大仔大女媽媽會 今日: 0 | 主題: 177860

積分: 724

1^#

發表於 08-7-23 11:46 |只看該作者 |倒序瀏覽 |打印

仔仔已經18個月大，不過仲未識講野。佢識得聽“坐坐”，“玩水水，仲涼”，“無啦”，“bye bye"，"好野"。。。等等呢d比較簡單既野。

我講“NO NO”佢有時會停止唔好既行為，但係好多時都唔聽。

而架佢大個左d，成日會發脾氣，開心同唔開心都會“訂”野。

其實有咩方法可以教一個未識得講同未聽得好明大人講野既bb呢？？

請大家指教下！

0 0 0

私人傳訊

yau_grace

子爵府

積分: 14680

2^#

發表於 08-7-23 11:54 |只看該作者

行為動作上, 我地唔會當佢係一個 bb 而特別去教.
佢唔0岩, 我地會照講, 仲會講埋原因.
佢叻, 我地會讚.

可能有時會好似對牛彈琴咁, 但日子耐左, 就會見到有用.
小朋友雖然未識講野, 但可以已經識好多野.

而家, 我叫細 b '拎返個枕頭入房啦', 佢都識做.
叫佢拎某 d 野比我地, 佢都做到.
唱歌, 做動作, 都跟得好好.

但如果我地成日都覺得佢地細, 要就住黎教/ 唔教住, 我覺得有 d 浪費囉.

至於學習, 字咭/ 書/ vcd ..... 都好有用.
但視乎小朋友的興趣.
慢慢黎, 唔使急.

私人傳訊

積分: 37310

好媽媽勳章醒目開學勳章畀面勳章

3^#

發表於 08-7-23 12:37 |只看該作者

我都覺得佢地呢個歲數，係識做野多過識講野好多(可能女仔講野叻d添)。真係唔好諗住係bb，所以就住就住黎教，佢地有好大既潛能，好多時都俾佢嚇一跳。我曾經做既flashcards有教hippopotamus呢個字，我地有一個河馬形既枕頭，有一次我叫佢係咁拎野俾我，我叫佢拎個hippopotamus既cushion俾我，我諗死佢實唔識，點知佢又真係拎到，都令我一額汗，原來佢不知不覺吸收佐咁多野，可能我平時同老公講咩佢都聽到入晒耳。我睇書話小朋友呢個歲數對言語好敏感，所以我都諗住開始做普通話flashcards，希望對佢有幫助。

私人傳訊

yatyat07

積分: 2614

4^#

發表於 08-7-23 12:47 |只看該作者

我個囡囡同你個bb既情況一樣呀, 有咩唔鐘意就發晒脾氣瞓係地, 或者大叫大喊. 成日都將d玩具週圍"氹", 叫佢唔好做既嘢佢就偏偏係你面前做, 唔識講大人話, 日日淨係不停咁講佢d太空話, 但係阿囡係聽得明我平日同佢講既說話, 依家我既教法係, 有咩嘢都同佢講, 拖住佢一齊去執番d玩具, 一執一路教佢, 我知佢明既, 見到佢做d唔啱既行動就先罰後教, 通常我都會罰佢企, 大約罰企五分鐘啦 (係企係牆角無電視睇, 阿囡一路企一路喊), 然後再同阿囡講番一次佢做錯d咩嘢事, 總之當佢係一個小朋友咁教啦, 因為佢哋已經大過啦, 真係要好好教導佢哋先至得呀!

私人傳訊

積分: 724

5^#

發表於 08-7-23 12:49 |只看該作者

我既意思唔係我就住就住黎教，平時佢羅大人鞋玩，叫佢儜返原位佢都識。
但係有時佢會做d唔好既行為，例如係甘開關電腦，我就算話佢打佢（已經打得好痛），佢都唔怕，仲係甘做。
我想知道要點教先可以比bb知道唔可以做d我會打／話佢既行為？

私人傳訊

積分: 37310

好媽媽勳章醒目開學勳章畀面勳章

6^#

發表於 08-7-23 12:54 |只看該作者

我個仔係唔會乖乖咁企响度罰企，點樣可以做到？
同埋佢都好臭脾氣，成日無端端掟野。我真係唔知點教，我覺得佢好多時係咁樣黎引我注意，但佢越係咁，我越唔想理佢。大家有咩辦法？

原文章由 yatyat07 於 23/7/2008 12:47 發表
我個囡囡同你個bb既情況一樣呀, 有咩唔鐘意就發晒脾氣瞓係地, 或者大叫大喊. 成日都將d玩具週圍"氹", 叫佢唔好做既嘢佢就偏偏係你面前做, 唔識講大人話, 日日淨係不停咁講佢d太空話, 但係阿囡係聽得明我平日同佢講既 ...

