吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唉~我做左磨心

婆媳關係今日: 2|主題: 27697

收藏本版

發帖

返回列表

跳至頁

查看: 7271 | 回覆: 61

唉~我做左磨心 [複製鏈接]

12 3 4

飛車小流氓

複式洋房

積分: 146

1^#

發表於 08-7-9 20:09 |只看該作者 |倒序瀏覽 |打印

我係人地C6

老婆生左第1胎, 亦係我爸第1粒孫, 我爸提議老婆到我爸家坐月, 方便我爸我媽煮野比老婆補身.有一日, BB夜晚唔肯訓, 我地兩公婆搞到天光先可以訓, 我爸我媽都要番工的, 都晨早起身煮豬肉菜湯比我老婆做早餐, 仲送到入房, 老人家知道坐月重要, 緊張實會, 但我媽唔知我地搞到天光, 見我地郁唔唔郁就語氣重咁話老婆:煮埋比你都唔食, 第時你就知...咁我即係彈起身解畫話琴晚我地冇得訓, 我媽聽到就走左去番工.

我爸我媽收工番黎, 見我地湊b, 就係周邊ee哦哦, 又話抱得唔岩, 又話唔好咁餵奶等等, 需然我地新潮, 但我地都湊得ok, 其實代溝梗有, 2代湊b 方法根本唔同... 最衰我媽我爸自已講完唔好咁樣, 轉頭自已犯同樣錯自打嘴巴, 攪到我老婆唔信我爸我媽

之前講過我爸我媽要返工, 佢地隔夜會整定所有食物, 我就負責整煮就ok, 我媽仲會沖定紅棗水等等, 但我爸好驚老婆食唔飽, 樣樣都整定好多, 雞都買定幾隻, 要老婆不斷食食食, 老婆擔心浪費我爸我媽心機, 但自已又食唔哂咁多, 壓力由此起...

有日, 我老婆朝早開始不斷喊, 喊到收唔到聲, 我問佢咩事, 佢話傷口痛, 又谷奶已經好辛苦, 我爸媽又過度緊張搞到佢唔開心, 好想返我地ga 屋企. 佢話返到屋企,外母就會去幫佢手, 但我心諗, 外母煮飯咁難食, 大熱天時都煲人參雞湯(燥到爆)既人, 好難想像我老婆會有咩補身.....但我當時都話安排下

今日我同我媽講老婆唔開心, 想搬番屋企, 佢即刻話好, 駛唔駛即刻搬？咁答擺明唔like, 我再問落去, 我媽話你估我d錢唔係錢呀？我d時間心機唔係野呀？整埋又唔食, 叫你咁湊b 你又話唔好咁, 坐得咁唔開心唔好坐啦, 費事一陣產生抑鬱又關我事呀, 不過, 需然係咁向我呻, 但係都仲我去街市買雞準備焞比老婆食, 畢竟, 我媽仲係關心我老婆....

唉, 依家我放完假要番工, 已經冇得訓, 個人又累, 又要睇住老婆情緒問題, 又要照顧我媽感受, 最唔開心果個其實係我囉~

0 0 0

私人傳訊

anson2007

伯爵府

積分: 17600

2^#

發表於 08-7-9 20:22 |只看該作者

尼Ｄ真係好心做壞事呀,
你就两面做人難,你老婆而家坐緊月,
情"水"上落好大嫁,同去你阿媽屋企點
都吾自在,返自然屋企就點都"書服"Ｄ呀,
你試下同你呀媽講,知道你又要返工,又要
整嘢食比新抱,好辛苦,外母都想幫下手,
一人倫一俥,老婆返自已屋企坐月,
好吾好呀,要問左佢先,重要你自已死9咁,
吾想呀媽咁辛苦,睇下得吾得.

