吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家事百科› 分體式泠氣機滴水

家事百科今日: 10|主題: 39134

收藏本版

發帖

返回列表

跳至頁

查看: 33858 | 回覆: 6

分體式泠氣機滴水 [複製鏈接]

felix.lee

複式洋房

積分: 247

1^#

發表於 08-7-23 18:12 |顯示全部帖子

原文章由 aliceandleo 於 08-7-23 13:31 發表
我屋企個分體式泠氣機滴水!!!!!如要換機,要搭棚!!!!好慘!!!你地有無好介紹呀???

我部分體機都係滴水呀!不過係屋入面個風機度滴水，周地都係。
CF話係個去水位細同個水兜積左好多塵，變左去水好慢，因為多塵，所以平均年零要攪一次。
CF教我買條糼膠喉，最好插到入個"loan"度，企上去插條膠喉入去水個"loan"出力吹幾吹，將D水谷出去，水兜D水會慢慢溜走，之後再抹乾淨D塵就得。

私人傳訊

felix.lee

複式洋房

積分: 247

2^#

發表於 08-7-24 23:27 |顯示全部帖子

原文章由 aliceandleo 於 08-7-24 13:27 發表

唔係好明!!!有無相睇....thanks!

好難影相，因要拆開個殼，我屋企有兩部分體分別都試過咁樣滴水。廳果部上兩個星期先啱啱試過一次，通常開左機一段先時間出現，過程如下:
1.用把梯爬上去，先揭起個機蓋(同洗隔塵網一樣)，冇乜難度
2.取出隔塵網(其實可以吾洗)，但會方便D
3.要扭開哂所有機殼既鑼絲(每部機有几多粒鑼絲係吾定，我部機就有6粒)，一般係底有3~4粒、兩側各有1粒，個頂係無
4.跟住要將成個機殼取出(呢度有D難度，用少少力)，先輕力拉開殼底，兩邊各有一個扣，機頂有2~3個隼扣(所以冇鑼絲)
5.衣機會見到成個機身，係頂部有D銅色密封既喉，怖滿水珠(就係果D倒汗水既來源)，下面有出風口，最底就係裝滿水同布滿塵既水兜。(側邊會有D感應器或零件，吾好攪佢)
6.水兜兩邊既其中一邊會見到個去水"loan"，個"load"好細，直徑1cm左右，週圍通常係塞滿塵，當塞滿塵就會攪到D水去得好慢，慢慢就會滴水，甚至會比風吹左D水出尼
7.揾條尺零長幼身膠喉，一邊剪尖，伸入個"load"度，係另一邊用力吹條喉，盡量吹走塞係入面D塵，頭兩三下會感到難吹D，之後慢慢會通哂，會見到水兜D水會流得快左
8.因水兜個位好窄，好難抹，要揾D厠紙索乾水兜D水，同"new"走D塵。
9.之後順便抹下部機同洗下個殼同隔塵網，再装返哂D野就掂
因等CF尼都要有排，夜晚又吾會理，無理由等几日。其實吾難，我都係之前聽CF講過，到真係滴水時再試下自己攪，成個過程約30分內應可攪掂，視乎手勢。

私人傳訊

felix.lee

複式洋房

積分: 247

3^#

發表於 08-7-28 15:46 |顯示全部帖子

原文章由 aliceandleo 於 08-7-28 12:59 發表

唔該晒你地!我部機無滴水啦!!!!
Thank you very much!!!!!

攪掂喇!自己拆開部機通去水兜?難吾難呢?乜都試下吾會好難!
屋企入面九成野都係我自己攪，左換右換，只要有架生就無乜難度。
投影機、投影幕、plasma都係自己一個人度位鑽牆再掛上去，雖然好鬼煩，但裝掂哂就好有成功感架....

私人傳訊

felix.lee

複式洋房

積分: 247

4^#

發表於 08-7-28 17:26 |顯示全部帖子

原文章由 jo10 於 08-7-28 16:49 發表
irhk:

thanks for yr reply!

我部機係跟新樓就有响喥,02年入伙,初初幾年冇事!
係揾大金通去水,但今次通吾倒,佢就話去水主喉斜度吾夠,去不到水,再通都吾係長遠之計,要安過條去水喉才治本!
我都會叫番今次洗機個師傅 ...

個師父點幫你通條喉呀?揾鐵線通?揾膠喉吹(我用呢個方法)?
其實冇話條喉夠吾夠斜架，有地心吸力丫麻，除非外牆喉位高過冷氣去水位。因我係兩部分體機share一個木殼藏哂d喉，兩係雪種及兩係去水喉疊埋一齊貼住陣底打橫走7呎先出到外牆，斜水高度都係得2~3吋左右(裝修時咁啱見到)，一樣係吾夠斜，一樣有漏水。因為第一次漏水時揾冷氣CF睇過，佢都話可能係斜水問題，一係間吾中自己吹下，一係拆左哂再做過

mouth: ﹔雖然我個裝修CF話免費幫我重做，但係最後我都費事搞，因為我係用gym board包哂全條陣做左個假木殼走喉，一郁就好大工程，我寧願自己通下條喉。
你話沿住牆身漏水..位置淨係分體機底、還是整幅牆沿住去水喉呀?
希望只係分體機底啦!咁樣可能係塞咗D塵响條喉度
如果係沿住去水喉一帶滲出水就麻煩喇!

私人傳訊

felix.lee

複式洋房

積分: 247

5^#

發表於 08-7-28 18:55 |顯示全部帖子

原文章由 jo10 於 08-7-28 17:56 發表
felix.lee:

thanks for yr reply!

我見個師父揾膠喉吹的,又洗過成部機!
之前我見大金師父打開個假天花(分體機後面位置),話條去水喉吾夠斜(好似係指住d鐵喉)。
佢都係叫我拆左哂再做過先一勞永日mouth: ,我就係驚 ...

"話條去水喉吾夠斜(好似係指住d鐵喉)" <--点解會係鐵喉咁重手既?一般膠喉咋!
頭几次-部機先係出風口噴水兜D水同係機側漏水出尼，我地吾理佢...淨係熄機一陣再開...又冇事喎!
過左一排，出風口又噴水、機身同牆邊條縫幾度地方跟住漏水....call CF check機，CF拆機後話去水"loan"好多塵，用膠喉吹通去水喉，搞掂。
好耐之後、到房部分體出事，呢部机條出水喉基本上好近牆身，小於三呎，所以我覺得吾關斜水事，都係D塵攪事，吹完到衣加年幾都無事。最近到廳部機攪事，又係吹几野通返哂!
咪當係大洗下部機，反正平時淨係洗得隔塵網，都冇理過其它野。
其實窗口機咪一樣會漏水，機底個盤裝得重多水呀!吾好諗住去水會好快呀!以前住响海邊，試過打風食正風位，半夜時底盤D水比D風監生吹返入屋呀!好似暴布咁呀!跟本連玻璃膠都吾唧得

私人傳訊

felix.lee

複式洋房

積分: 247

6^#

發表於 08-7-29 00:14 |顯示全部帖子

原文章由 aliceandleo 於 08-7-28 21:46 發表

係呀!攪點啦!之前滴水真係滴得好勁,滴到要拿個桶裝住.....一通完後就好左好多,好耐先有一滴......不過遲D又再通下我諗會再好D..
因為果日無膠侯,用左支飲管吹......ANYWAY, 多謝你felix.lee :kis ...

Good! DIY既好處就係除左慳到錢，另外就係成功感!