私人傳訊

積分: 37310

好媽媽勳章醒目開學勳章畀面勳章

7^#

發表於 08-7-23 13:00 |只看該作者

我都試過打手，但係佢就學識打人。有人講過，一個連屎尿都忍唔到嘅人，都未必可以控制到自己嘅行為。我個仔有開閂電腦，我地唯有斬腳趾避沙虫，將個電腦擺去佢掂唔到嘅地方。

不過我覺得咁細個體罰未用得住。

仲有我想問，我個仔好癡身，訓晏覺半個鐘轉身唔見我就醒，好多時我要晌佢身邊佢先訓得耐，有無媽媽都係咁呀？好煩呀！

原文章由 三月媽咪 於 23/7/2008 12:49 發表
我既意思唔係我就住就住黎教，平時佢羅大人鞋玩，叫佢儜返原位佢都識。
但係有時佢會做d唔好既行為，例如係甘開關電腦，我就算話佢打佢（已經打得好痛），佢都唔怕，仲係甘做。
我想知道要點教先可以比bb知道唔可以做d我會打／話佢既行 ...

私人傳訊

積分: 724

8^#

發表於 08-7-23 13:00 |只看該作者

原文章由 <i>yatyat07</i> 於 7/22/08 10:47 PM 發表
我個囡囡同你個bb既情況一樣呀, 有咩唔鐘意就發晒脾氣瞓係地, 或者大叫大喊. 成日都將d玩具週圍"氹", 叫佢唔好做既嘢佢就偏偏係你面前做, 唔識講大人話, 日日淨係不停咁講佢d太空話, 但係阿囡係聽得明我平日同佢講既 ...

hello yatyat07;
你呢個方法我都有用過，但係bb仲未意識點解我要佢企係一邊，同佢講“你甘甘甘係唔岩架！唔好再做啦ok？！” 但佢只會係甘發爛咋，完全唔明我講咩。

私人傳訊

積分: 724

9^#

發表於 08-7-23 13:17 |只看該作者

原文章由 <i>Elefant老婆</i> 於 7/22/08 11:00 PM 發表
仲有我想問，我個仔好癡身，訓晏覺半個鐘轉身唔見我就醒，好多時我要晌佢身邊佢先訓得耐，有無媽媽都係咁呀？好煩呀！

我個仔nap time都要我係隔離陪住佢，直到佢訓左為至。有時連自己都定唔順超想訓，佢都未訓。不過佢平時一訓就會訓個半鐘－2個半鐘。

不如係你仔仔係nap time 之前玩d燒耗體力多d既運動，例如踢波，整到個人累d累，會唔會好訓d？

不過我念就緊要都係set 定wake up, breakfast, nap time, lunch... 既時間，因為，我發覺有好既routine 會好好多。

私人傳訊

vv888

積分: 1519

10^#

發表於 08-7-23 14:06 |只看該作者

原文章由 Elefant老婆 於 08-7-23 13:00 發表
我都試過打手，但係佢就學識打人。有人講過，一個連屎尿都忍唔到嘅人，都未必可以控制到自己嘅行為。我個仔有開閂電腦，我地唯有斬腳趾避沙虫，將個電腦擺去佢掂唔到嘅地方。

不過我覺得咁細個體罰未用得住。

仲有我想問，我個 ...

