吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 重男輕女既奶奶....

婆媳關係今日: 4|主題: 27701

收藏本版

發帖

返回列表

跳至頁

樓主: moon_in_sky

重男輕女既奶奶.... [複製鏈接]

1 234

BigBigB

複式洋房

積分: 275

41^#

發表於 08-8-13 10:47 |只看該作者

moon_in_sky，你太 "林善" 嘞...

我以前屋企都有工人架，我老公都係...

而家結左婚，我擺明唔會做家務，我地請鍾點... 我放工個人散哂啦，仲做？

大家都要返工，公平 d 好喎...

================================ 未得本人同意，請勿轉載本人所發表的文章､回應及意見。

私人傳訊

purple_lily

大宅

積分: 3542

42^#

發表於 08-8-13 12:47 |只看該作者

嘩！你99係咪傻架？你放左工仲要服侍佢？咁邊個服侍你呀？佢以為你返工唔辛苦咩

我奶奶又係咁，成日問我放工做咩唔煮飯，出街食好無益，有時我煮飯，老公洗碗，佢又唔高興。我話放左工都好夜同好累，費事煮，佢就EE哦哦。之後我生完BB請左工人，佢都check住我有冇做吓家務。我真係好想鬧佢：我請左工人點解仲要做？就算點都好，關佢屁事咩！我都有媽媽生的，點解我放左工仲要做？
係咪d99天生就鍾意虐待新抱？如果佢個女的99咁對佢個女，佢又會點？？

原文章由 moon_in_sky 於 08-8-12 23:16 發表
我奶奶今日又再打比我叫我收工去買餸煮飯....我照做,返到屋企,煮完飯食完仲叫我洗碗.....
我終於都忍唔住,問咗我老公佢細佬一句:你亞麻以前係咪都係咁對你亞媽?
點知佢細佬都未答,我99就已經好快咁答我:我以前大肚個 ...

[ 本文章最後由 purple_lily 於 08-8-13 12:48 編輯 ]

私人傳訊

cherrytso

大宅

積分: 4850

43^#

發表於 08-8-13 13:09 |只看該作者

原文章由 purple_lily 於 08-8-13 12:47 發表
嘩！你99係咪傻架？你放左工仲要服侍佢？咁邊個服侍你呀？佢以為你返工唔辛苦咩
我奶奶又係咁，成日問我放工做咩唔煮飯，出街食好無益，有時我煮飯，老公洗碗，佢又唔高興。我話放左工都好夜同好累，費事煮，佢就EE哦哦。之後 ...

係架....我99都係一樣架.....即日就驚我刻薄佢個仔咁, 有一次我發爛渣鬧先再無問咋.....我話我c6牛高馬大, 大人大者, 有手有腳, 要食咪自己煮囉.....要飲水咪自己死去攞囉.....咩都要個老婆做, 佢坦架.....我話99, 我嫁嗰個係健全人仕黎架.....我唔係嫁個"妲己"啊.....

天下99一樣黑, 欺善怕惡, 佢最憎人話佢個仔(我c6), 我就特登嚮佢面前叫我老公做依樣, 做嗰樣......睇妳耐我咩何...

私人傳訊

chowhui97

男爵府

積分: 5873

44^#

發表於 08-8-13 14:51 |只看該作者

嘩... 你地99真係好鬼衰呀!!! 俾我實頂佢唔住同佢嘈呀!

我99都係重男輕女個啲, 鍚晒自己啲仔, 成日覺得做家務係女人份內事! 煮飯都係煮我老公鍾意食的餸, 買補品通常都係男人先啱補女人唔飲得嗰啲! (我有bb都係咁話!) 我都同佢講過依家男女平等, 我都要出離做嘢, 但係佢都唔係好明... 又成日話我地食街飯, 俾佢知我地出街食佢就會問點解唔係屋企食, 出街食無益, 成日驚我餓親佢個仔!!

我依家肚入面係女, 不過佢無講咩, 因為佢自己生的全部係仔, 啲孫又全部係孫仔, 所以我諗我個囡囡都應該有訂企...

私人傳訊

YokoLai

大宅

積分: 1873

45^#

發表於 08-8-13 15:59 |只看該作者

moon_in_sky:

就由今日開始....日日叫外賣, 理得佢哋丫！至緊要唔好辛苦自己啊！

私人傳訊

moon_in_sky

大宅

積分: 1753

46^#

發表於 08-8-13 21:59 |只看該作者

同老公講咗.....結果.....

我琴晚訓覺前同老公傾咗一陣計.....
我同佢講:我真係好攰好辛苦,放咗工仲要走去買餸煮飯,你亞媽唔想煮既,你叫佢買我煮啦....(我覺得自己已經讓咗一步)

咁佢就走去同我奶奶講啦,佢返黎同我講:亞媽佢肯呀....

當時我仲係到諗:佢都算似返個人

直到今日我放工返到屋企,我奶奶佢真係有買餸呀...當時我幾開心呀,以後唔洗泊黎泊去喇...

到我打開d餸既時候,大家估下有d咩餸....

