夫婦情感

收藏本版
發帖
返回列表
跳至頁

首頁
1

尾頁
   19
marktanghk123


洋房

積分: 36


1#
發表於 15-12-23 15:17 |顯示全部帖子
我自問是一個 ok 盡責的丈夫, 星期六, 日買送煮飯 (平時工人負責), 整屋企野, 執野, 每天湊小朋友返學, 有時太太那邊有幾個親人週末來我家, 也是我一個人下廚煮十幾個人既野. 太太不需要做任何廚房工作. 開支方面, 我們二人負責不同範圍, 一半供樓, 水電煤, 管理費等是我負責.

我沒有外遇, 也沒有親密的女性朋友, 因為知道這是危險的. 我也不是同性戀. 不過, 最近我很想離開這個家.

太太事無大小都鬧, 係勁鬧. 我或小朋友一做錯事就鬧, 完全是零容忍. 有時煮完一餐十幾個人份量既飯, 個人已經好累, 她從來沒有說一聲多謝, 也沒有任何慰問, 自己與她的家人不停食. 只是間唔中夾塊野過來.

我與她沒有任何傾談, 我引起話題, 她大都是一兩句就完, 時常拿著手機看 Forum. 她是不是工作忙碌呢 ? 可能是, 但現在係香港, 只有極少數既人工作是不忙碌.

太太從來沒有詢問我意見, 每每假期要去做什麼, 她一人決定了之後, 就叫我去, 去的, 不外乎是拿野, 揸車. 唔識路, 揸錯車就大鬧特鬧, 鬧到個小朋友都幫我叫佢收口. 我有時只想在香港休息下, 去食下野, 因為工作實在累. 佢乜都鬧, 買錯野又鬧, 與人講錯野又鬧, 開錯罐頭都鬧.

去旅行, 永遠是趕行程, 要做足晒所有野. 一有出錯就發脾氣.

我忍了十年. 從諒解, 傾談, 約她去出食野, 都沒有用. 情況沒有改善. 回家吃飯, 我不說話, 她可以不說話.

以我所知, 她沒有第三者. 因為表現會睇到 (我讀過一些輔導課程, 所以略知一二)

是的, 我能醫不自醫. 我對著她, 已經是沒有什麼感情. 我想離開, 因為現在每日過著就是驚俾佢鬧既日子. 佢有狂燥 ? 不一定, 因為佢在她的朋友面前, 不知幾有禮貌.

留在這個家, 只是為了小朋友 (今年8歲). 他很乖. 我不想他沒有了父母. 他是樂天小孩, 時常笑. 沒有了我或太太, 他可能會性情大變. 啞忍嗎 ? 但是人生就是如此 ? 如果離婚而小朋友歸她, 我會很不開心. 不過, 如果小朋友願意的話, 我會尊重. 現在香港的探視安排很好. 我可以一星期見小朋友三至四天是完任沒有問題.

我可以怎樣做 ? 我很失落, 很沮喪. 我每天就是對著一個隨時會爆發既冰山. 我要做足晒佢既要求, 我已經迷失了.

老實說, 如果我離開而小朋友住屋有問題的話, 我可以把我和她聯名的樓, 我的一半轉名給了小朋友, 我做他的監護人, 直到他十八歲. 自己就除名搬出去, 一毫子也不要. 當是我給小朋友的產業.
私人傳訊

marktanghk123


洋房

積分: 36


2#
發表於 15-12-23 15:48 |顯示全部帖子
傾到已經無野傾, 因為每次佢都話自己無錯. 我唔想鬧交, 所以到某個位我一定收聲. 事實上, 每次佢大鬧我都是死忍唔出聲, 只是間唔中頂唔順駁佢兩句, 問佢做乜咁燥. 佢當然係唔出聲.

我好憎鬧交, 有乜點解唔平心靜氣講 ? 點解唔可以好聲好氣講 ? 有次我唔記得換自己條毛巾, 因為爛左少少, 佢睇唔過眼幫我換, 之後又大鬧. 問題係, 我唔覺條毛巾爛, 何況那是我自己用的, 我有分寸啊......唉, 呢 d 只係冰山一角.

是否她原生家庭有問題 ? 可能, 但結婚十年情況越來越糟, 可以點 ? 越來越無力.
私人傳訊

marktanghk123


洋房

積分: 36


3#
發表於 15-12-23 16:00 |顯示全部帖子
多謝你們的意見.

見輔導是雙方面, 佢一向都不覺得自己有問題.

打俾佢睇 ? 只有又鬧一獲. 因為凡話佢有問題既, 佢一定鬧, 或是話你唔對.

