婆媳關係 今日: 4 | 主題: 27701

積分: 12890

醒目開學勳章畀面勳章

1^#

發表於 08-8-14 11:02 |只看該作者 |倒序瀏覽 |打印

99因為自己長期著對唔啱size嘅鞋,整傷咗兩隻腳嘅腳筋,佢就辭咗本來份工,喺屋企嘅會所返工做清潔...本來我覺得無問題,但係99講明午餐返嚟食(佢分分鐘會叫埋d同事上嚟玩b),我聽到就有d唔開心...因為我真係好憎佢,依家連我平靜嘅中午都要嚟煩我!但係呢度係佢屋企,我無可能話唔俾佢返嚟...

入到房,我c6同我講叫我以後負責煮飯!99佢一向都唔鍾意我入佢廚房煮飯!係試過幾次,但係佢次次都出出入入裝我點整,又多多意見咁嘈住哂,最乞人憎係整到出嚟好似我會毒死佢咁,望好耐聞好耐先黑口黑面啤住我咁食,搞到我好無癮...62飲食習慣又奇怪,咩都話唔食,齋食魚同肥豬肉(兩樣都最憎),佢又唔會出聲返唔返嚟食,我完全無信心可以服侍佢兩老...我好直接咁同c6講"你都知你阿媽唔鍾意我煮架啦,到時我煮得辛苦,佢又食得辛苦,咁有乜為呀?",c6就話佢阿媽已經唔後生(50歲出頭),叫我就下佢老人家,轉下生活方式,佢放工湊囡囡(實際係玩),我煮飯喎!!

老實講要我將囡囡交俾佢睇我係千萬個唔願意!!!佢都唔會理個bb嘅!次次都掛住睇電視搞到撞親,已經好多次如果唔係我喺度睇到,佢連個bb爬咗去邊都唔知呀!!!囡囡同佢玩玩下便便咗都特登叫我換,換完就即搶走!夠鐘餵奶又係我自己做,餵完又即搶...我唔係唔肯做家務,洗碗,丟垃圾,晾衫摺衫,掃地呢d我不嬲都有做,唯獨是煮飯我真係唔想!!c6講咗好耐我都無直接回應佢,佢仲話會同99講,"夾硬"要佢"俾"我煮...

我覺得c6無考慮過我囉,佢得把口講就梗係易啦!實際要做嗰個係我,佢都完全無意思問下我意見先!!老人家?我爸爸媽媽大過99成十年都有,爸爸仲係長期病患,我都未試過咁樣服侍佢哋呀!衰d講句,99係自己攞嚟衰嘅,成日諗住慳錢唔肯買鞋,搞傷咗自己要睇醫生咪仲貴~搞到我添呀!!依家我唔知可以點,c6又好似打定主意咁,本身諗住遲d搬,依家分分鐘無得走...好唔開心...

0 0 0

私人傳訊

ivory0915

珍珠宮

積分: 39762

開心吸收勳章醒目開學勳章

2^#

發表於 08-8-14 11:26 |只看該作者

原文章由 KoyeBaby 於 08-8-14 11:02 發表
99因為自己長期著對唔啱size嘅鞋,整傷咗兩隻腳嘅腳筋,佢就辭咗本來份工,喺屋企嘅會所返工做清潔...本來我覺得無問題,但係99講明午餐返嚟食(佢分分鐘會叫埋d同事上嚟玩b),我聽到就有d唔開心...因為我真係好憎佢,依家 ...

妳C6做乜無端端挑起條根要妳煮飯呀？煮晒午飯 and 晚飯 ? 咁咪乜野時間都無晒 ? 想同阿B去逛吓街 (兩三個鐘) 都唔得？

私人傳訊

積分: 12890

醒目開學勳章畀面勳章

3^#

發表於 08-8-14 11:41 |只看該作者

原文章由 ivory0915 於 08-8-14 11:26 發表

妳C6做乜無端端挑起條根要妳煮飯呀？煮晒午飯 and 晚飯 ? 咁咪乜野時間都無晒 ? 想同阿B去逛吓街 (兩三個鐘) 都唔得？

其實c6一向都話99煮飯難食又無新意,所以叫我煮d唔同嘅俾佢食,又可以俾99抖下(佢哋都得益,係我無好處啫)...午餐因為我自己食,通常都係求求其其,但係99如果返嚟食,我可能真係要兩餐都正正經經咁煮...c6就係唔明,成日以為全職湊b好輕鬆好多時間!實際上好多嘢要做,我個女又係都要人抱先肯瞓,好難先可以放佢上床瞓,瞓得又少,瞓醒唔見我就大嗌!我想洗幾隻碗都要分幾次做...我上bk打字都係一手抱住個女,單手打架...