私人傳訊

pamelaywy

子爵府

積分: 10177

好媽媽勳章

3^#

發表於 08-7-9 21:06 |只看該作者

其實既然你老婆想返屋企, 一來對你老婆情緒好o的, 二來會係兩婆媳關係反而有機會改善
因為坐月己經情緒唔好, 仲要聽埋你阿媽o的冷言同意見, 遲早會"吵"一次, 你地一向唔同住, 係一個咁o既情況下同住, 當然會有問題
你認為外母o的食物唔好食, 相信你老婆會覺得無問題, 因為o個個係佢阿媽ma

原文章由 飛車小流氓 於 08-7-9 20:09 發表
我係人地C6

老婆生左第1胎, 亦係我爸第1粒孫, 我爸提議老婆到我爸家坐月, 方便我爸我媽煮野比老婆補身.有一日, BB夜晚唔肯訓, 我地兩公婆搞到天光先可以訓, 我爸我媽都要番工的, 都晨早起身煮豬肉菜湯比我老婆做早 ...

私人傳訊

小寶貝兒

珍珠宮

積分: 30247

4^#

發表於 08-7-9 21:17 |只看該作者

唔單止好女2頭暪, 好仔都要2頭暪架~~

當你老婆提出要搬走, 唔好直接同你媽咪講話係因為老婆唔開心, 因為咁樣你媽咪會覺得你只關心你老婆, 唔關心下媽咪返工都仲記得買雞買野dun比你老婆食!

所以你應該提出時就話, 覺得咁樣落去太辛苦佢2老, 不如搬返屋企, 等外母黎照顧返老婆, 仲要話"外母辛苦好過你2老辛苦呀!" 你媽咪聽到仲唔冧晒呀!! 話唔定仲更加鍚你同你老婆呀!!

講真, 你老婆生完, 情緒必然會大起大落, 呢個時候做人老公更加要細心同辛苦d架啦, 冇辦法啦, 陀又係佢陀得辛苦, 生又佢痛苦, 你又唔可以代替佢辛苦痛苦, 唯有心理上情緒上安慰支持老婆架咋!!

而家裂痕已經有, 你一定要搬, 反正都反左面, 再住係度, 你老婆唔開心, 你媽咪唔開心, 你夾係中間更唔開心, 唯有搬開之後, 你老婆開心返d, 你亦唔洗成日夾係中間難做人, 你媽咪果度, 等多2日就多d上去陪佢, 氹返佢, 等滿月之後多d帶埋老婆bb去搵阿媽食飯飲茶補鑊啦!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

colinhoc

別墅

積分: 535

5^#

發表於 08-7-9 21:49 |只看該作者

原文章由 飛車小流氓 於 08-7-9 20:09 發表
我係人地C6

老婆生左第1胎, 亦係我爸第1粒孫, 我爸提議老婆到我爸家坐月, 方便我爸我媽煮野比老婆補身.有一日, BB夜晚唔肯訓, 我地兩公婆搞到天光先可以訓, 我爸我媽都要番工的, 都晨早起身煮豬肉菜湯比我老婆做早 ...

我好同情你, 睇見你嘅情形, 諗起亞B出身果時, 真係身同感受.

我老婆都係第一胎, 係屋企坐月, 請咗日間陪月, 亞爸亞媽就陪月放假嘅時候接濟我地嘅飲食. 雖然係咁, 意見磨擦實有, 不過我就無你咁孝順, 因為我嗰時幾乎24小時當值, 面對老媽子ee哦哦, 反面都反咗幾次, 而家都未好翻. 不過老媽子見到個孫, 都唔得閒理我, 所以唔使咁擔心.

其實你可以開心見誠同你父母傾, 因為產婦情緒容易波動, 又容易胡思亂想, 休息得唔好仲衰多二錢重, 所以想返屋企坐月. 以小為大, 你老婆好即係個孫好, 放心佢地會體諒.

祝BB快高長大.

