分: 28770

6^#

發表於 15-9-16 00:25 |只看該作者

話叉知佢、使乜通知佢呀！e＋產婦大晒、嬲起上嚟冇奶點算、係咪佢餵呀、佢都冇尊重過你使乜比面佢呀、有咩都坐完月先講啦、產婦要多D休息㗎！有咪冬瓜豆腐係咪佢地負責呀！

私人傳訊

美之選468

公爵府

積分: 26519

7^#

發表於 15-9-16 00:28 |只看該作者

kit999 發表於 15-9-16 00:16
但大極都係700呎左右，但住左n甘多人，3哥一家3口，第4既一家兩口，第6既兩口，加兩老。

9個人住700呎 ? ...仲想你們搬入去住 ? 佢傻GA ?

私人傳訊

kit999

大宅

積分: 1043

8^#

發表於 15-9-16 00:43 |只看該作者

引用：Quote:kit999 發表於 15-9-16 00:16 但大極

原帖由 美之選468 於 15-09-16 發表
9個人住700呎 ? ...仲想你們搬入去住 ? 佢傻GA ?

係呀，佢真係好想我地搬入去，我聽到都O左咀，開頭講到要搵人番黎幫我地間番個房。

由我地買樓開始，佢就好似同大伯下下針對住我，我絕無踩低既意思，但我知道佢覺得供樓said錢，伸請公屋就得。因為除左我地，同另一個家姐，佢n代與全家都係住公屋。
我細個都係住公屋，我唔覺得住公屋有問題，但我覺得如果可以置業，也不是壞事吧!點解要個個人跟住你個套行？唔跟既話就係大洗？就係精山瓜？就係唔慳家？

個時上車，我地屋細，400未足，當時一家3口，佢講足幾年，話幾細幾唔實用，點點點點點點，而家換左屋，600呎，一家4口，佢話你甘大做咩？電費貴，水費多，夠住就算啦。

但最可恥係，佢所有野都會係同我講，而唔會話佢個寶貝仔一句。

私人傳訊

BBQ_ma

複式洋房

積分: 317

9^#

發表於 15-9-16 00:55 |只看該作者

回覆：一條刺的開始

甘辛苦生完無人關心，仲受氣呢個滋味真係好痛苦，我同樓主都一樣，有條刺！我為左唔令老公難同佢地繼續相處，但永遠係個心度，一林到就好嬲好唔開心

私人傳訊

ming(catgary)

大宅

積分: 2381

10^#

發表於 15-9-16 01:10 |只看該作者

引用：我永遠不會忘記，係我生左細仔幾天之後，你

原帖由 kit999 於 15-09-15 發表
我永遠不會忘記，係我生左細仔幾天之後，你地拉大隊上黎我屋企，當眾質問我，點解唔通知你。

我面皮溥，個 ...

比着我性格，
我肯定掟哂佢地出門口，
再加句，我生B關妳地蛋治，
過主啦!

私人傳訊

clippy

大宅

積分: 2141

11^#

發表於 15-9-16 02:07 |只看該作者

回覆：一條刺的開始

無謂人，唔好咁在乎佢
以後佢講咩，答案都係:哦
食飯反正大家都唔出聲，你咪玩電話囉
佢講咩都聽唔到就好

私人傳訊

Jolin_Yuen

珍珠宮

積分: 44802

2018復活節勳章 BK Milk勳章

12^#

發表於 15-9-16 13:39 |只看該作者

全家都有問題, 全家都幫手縱個咁既99出黎, 唉..

所以我自出黎做野開始, 我自己呀媽一唔講道理, 我理得3721就肯定鬧佢, 就係唔想第時弟婦受罪。

到我識左我C6, 我一樣會係C6面前話呀媽。
所以我都大條道理同C6講, 你睇到啦, 我幫理不幫親, 我自己呀媽都可以出聲話, 所有人只要唔專重人, 唔講道理我一樣冇面比。

SO FAR 男家個面知道晒, 都OK專重我。亦知我唔係冇啦啦有皮氣既人。

我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!

私人傳訊

babuyeung

大宅

積分: 2447

開心吸收勳章最關心BB問題熱投勳章認識瑞士牛牛第二回育兒性格勳章我的育兒心得勳章

13^#

發表於 15-9-16 14:32 |只看該作者

咩都不用理，坐好月先

私人傳訊

Yeelim

公爵府

積分: 28667

14^#

發表於 15-9-16 14:57 |只看該作者

樓主, 我覺得99無理由話你, 要話都係話C6啦! 俾我就立即同99講, 99你問番你仔點解唔通知你啦! 或者等我下次再生仔, 入產房之前打左TEL俾99先至去生啦! 吋番佢啦!

私人傳訊

clara1975

伯爵府

積分: 18754

畀面勳章

15^#

發表於 15-9-16 15:00 |只看該作者

除左老公之外...
所有男家嘅人做咩講咩都唔好太上心....
你只係同你老公一人交代而已...
放鬆 d....成日諗路人甲, 乙, 丙做咩呢..

私人傳訊

小小魚媽

大宅

積分: 4268

BK Milk勳章

16^#

發表於 15-9-16 15:44 |只看該作者

回覆：一條刺的開始

哩啲人你惡過佢就唔敢搞你啦，樓主坐完月未呀，唔駛嬲哩啲顛婆，唔駛放係心，令自己唔開心

知唔知佢會係邊度賭錢？搵日落去係佢啲賭友面前落佢面：話佢又賭錢，電話又唔聽，聽咗又唔記，轉頭來屈你，成日又唔理個孫，轉頭又話你唔俾佢見，等等… 將你嘅委屈一次過發洩出來，要佢反應唔來

相信佢下次見你仲驚過你見佢

當然你要過咗自己個心理關口先，始終係大庭廣眾下，只要你認為唔駛理啲三九唔識七嘅人就無問題

私人傳訊

cmw1010

禁止訪問

積分: 5768

17^#

發表於 15-9-16 17:16 |只看該作者

提示: 作者被禁止或刪除內容自動屏蔽

私人傳訊

M.A.C

伯爵府

積分: 17773

18^#

發表於 15-9-16 19:08 |只看該作者

回覆 Jolin_Yuen 的帖子

姐妹，我同你一樣做人，但可惜我老公和男家非常不認同。因為佢地仲會覺得父母始終係父母，即使有錯都不能罵，只能好言相勸。
你話我有幾無可奈何呀？
其實老公知道我對事不對人，但佢都覺得世界上不是「宗旨」大哂，
得饒人處且饒人喎，能夠好言就一定要好言，不能好言既都要尊重長輩。

我地好慘呀！

點評

kerrykwok3736

發表於 15-9-17 13:25

私人傳訊

msbear

男爵府

積分: 5465

19^#

發表於 15-9-16 20:14 |只看該作者

回覆：一條刺的開始

樓主你eq都好高下喎,我係你就真係門口都唔會比佢入, 咁離譜嘅事都比佢發生, 你自己都有個女啦, 你都唔想個女都遇到個咁衰嘅99恰成咁都唔出聲架?! 為母則強, 你99呢類人只會再追一步, 你點教你仔女吖, 個麻麻咁橫蠻, 樓主要硬起來去捍衛自己個家, c6保護唔到你就要靠自己, 以後佢要做孝順仔就自己返去, 你同對仔女就唔好返啦, 直至你99學識互相尊重先再見啦