私人傳訊

Anntang

積分: 1454

4^#

發表於 08-8-14 11:58 |只看該作者

叫你C6做一日替工

叫你C6搵一個週未, 做晒你嗰份, 包買送, 湊女, 烹飯,執屋......
仲要唔好俾你99幫手, 仲要符合佢亞媽D要求, 佢就知有
幾易!

原文章由 KoyeBaby 於 08-8-14 11:41 發表

其實c6一向都話99煮飯難食又無新意,所以叫我煮d唔同嘅俾佢食,又可以俾99抖下(佢哋都得益,係我無好處啫)...午餐因為我自己食,通常都係求求其其,但係99如果返嚟食,我可能真係要兩餐都正正經經咁煮...c6就係唔明,成 ...

私人傳訊

debbieip

積分: 1113

5^#

發表於 08-8-14 12:26 |只看該作者

再跟你老公傾啦~ 我工人放假我都全職湊過BB, 冇可能又照顧到BB, 又煮到二餐 "好" 飯~ 我那時都係中午食冇定時, 因為要攪掂左皇帝仔午睡先.... 仲要特別煮野比BB食, 要"謂"飯呢~ 我BB 2歲識行, 識走, 識跳, 識入廚房, 識爬我張床, 只要佢一清醒, 我都要睇實呀....當然, 我可以唔需要咁辛苦! 可以由佢自己玩, 可以放佢係床仔唔理佢, 仲可以睇電視, 煮九大鬼添~ 但我做唔出~ 你問下你老公想你做一個點樣的媽媽?

我相信你老公平日一定冇幫手照顧BB及照顧屋企, 因為佢一D都唔明白要用心打理一頭家及照顧BB係有好多野做! 就算係男主外女主內, 都應該體諒下~ 唔出去搵錢唔代表唔駛做! 我先生平日有幫手照顧BB, 所以佢就知湊BB係好困身~

而且, 就算你肯就佢, 你99亦唔一定滿意, 你先生都講明要迫你99 比你煮, 咁即係勉強佢啦~ 吃力不討好, 何必呢!

原文章由 KoyeBaby 於 08-8-14 11:41 發表

其實c6一向都話99煮飯難食又無新意,所以叫我煮d唔同嘅俾佢食,又可以俾99抖下(佢哋都得益,係我無好處啫)...午餐因為我自己食,通常都係求求其其,但係99如果返嚟食,我可能真係要兩餐都正正經經咁煮...c6就係唔明,成 ...

私人傳訊

ivory0915

珍珠宮

積分: 39762

開心吸收勳章醒目開學勳章

6^#

發表於 08-8-14 12:26 |只看該作者

原文章由 Anntang 於 08-8-14 11:58 發表
叫你C6搵一個週未, 做晒你嗰份, 包買送, 湊女, 烹飯,執屋......
仲要唔好俾你99幫手, 仲要符合佢亞媽D要求, 佢就知有
幾易!

hehe，係呀，咁口爽。

私人傳訊

丁丁Kit~

複式洋房

積分: 256

7^#

發表於 08-8-14 13:33 |只看該作者

認用呀 . 叫c6試下啦 ~
講到咁易 . 到時佢就知 ~
6299不嬲都係最難服侍架啦 ~

原文章由 Anntang 於 08-8-14 11:58 發表
叫你C6搵一個週未, 做晒你嗰份, 包買送, 湊女, 烹飯,執屋......
仲要唔好俾你99幫手, 仲要符合佢亞媽D要求, 佢就知有
幾易!