私人傳訊

wxxyxn

大宅

積分: 2339

6^#

發表於 08-7-9 21:53 |只看該作者

你兩邊都識體諒，好難得呀，你一定要好好加油

我媽夏天點止人蔘煲雞，仲煲鹿茸添呀，因為我同佢兩母女超寒底，中醫叫，食左身體好好多，女人野你唔識唔好批評呀

私人傳訊

tongyimtong

複式洋房

積分: 183

7^#

發表於 08-7-9 21:59 |只看該作者

比你老婆返自己的家啦。

唔好用外母煮東西不好食做借口。

毎個人都是自己媽咪就最好，人家的媽媽當草。

我大伯老婆患病而暫時看不到東西。我99點服侍佢都唔happy。但佢亞媽咩都無做，只打一次電話問候下，就讚到自己的媽上天。

你老婆想見到自己的媽媽，傾下心事。你亞媽又點同外母比？

私人傳訊

KoyeBaby

子爵府

積分: 12890

醒目開學勳章畀面勳章

8^#

發表於 08-7-9 23:15 |只看該作者

生完bb情緒係差d架啦!身體唔舒服,又緊張個b,好多嘢都唔識一定係易喊易發脾氣...其實你幾好架啦,不過記住以後有關婆媳嘅問題兩邊都唔好咁直接,所謂講者無心,聽者有意,下次諗個好聽d嘅理由先同佢哋講,eg.唔想兩老咁辛苦...婆媳之間糾紛一定有,依家唔好諗咁多住,照顧好你老婆先啦!

私人傳訊

54heima

水晶宮

積分: 55644

9^#

發表於 08-7-9 23:18 |只看該作者

综合身边所有朋友经验...宁愿请陪月...使$买安乐...

私人傳訊

ABBC

子爵府

積分: 13529

10^#

發表於 08-7-9 23:42 |只看該作者

唉~~樓主~你媽咪真係好好架喇~不過有時過份關心會令到人地覺得煩~呢個都係正常~好似我依家咁搬左去我99度住..我99其實好好~我係知道..佢對我已經係唔差..但係佢就係犯左女人既通病就係超長氣~~整到我成日都頭痛~其實我係知道佢係鍚我同我個女..同埋係我個女曳先整到佢成日都鬧鬧哦佢~但係我就忍唔住同我老公講~佢好煩~!!但係只不過係呻下~!!
其實我估你老婆都知你媽咪對佢好~只不過有時太熱情令到佢無所適從姐..!!同埋兩母女咩都可以講~但係99就唔同囉~我估佢都係唔想浪費佢心意~但係就唔想講出口令到99唔開心..自己阿媽講咩都OK~!!至於你媽咪咁講話第時就知..我就覺得係正常~因為我係過來人..我會知道佢講野係好有道理~因補得唔好~第時真係衰野一樣樣黎搵你~!!如果你係我老公~我估我想你要兩邊都講好說話囉~!!認同老婆之餘~都要顧阿媽感受~將一切攬上身~就唔會做夾心人喇!!O係你阿媽面前話老婆讚佢~O係老婆面前講到阿媽好關心佢~!!咁咪得囉!!同埋你千祈唔好O係你老婆呢個時侯講你外母整野唔好食呢樣野~依家佢情緒起伏咁大~同埋每個人口味都唔同喇~正如我99整野真係好麻麻..但係我阿媽煮野係好好好食..個個人都認同~但係我老公就話我阿媽煮野唔好食..ANYWAY我都係唔理佢~因為佢食左佢阿媽咁多年野~正如我自己都係..我梗係會覺得自己阿媽煮既野係好食喇~同埋上面媽咪們講得好好囉~個女係你外母帶大既..佢係咩底你外母就最清楚架喇~男人就話躁姐~但係女人就未必架喇~同埋你老婆依家生完~係呢O的正正補血補氣呀~!!!

[ 本文章最後由 ABBC 於 08-7-9 23:49 編輯 ]

私人傳訊

JFL

伯爵府

積分: 17159

11^#

發表於 08-7-10 01:06 |只看該作者

原文章由 wxxyxn 於 08-7-9 21:53 發表
你兩邊都識體諒，好難得呀，你一定要好好加油

我媽夏天點止人蔘煲雞，仲煲鹿茸添呀，因為我同佢兩母女超寒底，中醫叫，食左身體好好多，女人野你唔識唔好批評呀 ...

