本帖最後由 Arrin 於 15-9-18 12:08 編輯
月頭既時候同我好姊妹一齊行街HIGH TEA 買手袋, 果日真係開心到爆...我好姊妹都忍唔住都同我講咗句: ARRIN 你而家真係幸福咗好多, 有老公鍚, 99又煩唔到你!
回想返轉頭, 係! 我自覺係好幸運, 由福建既地獄返咗嚟香港既天堂.
你地睇下就明!(以下內容是針對我個人遇上既99, 並不是歧視任何國籍人士)
福建99
*智識水平極低, 可以話係無! 衛生常識係零,可以的話第三世界D人仲乾淨過佢~
*屋企有抽水馬桶都唔會沖水, 係要儲埋一大堆先用用過既水去沖, 成屋[押]味, 仲衰過公廁.
*新鮮食物如海產類物品會放置到由[鮮]變成[先] (註: 先人個先代表已故) 到假以時日拎返D[先虾]出嚟, 白頭人食黑頭虾, 食果時仲不停講佢買果時好新鮮!
*廚房有小強, 佢地係會直接噴殺蟲劑去爐頭同任何有電既地方, 最正係~佢地係會閂晒所有門窗,要玩黑太陽731,學日本仔打香港時玩毒氣測試....事實証明佢地係唔會死既!
*迷信到極點, 搞到成屋符又佛像閃咭, 但又唔好好安放好佢既[神像] 例如觀音放係電視機前面, 神枱係用嚟攝雜物等. 香係插係個橙上面就算,名符其實香橙.佢屋企搞到成個山墳咁樣....最得意係佢連聖經都有!
*垃圾係屋企隨處亂掉既, 係~真係成屋垃圾, 係~真係蕉皮會攝入梳化邊, 水樽會踼入梳化底....同電視廣告係一樣.佢張床有好多報紙同環保袋, 係一齊瞓既.
*佢地只會諗新抱係一定要生仔, 女係冇用, 一定要係仔, 唔生仔OR生唔到仔一定係個女既有問題.香港女人無大陸女人咁好生養!
佢個愛兒
*愚孝! 乜都以個老母為先. 個老母叫佢食屎都佢會食
*姑寒! 想當年我去買咗1600蚊既手袋, 又無叫佢比, 去到比錢時佢馬上走開! 成程比我阿娘睇到.而家我個C6唔同, 一句鐘意咪買LAW, 之後會問買咗幾錢會比返錢我.
*污糟,唔會做家務, 仲同佢老母一樣咁污糟, 佢煙頭亂掉係地下. 係! 係屋企地下
*唔會知醜, 唔會知衰, 唔會覺得自己有問題
*簡直唔係人嚟....已經唔想再提~..佢已經有佢既報應. (追加#22)
有時會諗起呢2個人都10分嘔心, 同好唔開心....唔緊要啦, 我已經有新生活, C6 好鍚我, 我下個月就生BB啦, 好期待!
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
返回列表
