吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 希望我打完我的故事我可以放下..............啲啲 ...

婆媳關係今日: 1|主題: 27696

收藏本版

發帖

返回列表

跳至頁

樓主: Kakastarstar

希望我打完我的故事我可以放下..............啲啲 [複製鏈接]

2 345 6...11

catherineng826

別墅

積分: 923

61^#

發表於 15-10-6 13:06 |只看該作者

回覆：希望我打完我的故事我可以放下..............啲啲

私人傳訊

rosemerry

大宅

積分: 1423

62^#

發表於 15-10-6 13:44 |只看該作者

回覆：fid=534- 希望我打完我的故事我可以放下..............啲啲

私人傳訊

WB1115

大宅

積分: 4219

63^#

發表於 15-10-6 14:20 |只看該作者

回覆：fid=534- 希望我打完我的故事我可以放下..............啲啲

私人傳訊

sweetpotatou

複式洋房

積分: 405

64^#

發表於 15-10-6 16:20 |只看該作者

回覆：Kakastarstar 的帖子

旅行咩事呀？講黎聽聽

私人傳訊

Kakastarstar

大宅

積分: 1341

65^#

發表於 15-10-6 17:09 |只看該作者

99哭訴事件七，明屈我媽。
呢件事件發生之後令是我開始唔再強忍我99。
話說我坐月時，我媽返工，佢放工過黎，大概4點到我家(佢只黎星期一至四，因為老公提過佢放五六可以自己照顧返個老婆，係我99依然鍾意自出自入啫)，咁99就係朝早11點幾黎煮晏晝，我媽黎佢就會走。
咁有一日，如常我媽到我99走，咁我就入房瞓覺，瞓醒覺剛剛好食晚飯，我一開門驚見我99，我直接問：99，你仲喺度ge?
99笑笑口話：係呀，同你媽傾計嘛！
(嗰刻我終於睇清楚佢的笑容，點解我咁多年來咁蠢，以為呢個笑容係無陰謀㗎呢？)
然後我媽主動講返99同佢講咩，(我13點阿媽終於長大了，佢之前同我99傾計都無煞有其事咁同我講返)，今次佢可能估到啲野。
內容係：
我99問我媽：如果你無地方住，你有3個仔女(3姊弟)，你會同邊個住呀？
我媽敞開心屝咁答：我點都唔同新抱住㗎喇，我同個細女性格唔多夾，咁同大女啦！佢地2公婆的性格都易相處。但我又點會無地方住呢？
嘿嘿，我媽呢個答案去到我99哭訴的版本係：都話佢日日上黎我仔家是有目的㗎啦！謀住我仔層樓呀！借啲咦就會黎過夜之後就會住埋，之後就會話唔使我湊孫㗎喇，係住都是我住啦！層樓我仔㗎。

私人傳訊

Kakastarstar

大宅

積分: 1341

66^#

發表於 15-10-6 17:21 |只看該作者

講起層樓，無錯首期係我老公，供都係佢，我都未出聲層樓的錢嚴格黎我有份。
就咁，我同老公差4年，係大學時的師兄妹，拍拖無耐我老公就畢業出黎做野，當時我有零用錢但老公堅持比啲錢我傍身，我當時講明我幫你儲起，直至我有返part time，畢業搵埋full time都一直比，我就一直儲起，到結婚開支是一半一半出，咁同時間我老公決定買樓但錢有啲緊，於是我拎返呢廿幾萬出黎(當時我老公堅感動，哈哈，佢真是無諗過我一蚊都無使)，99唔知呢件事，我無講，所以佢覺得我嫁佢仔好著數我算我ok，但你咁過我媽一棟?你無野化。

私人傳訊

Kakastarstar

大宅

積分: 1341

67^#

發表於 15-10-6 17:26 |只看該作者

我條氣堅唔順啦！
我有次得我同99時，當傾計咁講起同老公結婚時佢話層樓加我名但我拒絕。99又笑笑口問點解?
我話：結婚唔等如一世㗎，離婚好平常我睇等好開，如果層樓有我名到時實比啲3姑6婆話我謀住老公層樓分佢身家啦！
所以我唔care層樓無我名，我都唔稀罕。
99嗰下唯有保持笑容話：哦，原來係咁呀！不過2公婆唔使咁計較啦！你女都生埋咯，唔得，我要叫個仔加返先得。

私人傳訊

M.A.C

伯爵府

積分: 17773

68^#

發表於 15-10-6 18:15 |只看該作者

所以話知人口面不知心。。。。
真係日日見都唔知人品是否真。

私人傳訊

monchhichi410

大宅

積分: 1725

69^#

發表於 15-10-6 19:12 |只看該作者

引用：我條氣堅唔順啦！我有次得我同99時，當傾計

原帖由 Kakastarstar 於 15-10-06 發表
我條氣堅唔順啦！
我有次得我同99時，當傾計咁講起同老公結婚時佢話層樓加我名但我拒絕。99又笑笑口問點解? ...