今日真係好好餸呀,佢仲同我講d餸買咗好多錢架.....
今日既餸包括有(係佢買,都係佢要求咁煮):
1)茄汁大蝦
2)豉汁蒸沙孟(無鱗既魚)
3)薑蔥炒蟹
4)白灼東風螺
5)煎雞翼
6)冬瓜滾魚尾
仲有飯後果...西瓜一個
係咪好好餸呢.....

但係全家人都知我對海鮮敏感ga啦,無鱗魚連我老公都知我大肚唔食得,冬瓜湯咁涼我又唔飲得,咁你叫我食白飯呀?

最後我老公見到咁既情況,佢就話:不如煎罐午餐肉啦.....
99:咁多餸都仲要煎午餐肉?唔好整啦,一陣食唔哂呀.....
老公:亞joe無餸食呀....
99:唉!又要叫我買餸,買咗又話唔啱食,都唔知佢想點,咁鬼難服侍......

老公&我:...........

我就黎痴線喇,無抑鬱都變有啦......

私人傳訊

mother904

翡翠宮

積分: 78159

畀面勳章

47^#

發表於 08-8-13 22:03 |只看該作者

你99有乜野唔食／唔食得，以後叫親你煮飯就煮果幾味。

明眼人都知你99 玩野，你老公有乜野講呀？

長遠黎講，搬開唔好一齊住啦。

私人傳訊

E@V

大宅

積分: 1312

48^#

發表於 08-8-13 22:05 |只看該作者

你99 似玩野多d 喎!

原文章由 moon_in_sky 於 08-8-13 21:59 發表
我琴晚訓覺前同老公傾咗一陣計.....
我同佢講:我真係好攰好辛苦,放咗工仲要走去買餸煮飯,你亞媽唔想煮既,你叫佢買我煮啦....(我覺得自己已經讓咗一步)
咁佢就走去同我奶奶講啦,佢返黎同我講:亞媽佢肯呀... ...

私人傳訊

Anntang

大宅

積分: 1454

49^#

發表於 08-8-13 23:39 |只看該作者

快d搬啦!!!!!!!!!!!!!!!!!!!!

快D搬啦, 佢而加玩你都話哽左佢,
第日佢"玩"你個女, 點算呀!

同你C6講, 佢亞媽而加已經刻薄個BB,
大人無得食即係個胎都無得食,
第日佢亞媽刻薄佢個女, 佢點呀?
保護個BB同佢亞媽反面? 佢咁"孝順"
佢做唔做到呀?!

由得佢亞媽刻薄BB,
佢又做唔做到呀? 唔想難做人就好快D搬啦!

私人傳訊

sbandliz

大宅

積分: 2106

好媽媽勳章

50^#

發表於 08-8-14 00:12 |只看該作者

原文章由 moon_in_sky 於 08-8-13 21:59 發表
我琴晚訓覺前同老公傾咗一陣計.....
我同佢講:我真係好攰好辛苦,放咗工仲要走去買餸煮飯,你亞媽唔想煮既,你叫佢買我煮啦....(我覺得自己已經讓咗一步)
咁佢就走去同我奶奶講啦,佢返黎同我講:亞媽佢肯呀... ...

I will say:
奶奶你自己煮la
我同老公出街食

私人傳訊

tantanmama

公爵府

積分: 28707

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

51^#

發表於 08-8-14 10:49 |只看該作者

原文章由 moon_in_sky 於 08-8-13 21:59 發表
我琴晚訓覺前同老公傾咗一陣計.....
我同佢講:我真係好攰好辛苦,放咗工仲要走去買餸煮飯,你亞媽唔想煮既,你叫佢買我煮啦....(我覺得自己已經讓咗一步)
咁佢就走去同我奶奶講啦,佢返黎同我講:亞媽佢肯呀... ...

睬佢都傻, 即刻同C6出街食, 叫佢食自己啦. 你冇嘢食, 個B冇營養架. 你唔開心, 個B都feel到架, 所以唔好難為自己. 盡快搬, 未搬前就日日出街食, 盡量唔好理個99. 不過, 唔好喺C6面前鬧99, 只需要好委屈咁喊晒, 話擔心第時亞B唔知點算, 等C6內疚下, 就會更加企你果邊.

私人傳訊

KiuShaBB

珍珠宮

積分: 31492

52^#

發表於 08-8-14 11:14 |只看該作者

嘩, 你99攞明玩野, 唔駛買都煮死人啦, d魚鯹味夠惡頂啦, 睇到我都好嬲呀,

, 你唔好俾佢睇到你唔開心既樣添呀, 佢一定好得戚, :;pppp: 當無事發生, 睇下佢買魚蝦蟹買得幾多日.

咁乞人憎, 快d搬啦, 睇怕你唔想父母擔心都要同佢地傾吓啦, 如果唔係俾99睇死你, 佢第時一定仲過份, 就算俾你捱到無產前無抑鬱都會有產後抑鬱, 何必仲要捱呢?

你c6食唔食得落呀? 其他人全部無人出聲?

