夫婦情感 今日: 41 | 主題: 42440

積分: 35

1^#

發表於 08-7-22 17:05 |只看該作者 |倒序瀏覽 |打印

各位我想講一件事就係發生係我身上,前幾日我用屋企部電腦發現我老公既hotmail冇log out,之後我發覺佢既login name唔同平時,咁我就抄左佢返公司再睇,因為平時password都一樣,咁我第2日返公司睇啦,我睇完個心好碎,心跳得好快,因為我冇想過我咁信既人會呃我,我睇左佢地原來係05年個年出過黎一次,就係一次發生左關係,我好嬲,但05年我未同佢一齊,所以都冇都算了,最嬲係個女人講到好似好懷念個日,個女的仲講到不知所謂又話記得你點鍚之類講到好入骨,好想嘔,你地知唔知呢個女人係結左婚好耐,30幾歲佢係醫院做護士,佢老公對佢好好好錫佢,佢以前仲同我老公講話離婚同我老公一齊,但我老公話唔好你老公對你咁好,之後我先發現原來佢地一直係msn傾我老公都唔知佢有老公的,講真過左去既野我都冇野的,但why呢個女人咁多年之後用另一個a/c去send e-mail俾我老公扮另一個女人,之後佢地講講下佢同我老公講話佢就係以前個個女人,之後呢個女人send左好長既文俾我老公又話我知道而家你愛既係佢,唔係我,但我真的好懷念以前識你既日子,好miss個日你點錫我點攬我點xxx,又叫我老公出街,我睇到真係好嬲,之後我即刻打去我老公個度話我地唔好一齊,之後佢打黎我話你再打黎我要報警,我真係接受唔到,之後我老公好緊張成日都想辦法去tum我,我好憎佢,之後我返到去罵佢,佢係度喊得好緊要,係咁講對唔住,但同呢個女人係未同我一齊之前見過佢一次之後一直都冇見過,佢話開頭都唔知係呢個女人,我同佢講就算係唔係呢個女人都唔應該咁,之後我老公又送花去我公司又勁sms我話對唔住老婆,一直打我電話,我2日都唔理佢,佢係屋企喊話因為佢貪玩唔係真,之後我罵佢叫佢俾個女人電話俾我,其間我send左一個e-mail罵佢,佢應該係有心理準備,佢一直都熄電話,今日我先打到去,呢個女人係用假名,之後佢話我打錯,之後我再打多一次係個男人聽係佢老公,我問呢度係唔係姓咩,佢老公話你打黎問呢度姓咩,之後我再問電話既機主係唔係護士黎架,佢話係咩事,之後我就同佢講叫佢唔好再搞人地老公,佢老公仲罵我叫我慳d,佢有老公架,我話唔該叫你老婆唔好搞人地老公,又用假名去add人,你需唔需要睇下你老婆d e-mail,之後佢cut左我線,我想再打去,但我知道佢一定唔會聽我電話,我覺得佢老公應該聽我講左先,唔可能咁樣玩,佢識我老公個時係呃我老公得22歲,其實佢係32歲(係個時),而家應該係37歲到,佢個時已經係結左婚架,我老公個次同佢出黎都係唔知佢真名住邊等,過左個日先同我老公講佢既事,我老公就話你唔好搵我,到而家why又用另一個a/c add佢,不知所謂仲約我老公出黎話掛住佢,就核突呢個女人講左一句你一想起我你就會x,我睇完都忍唔住想打佢,各位你地小心呢個女人,佢老公仲以為佢老婆好好,完住冇野,但佢一早已經係呃佢老公!我真係覺得佢老公好慘有咁既老婆,呢個女人有幾個唔同既a/c e-mail,真係不知所謂,又大膽俾電話人又要俾個老公聽,大家小心!!!! 但我而家日日都唔信我老公,佢叫我信多佢一次,但我真係對佢冇左信用,唔想信佢,因為我每次諗起佢講野樣我就好憎佢地,直頭唔想見到我老公,佢叫我俾最後一次機會,佢唔想冇左個老婆,一直叫我原諒佢,我都唔知點好,個心好辛苦好似再唔信佢咁,雖然佢地冇見過但睇到佢地打既野真係好嬲!!!!