你真系好難得,好少男人會識得體貼啱啱生咗ＢＢ嘅老婆,重可以幫老婆捱通宵揍ＢＢ.我有三個仔女,我老公一次都冇半夜起身幫過手.你咪學小宝貝兒咁同你父母講,你唔想佢地咁操勞,橫掂佢地都要返工,放咗工重要去買餸比新抱食都好辛苦,或者你又話想自己两個揍ＢＢ睇搞唔搞得掂.第時你地多Ｄ抱ＢＢ返去比佢地睇,佢地會唔記得Ｄ唔開心嘢架喇!

私人傳訊

E@V

大宅

積分: 1312

12^#

發表於 08-7-10 03:34 |只看該作者

樓主, 好仔都要兩頭瞞o架!

其實你媽咪同爸爸啺你老婆, 你老婆知o既..
不過佢啱啱生完, 身體唔舒服, 情緒又唔穏定, 所以先會咁啫..

記住唔好係你媽咪面前話老婆覺得佢煩呀之類..得閒幫老婆擦下佢鞋..同樣又係老婆面前做呢d 野喇..
唔係因為咁少少野要影響大家關係就唔好喇!

私人傳訊

jj032008

大宅

積分: 2350

13^#

發表於 08-7-10 10:43 |只看該作者

其實好多家庭都有甘既情況，我係其中一個，不過我係老婆，我奶奶同樓主阿媽一樣，成日話我做得唔好，日日ee哦哦，轉頭自己又係甘做，c6好直接同佢媽講話叫佢比d空間我地，之後奶奶就嬲左我同c6三個星期，一句說話都冇同我地講過，又冇睇過個孫，雖然果三個星期我地過得好開心，但係我就有d唔安樂，因為其實奶奶真係對我好好，就算嬲我地都仲會燉補品比我食，到宜家雖然大家表面上冇事，但係奶奶間唔中都會比說話我聽。

所以我覺得唔好甘直接同阿媽講，揾個藉口返屋企住都係好，唔洗甘多磨擦，仲影響大家關係。

私人傳訊

KATRINE

子爵府

積分: 11902

14^#

發表於 08-7-10 10:56 |只看該作者

我唸返去你屋企會對個老婆好喲
因早上無人係屋企笛意住你老婆的情況好容易出事
有佢媽係度你都可以安心喲
其實你媽爸都好好人,只不過太緊張,你老婆又驚做唔好俾你媽怪,而產生壓力是可理解
不如再同你媽講,說得要有技巧話唔想佢哋2老咁辛苦之類
希望佢哋會諒解你哋啦

私人傳訊

onon1022

子爵府

積分: 12543

好媽媽勳章

15^#

發表於 08-7-10 10:56 |只看該作者

其實老人家係咁...佢都係為左你地好...試下同你老婆傾下...解釋比佢聽...始終大家湊bb既方法唔同...

[url=http://lilypie.com][img]

私人傳訊

A.C.C.

大宅

積分: 3786

16^#

發表於 08-7-10 11:15 |只看該作者

先同老婆番屋企，再好好地同阿媽解釋。

老婆個邊，好好同佢講，你阿爸阿媽係緊張咗D，但係都係善意，佢地成幾十年無湊過BB，當時湊你D辛苦嘢都已經唔記得，所以其實同你地一樣手忙腳亂。

阿媽個邊，亦好好同佢講，你老婆依家啱啱生完，情緒好緊張，所以有時會唔係咁好語氣，請佢地多多包涵。

私人傳訊

飛車小流氓

複式洋房

積分: 146

17^#

發表於 08-7-10 12:23 |只看該作者

其實我都知好仔兩頭瞞道理,

老婆喊到隻眼腫哂, 鼻又紅, 一睇就知果隻, 我細佬唔識野係我爸媽面前問老婆做咩隻眼腫哂, 其實我爸媽一早知佢喊過, 不過只係唔出聲... 我同我媽講話要搬時, 都有提過下外母會過黎整野食, 咁你地唔駛咁辛苦等等說話, 不過我媽係惱老婆整埋比佢都唔食唔領情, 咁我都安慰我媽話佢唔食咪整小 d 囉, 多d 時間同個孫玩咪仲好等等...

