Re: 我的奶奶是極品
eat
每日我都見到唔少o既 post 係講婆媳糾紛, 兩公婆有 argue, 我真係唔明係宜家都算係好文明o既社會, 都仲有咁多唔講道理o既人, 始終我都係女人, 所以我一定係幫女人先, 因為我發覺男人無論係做到幾偉大都好, 佢始終都係有自私一面, 唔會好似女人咁可以為左屋企,為左仔女搵條命去搏, 盡量忍氣吞聲去制造和諧氣氛......
我已經算係好好命, 有個好好o既老爺同奶奶, 仲有個肯做家務肯湊女o既老公, 但係我老公間唔中講 d 野真係好激心. 好似有次我唔俾佢去夜街, 佢就話 "結左婚之後咩都冇晒", 我真係好 hurt, 我問佢 “咁你想有咩呀? 唔通結左婚生左女之後你仲想好似以前咁, 晚晚去浦, 劈酒同溝女喎? 咁我呢, 我又得到 d 咩?, 又有次我問佢幾時收工返屋企, 佢竟然話 “返到屋企又點嗎, 咪又要拖地做家務” 跟住我話 “你唔鐘意咪唔好返囉, 冇所謂架”. 男人呀男人, 點解你地只係計到自己付出左幾多? 唔通只係得你地有付出, 老婆仔女都只係痴飲痴食架? 唔好意思, 講講下變左我自己呻添.
Eat, 事實已經到左呢一步, 惟有盡量去忍啦, 希望時間可以化腐朽為神奇, 多 d 上黎大家傾下啦, 否則唔病死都谷死,唉........
枯藤老樹昏鴉, 小橋流水人家,
夕陽西下, 斷腸人在天涯.