0 0 0

私人傳訊

yuet

積分: 1154

2^#

發表於 08-7-22 17:09 |只看該作者

原文章由 rosebebe 於 08-7-22 17:05 發表
各位我想講一件事就係發生係我身上,前幾日我用屋企部電腦發現我老公既hotmail冇log out,之後我發覺佢既login name唔同平時,咁我就抄左佢返公司再睇,因為平時password都一樣,咁我第2日返公司睇啦,我睇完個心好碎,心跳 ...

聽電話果個未必係佢老公,
講真,如果真係身有屎仲會唔會比個電話老公聽呀!
唔驚妳爆佢大獲咩!

私人傳訊

laimanw

複式洋房

積分: 399

3^#

發表於 08-7-22 17:55 |只看該作者

這個女人好賤!!!

私人傳訊

小木偶媽咪

珍珠宮

積分: 38709

我的育兒心得勳章好媽媽勳章醒目開學勳章畀面勳章環保接龍勳章

4^#

發表於 08-7-22 18:47 |只看該作者

個女人好cheap呀~~~~~~~
咁需要男人去做X囉

私人傳訊

wysz

積分: 2696

5^#

發表於 08-7-23 01:15 |只看該作者

你同你老公結左婚幾年呀?就咁就玩完??為左以前嘅事而斷送左一段婚姻,值唔值得呀?考慮清楚D先啦.

私人傳訊

ABBC

子爵府

積分: 13529

6^#

發表於 08-7-23 01:39 |只看該作者

唔~~其實我覺得你又唔使咁激動打去俾果個女人..因為根本個問題其實都唔太o係果個女人身上..因為聽你咁講~~你老公都係唔搵果個女人..不過係果個女人搵上門姐~!!同埋最重要個問題係你老公身上..我覺得你俾錯左個信息你老公~佢以為個問題係o係個女人身上囉!但係我就覺得最重要既係佢走去識第二個女仔~要明白到..一個正常愛自己老婆~重家庭既男人係唔會無啦啦走去識新朋友囉~仲要係女仔~我覺得佢擺明係想媾女先姐~~!!平心靜氣喇~你地係真係結左婚?有冇小朋友先?呢兩個問題好重要~如果你仲係單身~我勸你唔好要呢個男人..一次不忠百次不容~呢個係真理~!因為個男人有得第一次...難保十年二十年之後會唔會再犯!!

私人傳訊

ringoivy

翡翠宮

積分: 76971

7^#

發表於 08-7-23 09:55 |只看該作者

的而確你老公在思想上都出賣左你, 因為佢用另一個a/c同一個數未某面既女人傾都係有背叛之嚴

之不過我諗你老公真係好愛你好緊張你好怕失去左你, 就算原諒都真係要懲罰下佢咪等佢以為好易過到骨

你打比個女人話有個男人接我諗未必係佢老公黎

有邊個男人想帶綠帽架

佢明g自己身有屎仲夠膽比個老公聽咩

原文章由 rosebebe 於 08-7-22 17:05 發表
各位我想講一件事就係發生係我身上,前幾日我用屋企部電腦發現我老公既hotmail冇log out,之後我發覺佢既login name唔同平時,咁我就抄左佢返公司再睇,因為平時password都一樣,咁我第2日返公司睇啦,我睇完個心好碎,心跳 ...

私人傳訊

JBlam

積分: 4801

8^#

發表於 08-7-23 11:02 |只看該作者

rosebebe,
問題係你仲愛唔愛你老公..如果愛又好珍惜大家所行既路,你應該比個機會大家...唔好為d咁既女人浪費你地既時間,而我相信你老公而家見過鬼都怕黑....唔好唔開心了!!!

私人傳訊

1123cat

別墅

積分: 604

9^#

發表於 08-7-23 11:10 |只看該作者

原文章由 yuet 於 08-7-22 17:09 發表

聽電話果個未必係佢老公,
講真,如果真係身有屎仲會唔會比個電話老公聽呀!
唔驚妳爆佢大獲咩!