我外母真係唔識食ga, 我講果煲人參雞, 天時暑熱, 我老婆果時8個幾月, 叫佢飲人參？咁燥唔岩大肚婆飲ga, 果時我仲入廚房裝湯, 見到煲湯得雞+人參, 其他咩都冇, 邊有人咁煲湯ga.... 所以話, 如果我老婆坐月既野食由外母整, 後果真係不勘設想, 依家外母仲話整左煲薑醋, 都唔知會唔會醒到用不秀鋼煲添啊

不過老婆又係既, 琴日bb 唔知邊度唔舒服, 成日都冇訓過, 10點幾時仲喊到唔收聲, 我地都束手無策, 咁我媽就烚左隻蛋比bb 碌下肚仔, 咁我媽就教老婆點碌, 之後我媽話如果湊唔掂可以比我媽湊一晚, 再唔係叫醒佢都得, 然後就走番出房, 我媽一行轉背又話我媽煩, 我心諗咁關心我地, 又教你點碌蛋都煩？有點過份囉,但我冇出聲.

啊b 搞到11點終於肯收聲, 我媽就問老婆飲唔飲焞雞湯, 唔飲就聽朝飲, 咁老婆都話飲, 我媽仲怕佢食唔落, 叫佢唔駛食渣, 飲湯算...過左一陣我見老婆拎住碗湯入房, 我問佢做咩唔飲, 佢話係出面飲左碗, 一陣飲埋呢碗, 到我今朝番工時, 碗湯原封不動, 我問老婆點解唔飲, 佢話唔記得. 千祈唔好比我媽知. 今次我真係惱囉, 隻雞我同我媽一齊買, $80蚊, 仲有d 既藥材, 加埋柴火起碼要$200, 仲未計我媽比心機去煲同睇火, 我好惱, 我終於明白我媽惱係岩既, 但我都冇鬧老婆, 費事佢唔開心, 本來我都想拖多幾日先搬, 依家我決定, 一定儘快搬, 費事我爸媽浪費心力勞力, 將來周身痛唔係我唔係我爸媽, 由得老婆自已將來慢慢受

私人傳訊

IaMMoYY

子爵府

積分: 11850

18^#

發表於 08-7-10 12:58 |只看該作者

原文章由 飛車小流氓 於 08-7-10 12:23 發表
不過老婆又係既, 琴日bb 唔知邊度唔舒服, 成日都冇訓過, 10點幾時仲喊到唔收聲, 我地都束手無策, 咁我媽就烚左隻蛋比bb 碌下肚仔, 咁我媽就教老婆點碌, 之後我媽話如果湊唔掂可以比我媽湊一晚, 再唔係叫醒佢都得, 然後就走番出房, 我媽一行轉背又話我媽煩, 我心諗咁關心我地, 又教你點碌蛋都煩？有點過份囉,但我冇出聲.

啊b 搞到11點終於肯收聲, 我媽就問老婆飲唔飲焞雞湯, 唔飲就聽朝飲, 咁老婆都話飲, 我媽仲怕佢食唔落, 叫佢唔駛食渣, 飲湯算...過左一陣我見老婆拎住碗湯入房, 我問佢做咩唔飲, 佢話係出面飲左碗, 一陣飲埋呢碗, 到我今朝番工時, 碗湯原封不動, 我問老婆點解唔飲, 佢話唔記得. 千祈唔好比我媽知. 今次我真係惱囉, 隻雞我同我媽一齊買, $80蚊, 仲有d 既藥材, 加埋柴火起碼要$200, 仲未計我媽比心機去煲同睇火, 我好惱, 我終於明白我媽惱係岩既, 但我都冇鬧老婆, 費事佢唔開心, 本來我都想拖多幾日先搬, 依家我決定, 一定儘快搬, 費事我爸媽浪費心力勞力, 將來周身痛唔係我唔係我爸媽, 由得老婆自已將來慢慢受

I think you should let your wife know when you think she is unreasonable and ungrateful; it's not good that you add up your anger, you may just explode one day. Also, she may get spoiled and thinks it's OK to be unreasonable and ungrateful.