私人傳訊

tantanmama

公爵府

積分: 28707

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

8^#

發表於 08-8-14 16:38 |只看該作者

D老公成日以為佢地返工就好辛苦, 老婆全職湊BB好容易好得閒, 又成日話佢亞媽當年都係咁湊大佢, 有幾難? 佢地梗係錫自己亞媽, 想老婆服侍99, 但邊個錫個老婆喎?
你同99一齊住, 又得你唔洗返工, 你老公係唔會明白要你煮飯有咩問題. 你唯有照煮D唔啱6299食嘅嘢, 由得佢地黑面唔食, 佢地嘈, 你咪扮委屈, 喊晒咁話盡晒力喇但只係識煮呢D囉,跟住照舊煮D佢地唔食嘅嘢, 佢地奈你唔何. 好多99都係咁對新抱架啦, 明知人大肚都煮又涼又毒嘢, 等D新抱無餸食, D老公又唔出聲. 你堅持話自己已經"盡晒力"去煮, 佢地除咗嘈, 真係冇你辦法架.

私人傳訊

大眼肥妹

禁止訪問

積分: 8013

9^#

發表於 08-8-14 16:52 |只看該作者

提示: 作者被禁止或刪除內容自動屏蔽

私人傳訊

積分: 12890

醒目開學勳章畀面勳章

10^#

發表於 08-8-14 23:54 |只看該作者

其實好耐之前(唔係因為呢件事,不過都係99引起),我已經同c6講過話湊女都好辛苦叫佢試下湊一日,但係佢就發我脾氣話我揀得全職湊女就預咗呢d係我"工作範圍",唔好喺度呻辛苦...我嗰刻真係好唔開心,佢返工就一定攰過我,把口又話知個女難湊,但係我一講到話攰就挖苦我,話我一定無佢咁攰...

你哋講得啱呀!佢迫佢阿媽俾我煮飯,佢又迫我煮飯俾佢哋食,點解要搞到大家都唔開心唔鍾意呢?一味話佢阿媽年紀大要我就佢,成日都要我就佢阿爸阿媽,有無諗下我架?我一話唔鍾意就話"咁你想我點呀?"...講真,結咗婚之後我哋差唔多每次鬧交嘅原因都來自6299,我唔係真係想d關係差到無彎轉,日日面左左咁對住佢哋,但係佢哋真係好麻煩又當我無到!!我成日都覺得搬出去自己一家三口住會開心好多...

私人傳訊

大眼肥妹

禁止訪問

積分: 8013

11^#

發表於 08-8-15 09:45 |只看該作者

提示: 作者被禁止或刪除內容自動屏蔽

私人傳訊

siusum

伯爵府

積分: 15132

好媽媽勳章醒目開學勳章

12^#

發表於 08-8-15 09:53 |只看該作者

原文章由 大眼肥妹 於 08-8-15 09:45 發表
你唔好唔開心啦, 我老公都係d咁既人, 佢阿媽老豆永遠都係係最好, 開口埋口唔係講"你想我點呀?"就係用"子欲養而親不在"既廢話.

既然佢地係都要你煮飯既, 咁你都試下煮比佢地食(我知你好唔甘心冇人體諒你), 你學似我 ...

呢句好岩喎, 不過係套用係你c6身上, 唔係你喎, 你又唔係99個女...要服侍99的係你c6...咪叫佢自己諗掂佢囉...

私人傳訊

siusum

伯爵府

積分: 15132

好媽媽勳章醒目開學勳章

13^#

發表於 08-8-15 09:59 |只看該作者

原文章由 KoyeBaby 於 08-8-14 23:54 發表
其實好耐之前(唔係因為呢件事,不過都係99引起),我已經同c6講過話湊女都好辛苦叫佢試下湊一日,但係佢就發我脾氣話我揀得全職湊女就預咗呢d係我"工作範圍",唔好喺度呻辛苦...我嗰刻真係好唔開心,佢返工就一定攰過我,把 ...

我覺得呢句好過份...
咩叫個"工作範圍"...咁你的工時係幾點至幾點...
下班休息時間係幾時...
湊女都係一個作為父親的工作範圍黎架...佢選擇要小朋友都要預咗自己要幫手湊女囉...唔係一句話係全職媽媽的工作範圍就推晒出去...我覺得咁講...佢好唔責負任...包括有盡到做爸爸同做人丈夫的責任

私人傳訊

wmpl

積分: 3000

14^#

發表於 08-8-15 12:04 |只看該作者

同你C6講,你已經就咗好多,就咗十年有多,但係個情況都仍然毫無改善不但止,情況仲更加係愈嚟愈差,咁係咪你一個人就晒佢全家就唔會再有問題咁簡單??