我都係咁話!
我c6個件,又係找朋友扮老公,

私人傳訊

積分: 35

10^#

發表於 08-7-23 12:57 |只看該作者

回覆 #8 JBlam 的文章

多謝各位關心我,其實我一直都冇事,但表面真係冇野,但原來我個心仲好似好傷心,如果我老公一直對我唔係咁好我想我會冇咩野,但一直我老公對我好好的,知道個一刻真係想唔到一直對我咁好既人會呃我,所以我先咁激動.
昨晚係同我老公睇床架,我一直都唔想睇,之後我老公問我咩事同我講唔好唔講,係唔係唔開心,之後我忍唔住喊,講左好多野同佢講我話我真係好辛苦表面要好似冇野咁,但其實我好唔開心因為我冇想過你會呃我,之後佢一直同我講對唔住我知道自己做既野好錯傷到你,希望你俾最後一次機會我,我會一世都對你咁好唔會再傷害你,我唔想冇左個老婆,但我同佢講我呢幾日好辛苦,之後佢就同我講點解唔同佢講,唔好屈住,咁佢就講對唔住老婆我永遠都唔會再傷害你!待續...........食飯先

私人傳訊

BigPink

積分: 1346

11^#

發表於 08-7-23 13:24 |只看該作者

我都試過類似樓主e種情況，有d女人真係好鍾意做"第三者"。唔理件事係發生係婚前定婚後，只要個男人動了心，就算分手了，佢都會miss佢。個女人住隔離邨，好易見到面。我對佢好敏感，叫C6搬，又話無錢，話大家住咁近，見到面又有乜出奇？

私人傳訊

BigPink

積分: 1346

12^#

發表於 08-7-23 13:25 |只看該作者

我都試過類似樓主e種情況，有d女人真係好鍾意做"第三者"。唔理件事係發生係婚前定婚後，只要個男人動了心，就算分手了，都會miss佢。個女人住隔離邨，好易見到面。我對佢好敏感，叫C6搬，又話無錢，話大家住咁近，見到面又有乜出奇？

私人傳訊

angelmak

積分: 2974

13^#

發表於 08-7-23 13:56 |只看該作者

樓主, 咁嘅情況我c6都試過, 但係我到e+都唔知佢哋有冇做d"好親蜜"嘅事! 我同嗰個女人之前仲好fd, 又住我隔離, 真係冇諗過佢哋會咁對我...

點都好, 我之後原諒咗我老公, 可能我嗰陣已經有個女, 所以唔想話分就分啦! 而且我覺得, 邊人貓唔食魚... 唔錯都錯咗, 睇怕佢以後都唔會o家啦!

2個寶貝~雅詠&灝泯

私人傳訊

積分: 35

14^#

發表於 08-7-23 15:38 |只看該作者

續......之後我老公就叫我原諒佢,話一定唔會再係咁,佢話知道邊個先係佢愛既人,叫我原諒佢!之後我就原諒左佢了....因為我都唔想冇左我老公,一直我都同我老公好好好開心好夾,所以我就原諒左佢了!!!

不過中午食完飯之後,我老公打俾我話有野同我講,佢話個女人打左2次俾佢,同我講話佢冇聽到,呢個女人仲敢打黎有冇搞錯!!!!

私人傳訊

JBlam

積分: 4801

15^#

發表於 08-7-23 15:55 |只看該作者

原文章由 rosebebe 於 08-7-23 15:38 發表
續......之後我老公就叫我原諒佢,話一定唔會再係咁,佢話知道邊個先係佢愛既人,叫我原諒佢!之後我就原諒左佢了....因為我都唔想冇左我老公,一直我都同我老公好好好開心好夾,所以我就原諒左佢了!!!

不過中午食完飯之 ...

你係呢d時候都要支持同鼓勵佢(咁坦白) ...大家多d包容,關係一定可以更好ge

私人傳訊

鈍豬925

男爵府

積分: 5959

16^#

發表於 08-7-23 16:09 |只看該作者

樓主:不如叫你老公改左個電話號碼,個賤人就打唔到比佢啦

私人傳訊

wife

子爵府

積分: 14859

17^#

發表於 08-7-24 01:20 |只看該作者

香港哋好多呢d cheap 女人,你叫你老公在你面前打電話"辱"佢一鑊,之後轉Mobile no.,同埋你接管佢個email a/c.........最好同你老公傾,叫佢比更多安全感你!

私人傳訊

肥田田

禁止訪問

積分: 2165

18^#

發表於 08-7-24 01:31 |只看該作者

提示: 作者被禁止或刪除內容自動屏蔽

私人傳訊