You don't need to 鬧老婆, just tell her in a OK tone why what she does bother you.

私人傳訊

IaMMoYY

子爵府

積分: 11850

19^#

發表於 08-7-10 13:06 |只看該作者

LZ, I actually envy your wife a lot. I gave birth to my children overseas... my mom and my mother-in-law weren't able to come until later. I was on my feet taking care of the babies all by myself/husband and doing hosuework the third day after delivery. No 焞雞湯 or 煲藥材, just normal food.

ON the other hand, don't be too worry about your wife 將來周身痛 in the future. Look at me, I was on my feet taking care of the babies all by myself/husband and doing housework the third day after the delivery, I am completely fine now.

私人傳訊

CheukC9

男爵府

積分: 5902

好媽媽勳章

20^#

發表於 08-7-10 14:37 |只看該作者

樓主，我又覺得你唔應該咁樣嬲你老婆喎。其實佢都唔錯啦! 話哂係你阿爸阿媽叫佢返嚟坐月架喎! 唔係你老婆要求喎!! 我覺得你老婆肯都係睇在你份上畀面你啫，你應該要appreciate吓。講真，換轉係我，我真係睬我老公都有味!!! 莫講話要我返去住，我一早已經同我老公講到時唔好畀佢哋三日唔埋兩日就上嚟煩我，我真係會癲架!! 因為我本身已經係冇乜耐性嘅人，加上知道生完bb會情緒唔好，而我奶奶重要係有精神病，兼可以成餐飯兩個鐘不停non-stop講嘢嘅人，我費事到時我產後抑鬱之餘個老公重要夾喺中間呀! 咁唔通我唔知我奶奶同老爺緊張我同bb咩? 不過知還知，過份關心覺得有壓力同煩係另一樣嘢。調轉諗如果你有病，你寧願你阿媽嚟照顧你定你外母嚟照顧你吖?? 你有冇曾幾何時覺得你阿媽煩? 你覺得佢煩時可以「得喇得喇」咁，佢又唔會話你因為你係佢個仔，但係你老婆唔通咁樣同你阿媽講嘢呀? 又唔得。如果佢咁講你阿媽一定唔會體諒你咁體諒佢，因為佢係新抱唔係女。所以你老婆只可以同你呻囉!

重有食嘢嗰度，又係喇!! 係咪你老婆要求佢煲架先? 唔係喎! 咁你老婆都可以有自己想食同唔想食嘅嘢架大佬?? 你哋有冇問過你老婆想唔想食先? 如果係問過佢話想，到頭來又唔食就係佢唔啱! 我都係揀飲擇食嘅人，我奶奶成日煮埋啲不知所謂嘅嘢 (因為佢有精神病，煮啲嘢都唔係常人煮嘅)，我連做樣都費事，咪直接話唔食囉! 咁我係唔鍾意食吖嘛! 你老婆唔領佢情你又覺得你老婆唔當佢係自己阿媽，咁如果你老婆當佢係自己阿媽，乜唔係就應該直接啲講嘢唔使咁多顧忌喇咩? 咁但係如果佢直接你又唔鍾意喎，咁你想點?你諗真吓。

所以呢，其實你都有啲企咗喺你阿媽嗰邊架! 如果同一個case，但係將你阿媽換咗係外母，你就唔會覺得你老婆唔啱唔好啦! 不過都係正常嘅。你都算係好仔。係做錯咗叫老婆返你阿爸阿媽屋企坐月呢步囉!!

老婆生仔真係唔易架! 我未生，而家個肚先8個月大，都真係覺得做女人係唔易。平時身體上嘅痛楚同心理上嘅起伏唔係你啲男人想像到架!! 話哂你老婆啱啱經歷咁大轉變，你阿媽就冇病冇痛，咁照道理都應該就吓你老婆啦! 話哂半個「病人」嚟。你阿媽又唔會產後抑鬱嘅!!