如果佢真係要你一個人就晒佢全家,
咁唔係佢阿媽唔當你係一家人,而係佢自己從來都冇真正俾一家人嘅權利你,忍同就都唔係問題,但係一家人就係應該互相遷就包容,並唔係得你一個死忍爛忍就可以~~[你老公應該唔知自己做緊相反嘅行為,因為好多男人都好遲鈍又唔想諗同唔識諗,所以唔好太責備佢,只要好温和咁話俾佢知,佢嘅做法係會令到你好傷心,而咁樣做係唔會成為真正嘅一家人,再好實際咁同佢講應該要點做先有佢想要嘅效果,唔好長篇大論,要講重點同埋要佢俾時間你試俾佢睇,咩方去先係ok嘅!]~~

你講哩番說話前要首先認同佢返工做嘢係好辛苦,亦都好感激佢努力工作,令到你可以全職照顧囡囡,你亦都好明白佢嘅心情,我係你老婆,當然係企喺你嗰邊為你着想先,但係我想你可以只係聽吓我講一次心裡面嘅感覺同感受先再傾.......[咁樣啲男人先至會放低盾牌,肯聽女人講嘢,因為女人好多時嘅說話方式都會不知不覺令男人防衛自己,因為佢哋以為你講咩都係想鬧佢,就算唔係鬧佢都係否定佢嘅做人方法或處事能力,而男人天生以自我解決問題嘅能力為驕傲,亦都好敏感人哋批評或指導佢哋做事方式,因為哩樣嘢喺男人腦中會換轉為係指摘或暗示佢哋無能,不過九成都唔會認自己介懷,亦都係男女天生大腦就係唔同嘅原因,冇得改,所以大部份男女都溝通得唔好,就會引起好多不必要嘅爭拗又解決唔到問題,而最差嘅情況就係個男人本能地[即是佢哋自己都唔知做咗啲咩咁大不了,竟然會傷害到你咁深?]為咗維護自己嘅會完全偏晒去自己家人,所以你一定要冷靜過佢,唔好俾佢嘅情緒帶動到你發火,女人一發火,啲男人只會更加認你係不可理喻,就更難扭轉你嘅劣勢]~~

如果有形勢變壞,氣氛變差嘅情況出現,你就唔好再出聲,同佢講等佢冷靜啲想講嘅時候先再講,不過要表明清楚,喺大家未有任何共識之前,唔好再作任何同你有關嘅決定,最後掉低一句,你都唔想我未問過你嘅竟見就認為你一定要照顧我屋企人咁唔尊重你架??之後唔駛再講嘢,就算你老公發爛渣都好,你都唔好出聲,因為佢都唔冷靜你同佢講咩都只會演變成爭執再變為兩公婆各自為自己尊嚴嘅爭鬥,咁就會沒完沒了,永無止境地表面上喺唔同問題上爭拗但其實只有一個問題,就係你哋各自認為做人嘅基本同尊嚴~~

唔知你明白明白我講咩?!我嘅意思主要就係,如果想男人支持女人,女人就要首先表態支持男人同提出你想嘅要求,男人就好似小朋友咁,唔夠能力理解女人諗咩同講咩?!亦其實好多時比起女人都仲更加敏感脆弱,要經常先鼓勵肯定才可以提出少少疑問[唔係質疑]同一點勸導[唔係教導],但腦筋又唔係好靈活,經常性誤解女人嘅真正意思,成日以為女人係故意貶低佢嘅辦事能力,又會立即起晒槓傷害他人嚟保護自己,總之就係foolish又要扮smart,做人老婆係好辛苦,又要尊敬佢崇拜佢,但又要湊仔咁睇住佢錫住佢,又要唔好俾咁多壓力佢俾多啲自信佢,,但又要俾佢覺得自己有責任感覺得佢自己係有能力有成功感嘅男人@@

不過結論就係,如果個男人仲係值得你付出嘅,就試吓用多多鼓勵,少少教訓,先支持認同佢嘅想法[並不表示你同意佢咁做]再直接但不要嚴責嘅重點表逹你想佢點做嘅方式嚟慢慢改變佢!

