吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 米高旅程～分享我的極品99

婆媳關係今日: 6|主題: 27697

收藏本版

發帖

返回列表

跳至頁

樓主: mikoip0619

米高旅程～分享我的極品99 [複製鏈接]

123 4 5

吳芷蕎

別墅

積分: 697

21^#

發表於 15-10-17 00:49 |只看該作者

回覆：米高旅程～分享我的極品99

追

私人傳訊

cherrypig

大宅

積分: 1688

22^#

發表於 15-10-17 01:03 |只看該作者

回覆：米高旅程～分享我的極品99

追

私人傳訊

Po_yee

大宅

積分: 3724

23^#

發表於 15-10-17 01:49 |只看該作者

回覆：米高旅程～分享我的極品99

追

私人傳訊

mikoip0619

複式洋房

積分: 131

24^#

發表於 15-10-17 01:56 |只看該作者

2 帶狗狗被虐待－2

但....當我好放心同C6一齊坐左係SOFA睇電視，無啦啦聽到D開月餅罐既聲音，我下意識就覺得應該關我隻為食狗狗事！咁我就好自然望一望狗狗去左邊啦，原來佢仲係99手中，而99就餵緊狗狗食D唔知咩野

，我當期時好緊張，因為其實狗狗好少食其他野，咁我就拉住C6行過去望下係咩黎，再笑笑口問99：｢Auntie，我帶左零食比狗狗，岩岩咪比左你既，你可以比零食佢食架！你個罐係咩黎架？佢唔可以亂食野架，因為佢好易病架！」
99當時答我：「唔驚啦～我比我自己整既曲奇佢食，又無糖又無鹽，我又唔落油既～食少少唔怕既！我平時都係咁食者！」一路講就一路比狗狗食

我當時所見，係一個正常長方形月餅罐，有大概十幾塊旺旺雪餅咁大既曲奇，
已經有少少心驚，就同99講：「咁你比佢食完LE塊就唔好再比其他野佢食啦，我地平時只係會比狗糧，零食同白飯佢食，由細食到大，食其他野佢好易病架！

，要睇醫生就好麻煩架啦！又貴！」

咁99眼神離不開狗狗答番我：「好啦，但狗狗食得好開心呀，放心啦，我落得好少油個D野架，食少少唔怕既！」呀99,頭先又話咩都唔落，而家又自爆落左油，你講大話都講得好D啦！而le個時候又比多左半塊佢食！

我啤一啤C6,佢先識出聲話：「好啦，夠啦夠啦，唔好比咁多啦」99先停！

咁因為我要C6教我電腦D野，我就同佢入左佢間房，但門係開住既！
LE個時候我又比左狗狗同99玩，我認我係好白痴，覺得同99講左，佢就會識做唔比佢亂食野，結果，C6教左我一陣電腦，狗狗可能發現我唔見左就入左黎搵我地，我見佢個口又食緊D白色既野

99跟住狗狗跑左入黎，講：「哎吖掛住主人啦？香蕉唔好食咩？」我當堂下左出聲！話：「下？你比香蕉佢食？唔好比咁多啦，一陣佢唔舒服睇醫生呀！」
而佢同我講：「我比左好少佢食者，我地一齊分享架，（當時佢手上係將條蕉分開左，我目測佢比左1/3條蕉狗狗食）」
我好自然抱起狗狗，就同佢清潔個咀，再好好語氣講：「咁唔好再比佢食啦，真係會痾架！」

我就抱住左狗狗唔再放落地比99，而99都出左去廳坐，過左一個陣，到下午，因為我同C6要出去搵朋友拎大閘蟹，我就細細聲問C6可唔可以帶狗狗一齊去，但佢話唔方便，又要搭巴士又要拎野，咁我唯有放低狗狗係佢屋企，走既時候再講多次唔好比佢亂食野，咁就出左去...
一直都好唔放心，歸心似箭既我，來回用左兩個幾鐘先番到去C6屋企，我入到去，再次見到99比D唔知咩狗狗食！我當時真係有少少火咁問：「你又比咩佢食呀？」99當時笑住答我：「煲湯個D粉葛囉，我見佢咁得意黎廚房搵我，咪比佢食囉，放心喎，我D湯好清淡，得少少油，有舊豬展，都未落鹽！岩岩出完水都比左舊佢食少少」我當時...係狗狗個口令番舊粉葛出黎，再講多次：「唔該真係唔好再比其他野佢食啦！」99可以答我：「我以前比雞我隻狗食都無事，放心啦

」
我真係好灰，好想快D走，但無理由人地煲好哂湯就走，咁唯有一齊快D食飯，再收野坐多一陣走啦，而我再比99抱多一陣狗狗，走個時，99又讚妹妹可愛，又要比曲奇佢食，開左個盒，我見到個盒好驚！點解？因為本身有十幾塊曲奇，而家得番3,4塊！
我一個手抱走狗狗，話：「食得太多啦！唔好再比佢食，我都係時候帶佢番去！要執野走啦！今日麻煩哂你要幫我睇左狗狗一陣，又煮野比我地食，BYE BYE」
C6就送我去搭車啦，係車上面，我望住狗狗D眼淚係咁流，我覺得自己今日好似害左佢成日咁，又好擔心佢會出事！

果然！第二日狗狗痾左6~7次血便便！