係呀! 我都試過打佢手板, 話佢唔arm, 但係人佢好似都
唔驚咁樣, 不過佢既眼神話俾我知, 佢知我係鬧緊佢

不過真係ga, 我地咁樣做, 佢又學埋一份, 有時咪走去
用手拍人/打人, 唉

加上屋企人又唔係個個都合作,
我有時都好蚊憎, 都唔知點教好

隻衰豬豬係我同爸ｂ既心肝寶貝黎ｇａ．．．哈哈！

”佢係２月１５日出世的豬ＢＢ”

私人傳訊

yatyat07

積分: 2614

11^#

發表於 08-7-23 15:31 |只看該作者

三月媽咪,
可能我個囡驚我啩! 每次我罰佢企佢都唔敢再郁, 只有喊住咁企係喥, 同埋每次罰完佢之後, 都會有一段短時間佢係記得呢d嘢唔可以做, 可能bb既記憶係比較短暫, 所以通常幾日後又會再做番, 我唯有再重覆做以上既動作, 不過最近阿囡好咗好多啦, 起碼佢一著我d鞋我一句no, 佢會即係放回原位, 無再攪鞋, 我覺得我哋做媽咪真係要勁有忍耐力同恆心先至得呀!

原文章由 三月媽咪 於 08-7-23 13:00 發表

hello yatyat07;
你呢個方法我都有用過，但係bb仲未意識點解我要佢企係一邊，同佢講“你甘甘甘係唔岩架！唔好再做啦ok？！” 但佢只會係甘發爛咋，完全唔明我講咩。 ...

私人傳訊

CindyMak

積分: 2529

12^#

發表於 08-7-23 15:58 |只看該作者

我有少少可以分享:

如果佢係因為唔俾佢搞搞震，搞呢樣，搞果樣。
1,如果唔想佢搞，就唔好俾佢見到！
你唯有盡量放去佢拎/見唔到的地方。因為小朋友有好大的好奇同求知，如果佢去搞每樣野，你都唔俾，你都話"NO"，佢的好奇心就會漸漸減細，可能大d會變得膽小或者對身邊的事無興趣。

2,因為無聊
有時，佢係因為無聊，都唔知玩乜好。於是見到乜就玩乜。所以見佢無無聊聊的話，一係俾玩具佢玩，一係同佢一齊玩。

3，唔可以有第一次
有d野，你覺得佢係唔可以玩。就算佢喊都唔可以，玩一次唔可以，摸都唔得。如果佢玩過第一次，佢就知道以後都可以玩。如果佢（第一次）準備搞，你要立即抱開佢，然後同佢講"NO/唔可以"。然後話佢知邊d可以玩。（呢一點全家都要有共識）

發脾氣的時候
無論打人，掉野，你的反應唔好太大。一定唔可以笑。捉住佢，望住佢對眼同佢講"唔可以"。佢要喊就抱住佢喊，或者同另外一樣玩具分散佢注意。

Elefant老婆
訓覺問題。。。我大仔到2歲半時都係禁。。。我估移家係因為 "seperation anxiety"，你都係帶本書陪佢訓覺。。。

ps
我唔鼓勵打小朋友，我覺得佢地唔會記得痛係唔可以做。以我大仔為例，佢經常因為跑/跳而撞傷，但係佢唔會記得唔好跑/跳。（佢移家三歲幾，把口就話跑/跳會撞傷，但係佢依然故我）
佢地只會知道，如果叫唔停，就可以打人，打就會停。

[ 本文章最後由 CindyMak 於 08-7-23 16:07 編輯 ]

皓霖BB小天地 Tiffany的小世界

私人傳訊

mochuchu

禁止訪問

積分: 8440

13^#

發表於 08-7-23 16:27 |只看該作者

提示: 作者被禁止或刪除內容自動屏蔽

私人傳訊

雪~bb

侯爵府

積分: 23618

2011至尊種植勳章畀面勳章

14^#

發表於 08-7-23 19:08 |只看該作者

原文章由 三月媽咪 於 08-7-23 12:49 發表
我既意思唔係我就住就住黎教，平時佢羅大人鞋玩，叫佢儜返原位佢都識。
但係有時佢會做d唔好既行為，例如係甘開關電腦，我就算話佢打佢（已經打得好痛），佢都唔怕，仲係甘做。
我想知道要點教先可以比bb知道唔可以做d我會打／話佢既行 ...

打係冇用架
有人講過話一係唔好打
一係恨恨咁打獲金
有次ivo話極都唔聽攪野
咁我扛左獲金既俾佢
諗住實記得啦
點知3個鐘後就唔記得又攪
根本打就一d用都冇

私人傳訊

積分: 37310

好媽媽勳章醒目開學勳章畀面勳章

15^#

發表於 08-7-23 20:45 |只看該作者

咁我即係仲有排捱

。我已經一路訓一路用手提上網架喇。書重得滯，耐咗隻手好倦。

原文章由 CindyMak 於 23/7/2008 15:58 發表
我有少少可以分享:

如果佢係因為唔俾佢搞搞震，搞呢樣，搞果樣。
1,如果唔想佢搞，就唔好俾佢見到！
你唯有盡量放去佢拎/見唔到的地方。因為小朋友有好大的好奇同求知，如果佢去搞每樣野，你都唔俾，你都話"NO"，佢的好奇心就會漸漸 ...