私人傳訊

caracat

別墅

積分: 869

53^#

發表於 08-8-14 12:10 |只看該作者

7個幾月仲煮飯. 個肚頂住都炒唔到野啦, 仲有個肚好近個爐, 你唔覺好熱咖咩 ? 你放工去d c房菜食完先返去啦. (佢地冇味精) 生左先搬, 大肚真係唔好搬(坐埋月先喎. 唔好咁頻撲) 呢排incres d eq.咁舒服好多啦. 食完返去沖涼入房份抑鬱, 佢地唔敢蝦你咖啦~

開心d啦, 好快就一世啦

私人傳訊

chowhui97

男爵府

積分: 5873

54^#

發表於 08-8-14 12:27 |只看該作者

嘩!!! 實在太過份啦!!

(其實我好多時去奶奶度食都無咩啱食... 不過你99份明玩嘢啦!) 話時話, 你奶奶係咪係屋企無嘢做? 無嘢做其實買同煮都應該做埋啦!

我係你就搵地方搬, 為乜要受啲咁o既氣啫? 同自己媽咪講啦, 無錢就搬去阿媽度住, 有錢就自己租service apartment, 都係幾個月啫! 大住個肚就話費事同佢嘈, 生完阿b真係理得佢! 依家返阿媽屋企食多幾餐, 佢實會煲啖靚湯你飲架! 我依家係阿媽屋企都唔知食幾多, 老公都有眼見我係佢屋企食得少啲, 所以我有時話返自己屋企食佢都okay!

叫埋老公一齊唔好返佢屋企食tim呀, 激鬼c你99!!

私人傳訊

debbieip

大宅

積分: 1113

55^#

發表於 08-8-14 12:55 |只看該作者

我真係忍唔住要回覆! 你99真係好過份, 佢係人唔係? 就算佢點討厭你, 點唔喜歡女都好! BB都係佢個仔的親骨肉, 我只可以話, 佢唔只對你唔好, 佢亦對你先生好差! 最衰你自己唔食海鮮, 如果比我, 我會食比佢睇, 大大啖! 佢最想睇你唔高興個樣, 我就會當冇野一樣! 吹我唔帳~

你好快D搬! 冇謂係處做奴隸! 亦唔需要理你99, 弟日對佢就只係兩句! "HI" 及"BYE"

原文章由 moon_in_sky 於 08-8-13 21:59 發表
我琴晚訓覺前同老公傾咗一陣計.....
我同佢講:我真係好攰好辛苦,放咗工仲要走去買餸煮飯,你亞媽唔想煮既,你叫佢買我煮啦....(我覺得自己已經讓咗一步)
咁佢就走去同我奶奶講啦,佢返黎同我講:亞媽佢肯呀... ...

私人傳訊

丁丁Kit~

複式洋房

積分: 256

56^#

發表於 08-8-14 13:26 |只看該作者

搬返去同自己爸媽住啦~
至小你生仔生女都好.佢地都一定錫住你同埋呀B先啦~
都7個月啦.唔好留係到受99氣啦~
生左都唔洗通知佢.唔洗帶比佢見~

私人傳訊

Anntang

大宅

積分: 1454

57^#

發表於 08-8-14 15:03 |只看該作者

大嘅唔食, 細都要食

唔好忍啦, 大人唔食, 個胎都要食架!
大吉利是, 遲D個B唔足磅之類,
你喊都喊唔返呀.

私人傳訊

YokoLai

大宅

積分: 1873

58^#

發表於 08-8-14 15:12 |只看該作者

你99超衰....明玩你~~叫你老公今日打比佢，話2公婆食完飯先返~~連續2-3weeks都係咁~~睇下你99又有乜招數，首先唔好辛苦自己先~~

你老公應該講：無餸o岩我老婆食~(我老婆要大聲d，代表你老公重視你、緊張你，e家係佢老婆無啖好食喎！仲要大住個肚煮比佢屋企人，午餐肉都無舊~~跨d都唔怕~~我覺得d99知個仔緊個老婆，多數都唔會專登同個仔過唔去~)

搵到地方就搬啦！未搵到之前....唔好再辛苦自己嘞！

[ 本文章最後由 YokoLai 於 08-8-14 15:14 編輯 ]

私人傳訊

pang90002

複式洋房

積分: 336

59^#

發表於 08-8-14 15:48 |只看該作者

你奶奶真係好有病,我最憎呢d人,真係希望佢會有報應!!我曾經係因為自己爸爸媽媽恨仔而製造出來的犧牲品,再加上我奶奶都有重男的傾向,因為我依家有2 個女了.佢成日都想我生多幾個.所以我好憎有重男輕女的人,(無論奶奶也好,老爺也好,老公也好)仲之有呢傾向的人都應該要受到報應,其實生仔生女都應該開心,而唔好因為性別而有偏重.
至於你奶奶咁對你,我覺得佢唔配做一個人,因為佢缺少左做人的基本條件.唔得了,我控制唔到自己了.如果我你樓主你,我一定同佢劃清界線,老死不相往來!!

私人傳訊

purple_lily