私人傳訊

emilysmc

別墅

積分: 1000

畀面勳章

15^#

發表於 08-8-15 12:52 |只看該作者

好多男人都唔明, 到底做全職家庭主婦有幾慘, 佢地以為d女人係屋企掃下地, 煮下飯咁有幾辛苦呀......

但係佢地忘記左, 返工做咩都好, 做sales又好, 做大老細又好, 做家傭又好, 佢地都有休息既時間, 都會有大假, 返工可以同D同事吹下水, 舒發下D壓力, 但係全職家庭主婦呢? 全天侯366天24小時服侍人地D阿爸阿媽, 跟人地姓BUT自己生D仔女, 服侍自己選擇以為會成世照顧自己, 會對自己好好既老公.....

樓主, 你應好好和你的C6傾下, 要佢明白你既感受, 亦請他明白你的處境.. .. .. 請他不要下下話 "做師奶係咁架啦"

私人傳訊

積分: 12890

醒目開學勳章畀面勳章

16^#

發表於 08-8-15 13:51 |只看該作者

其實c6唔係完全唔幫手湊女嘅,佢如果放工/放假都會餵奶換片同個女玩,不過都係好短時間,所以唔會明白全日要做嘅嘢有幾多!!

c6唔係一個愚孝仔,反而係一個非常自我中心嘅人,佢覺得啱佢想做嘅無人可以阻到佢,包括佢阿爸阿媽!!佢講嗰句"佢始終係我阿媽,咁你想我點呀?",係要求我做某d事去遷就6299,用嚟迫我屈服嘅...我自問撇除咗呢點,其實佢好錫我同個女嘅,所以我始終都覺得同6299住係問題嘅所在!間屋無咗佢哋,我同c6嘅爭拗會少好多!!

至於話煮飯嘅問題,c6嗰次講完之後就無再提!聽日99就開始返新工,中午要見到佢...我打算c6唔講我就當無呢回事,真係局住要我煮嘅,我就唔會遷就6299,煮我自己想食嘅嘢,佢哋頂得順就食,頂唔順就自己煮返!!

私人傳訊

gutgut22

男爵府

積分: 6658

17^#

發表於 08-8-15 17:20 |只看該作者

嘩~梗係唔得啦~我2個仔~細仔識爬~我去邊跟到邊啊~去個toilet都話唔得啊~咪講笑啦叫你c6...不過好在我99佢煮飯我洗low~我c6成日咩都唔做...成日都比我話架啦~~叫佢湊一陣佢都想死咁啊~都唔明d男人~~~就99....咁我地邊個就啊~

私人傳訊

積分: 12890

醒目開學勳章畀面勳章

18^#

發表於 08-8-17 09:19 |只看該作者

惡夢開始啦...

尋日99第一日返新工,中午12:00就上到嚟,一返嚟又係手都唔洗就摸我個女,又問長問短咁煩住哂!!"阿b沖涼未呀?""你整咩俾佢食呀?""夠鐘食未呀?"...我已經覺得好煩!算,一個鐘頭我忍佢!!

到佢放工返嚟就問我夜晚食乜嘢,佢差唔多日日都會問,我無特別上心,照舊拋個波俾c6...但係佢問咗幾次之後我開始覺得唔妥,佢完全無意思入廚房,坐定定喺廳睇電視+"洽"眼瞓!!嗰時已經8:00...呢個時候c6喺房出嚟就問點解仲未有飯食,跟手就叫我煮螺絲粉,99即刻好精神咁話"係啦,你煮啦!呢d我唔識煮呀!",我嗰刻直情有俾人夾攻嘅感覺!!!

無辦法之下我煮囉!反正又唔係難煮...一路煮就聽到囡囡一路喊(唔肯跟99),之後喊得越嚟越勁,99開始唔耐煩,c6就抱囡囡喺廚房門口望住我,咁先笑返...一煮到出嚟99塊面就開始黑,食緊嗰時我聽到佢細細聲咁"唉"~之後c6話好食,99就細細聲咁"卒"...我心諗"咁唔滿意咪唔好食囉!呢d咩態度呀?!"之後執枱又係我,連碗都係我洗,佢就打定主意唔駛做咁!今日唔知會唔會都係咁...

私人傳訊

malimalihum