[ 本文章最後由 Elefant老婆於 08-7-23 21:00 編輯 ]

私人傳訊

積分: 37310

好媽媽勳章醒目開學勳章畀面勳章

16^#

發表於 08-7-23 20:47 |只看該作者

我聽咗你講去playground玩咗一陣，返來真係好訓D。

原文章由 三月媽咪 於 23/7/2008 13:17 發表

我個仔nap time都要我係隔離陪住佢，直到佢訓左為至。有時連自己都定唔順超想訓，佢都未訓。不過佢平時一訓就會訓個半鐘－2個半鐘。

不如係你仔仔係nap time 之前玩d燒耗體力多d既運動，例如踢波，整到個人累d累，會唔會好訓d ...

私人傳訊

積分: 37310

好媽媽勳章醒目開學勳章畀面勳章

17^#

發表於 08-7-23 20:59 |只看該作者

我都覺得打係有百害而無一利，依家佢只係學打嘅動作，我地鬧佢嘅語氣都學鬼埋。每次亞仔做錯野，我老公會用手指指下然後鬧佢「bad bad baby！」到下一次佢又做錯野，我老公都未行到埋去，佢自己就好肉緊咁「bad bad bad baby bad bad！」然後自己晌度笑。

我試過頂唔順走咗出房留番佢一個晌房度喊，因為佢唔肯訓，而我需要冷靜如果唔係真係會死人。可能咁佢好怕我走，同埋我一惡，鬧佢：「你仲唔訓覺！」佢會好驚咁合埋對眼（但唔一定訓得著）可能下晝真係要佢去行下，如果唔係會訓得無咁好。

原文章由 vv888 於 23/7/2008 14:06 發表

係呀! 我都試過打佢手板, 話佢唔arm, 但係人佢好似都
唔驚咁樣, 不過佢既眼神話俾我知, 佢知我係鬧緊佢
不過真係ga, 我地咁樣做, 佢又學埋一份, 有時咪走去
用手拍人/打人, 唉加上屋企人又唔係個 ...

私人傳訊

as_sheep

積分: 1993

18^#

發表於 08-7-24 00:23 |只看該作者

我都分享一下....

我個囝早排鐘意搞電話,我將電話放高左,反而我每次用完電話之後,都主動比佢禁下個電話,依家就算電話放係佢隔離,佢都吾會店.

之前佢好鍾意入廚房搞洗衣機,我就係洗衫的時候,叫埋佢入廚房一齊睇洗衣機轉動,依家都吾會對洗衣機有興趣.

佢曾經又搞音響的開關,我比佢搞,搞左幾次,佢就吾搞.

其實小朋友都係好奇先搞野,如果後果吾係太嚴重,我都會由得佢試搞.

私人傳訊

CindyMak

積分: 2529

19^#

發表於 08-7-25 00:47 |只看該作者

你令我諗起。。。我大仔兩歲幾的時候夜晚跟工人姐姐訓。有時我會懶sweet入去陪佢傾計然後訓覺。但係因每次都因為太開心，搞好耐都唔肯訓。（有時重周圍跳）
結果，10次有7次都係鬧佢收場。佢又係好驚咁合埋對眼，唔洗5分鐘訓左。

哈！我移家諗返都覺得好好笑！

移家我大仔醒喇，到訓覺時候，就自動話要同姐姐訓！佢一定係驚如果佢訓唔著，我會鬧佢。

原文章由 Elefant老婆 於 08-7-23 20:59 發表
....我試過頂唔順走咗出房留番佢一個晌房度喊，因為佢唔肯訓，而我需要冷靜如果唔係真係會死人。可能咁佢好怕我走，同埋我一惡，鬧佢：「你仲唔訓覺！」佢會好驚咁合埋對眼（但唔一定訓得著）可能下晝真係要佢去行下，如果唔係會訓得無咁好。

皓霖BB小天地 Tiffany的小世界

私人傳訊