你99假到爆。

私人傳訊

Kakastarstar

大宅

積分: 1341

70^#

發表於 15-10-6 19:32 |只看該作者

回覆 monchhichi410 的帖子

枉我仲宣傳左佢的真善美10幾年

私人傳訊

Kakastarstar

大宅

積分: 1341

71^#

發表於 15-10-6 23:33 |只看該作者

99哭訴事件之八，小學雞事件。
呢件事我同親人講都覺得得啖笑，佢的行為勁小學雞。
我契婆黎探BB，正路佢黎嗰段時間我99 say個hi就應該走，點知佢屎忽痕要一齊傾計，咁契婆睇完個契孫，我女就夠鐘瞓覺，大人繼續喺廳吹水，客廳中央有幅婚紗相(總共有3幅大，其中一幅喺我娘家)，我契就話：你地個樣無咩點變喎。
我媽：咩無變，2個都肥左好多啦！
契婆：唔係，差唔多之嘛！真是影得幾好睇，幾有夫妻相。
突然99一句：唔係囉，我覺得嗰幅靚好多。
呢刻我地靜左幾秒。
我：99，邊幅呀？
99：掛喺襯家屋企嗰幅呀！
我：啊！嗰幅，不過我鍾意呢幅多啲，嗰幅無影到全身。
99：唔係喎，嗰幅真是靚好多，我鍾意嗰幅，係我就擺嗰幅喺度。
呢個時候我內心已經著緊火，有客人喺度仲阿支阿jor，於是我語氣稍重咁話：可能你鍾意嗰幅啦！但我最鍾意呢幅所以擺呢幅喺我屋企，阿X(我老公)都是咁講。
99：哦，咁你鍾意得啦！
我知佢擺明唔鍾意有幅喺我娘家我又無話比幅佢掛，事實上我又真是無諗過，但我媽想掛一幅時我就揀左幅我比較唔鍾意的比佢掛，而且我99屋企根本成屋雜物，無幅牆係"吉"的，唯一有啲啲空位就是喺一個櫃的上面，但櫃頂有觀音和香爐，我唔想我同我老公日日比人"供奉"囉！
咁新抱同女始終有分別㗎嘛，你咁鍾意掛未叫你女快啲嫁囉！
註：我位13點媽事後打比我恍然大悟話：原來岩岩的對話你99係比緊說話我聽㗎。我：係呀，母親大人，你終於知道佢唔簡單啦！

私人傳訊

Kakastarstar

大宅

積分: 1341

72^#

發表於 15-10-6 23:52 |只看該作者

99哭訴事後九，阿女的時辰8字事件。
阿女滿月時無大搞，2家人食飯算，99叫埋老公的舅父母和姨和姨丈，剛剛一圍。
婆婆買左條金鏈連吊嘴比阿女，99咩都無(順帶一提，剛出世定滿月，99連利是都無比過封女女)，呢啲係心意，你比的多謝，你唔比我當你男家無呢個規矩，我仲顧全99面子，喺我媽屋企(滿月之後第一次返婆婆家)由婆婆幫女女帶起它影張相，跟住就以出發去酒樓驚唔見做理由除左它，我嗰陣唔想99喺男家親戚面前無面，婆婆送金但嫲嫲無。
食飯的時候，女女飲完奶之後就4大長老輪流爭抱，呢個時候我隱約聽到我媽同99的對話係關於女女的時辰8字。
我媽同99講：我搵人算過喇，佢話XX咁咁咁，同埋咁咁咁，仲有咁咁咁。
我觀察99的反應是：笑騎騎，背後實放毒蛇。
我心知大鑊，99係唔知女女的8字，但我媽知唔係我講㗎。
喺政府生的jm唔知仲有冇印象，BB出世瞓的"床"，出面寫左"XXX之女"，下面就是BB出世的時間，我媽就是咁知的。
果然我99親自鏟爆我老公啦！話啲外人(我媽)都知，佢唔知呀！
豈有此理，婆婆的外人?咁99唔該你記住如果你個女嫁得出又生得出的話，你都是外人黎㗎咋。
我事先同老公報定案所以佢識同99解釋，我喺旁邊聽住，雖然我老公性格唔識講野但我堅覺得佢解釋得好清楚。
99：你當我3歲細路?咁ge大話都講得出?你話有張紙嘛，咁張紙呢？無吖嘛，因為唔係事實囉，醫院點會將BB出生時間大搖大擺寫出黎呀，我生你地3個都唔係咁，唔好當我未生過啦！

私人傳訊

Kakastarstar