如何令我同佢更近 ? 約出去食飯, 行街, 買禮物等等已經做齊. 如果連那些都不做, 佢可以叫工人做, 或者又鬧你點解唔做.

我唔想佢成日鬧, 特別係小朋友面前鬧, 所以乜都做, 照足吩咐, 等佢無乜藉口出聲, 但係咁既生活實在好累好累. 我有時完全唔知佢想點.

如果咁都唔叫盡責, 我好像見識一下盡責既丈夫既盡責清單應該有乜......或者我可能連呻都不應該吧.
私人傳訊

marktanghk123


洋房

積分: 36


4#
發表於 15-12-23 16:03 |顯示全部帖子
XCARX 發表於 15-12-23 15:56
你們倆發生過何事？
是不是未解決？
太太由相戀到現在也是這樣嗎⋯⋯不會吧
應該沒有什麼大問題, 鬧大交都沒有試過.

是的, 一直都是如此. 未結婚, 我已經幫佢還讀書既錢, 幾萬蚊. 我一毫子都沒有問佢拿返, 亦從來無提過, 因為無得計, 唔可以計.

佢不是直升機家長, 可以肯定.

私人傳訊

marktanghk123


洋房

積分: 36


5#
發表於 15-12-23 16:07 |顯示全部帖子
fungfungdrm 發表於 15-12-23 16:01
有啲女人唔係想要個識做家務嘅老公, 如果真係咁的話你就發錯左力
問過佢, 傾過, 佢乜都話 ok.

要怎樣的丈夫呢 ? 要送花. 禮物, 食好野, 去旅行嗎 ? 做過了.

我很討厭猜猜度度配偶諗乜. 有乜就開心見誠講. 如果連咁基本既野都做唔到, 都坦誠唔到, 咁一齊來做甚麼 ?

可能是人夾人, 或者情己逝, 樣樣都唔順眼.
私人傳訊

marktanghk123


洋房

積分: 36


6#
發表於 15-12-23 16:20 |顯示全部帖子
拍拖時有時會發下脾氣, 但小朋友4-5歲之後就開始大鬧. 事實上, 小朋友入讀了理想的小學, 大家都好開心, 不會因此而暴燥.

我太太身體健康, 沒有問題. 所以不會因身體而暴燥.

我不想離開是因為小朋友. 但係咁既環境, 佢遲早察覺......我唔想佢係唔開心既環境長大啊. 唉, 所以先沮喪.

小朋友興趣班快完了, 落樓接人, 待他今晚入睡後再看大家留言. 因為我不會在他面前用手機.

再次謝謝大家
私人傳訊

marktanghk123


洋房

積分: 36


7#
發表於 15-12-24 08:41 |顯示全部帖子
感謝大家既意見.

太太一定不是更年期, 而且身體沒有問題, 已排除呢個可能性.

十年都是如此嗎 ? 不是, 是4年前左右吧 ? 也沒有什麼大事發生, 不過就開始咁樣鬧.

同佢講道理係無用, 因為佢聽完, 第二次又照樣鬧. 上述既方法都試過. 我又唔想同住如陌路人, 咁唔似一個家.

我沒有女性朋友, 沒有與任何女同事在放工後有任何聯絡. 避嫌. 我沒有打機, 沒有買玩具之類既野, 錢就用在家庭的東西, 小朋友和她. 在家主要與小朋友玩, 與她傾 (不過佢無野好傾, 三句唔埋就無野講), 執屋整下野. 你話唔做家務尤得佢 ? 我不是這樣的人. 我覺得鬥 Hea 不是辦法.

要忍嗎 ? 有時精神壓力很大, 我都知, 娶了一個人就要忍, 但係是否無止境 ? 好似有留言話 : "你好似我老豆，我媽咪又係日日鬧阿爸，由我3歲鬧到而家3x歲", 你阿爸係超人. 我唔係. 係公司做野已經夠爆炸, 回家又要受氣 ? 你爸太強, 除了睡覺可以不停受氣也忍到.

收入嘛 ? 她多一點, 但是我有投資, 錢根本不是問題, 大家財政獨立.

內向嗎 ? 是, 如果不是大事大非, 我係唔會鬧交, 鬧完結果是甚麼呢 ? 情況有沒有改善 ? 關係會否好了 ? 小朋友聽到會怎樣 ? 有時聽到鄰居一家大吵大鬧, 好煩氣.

我有時諗, 會唔會有乜野佢睇唔順眼呢 ? 問過又無回應. 佢好鍚小朋友, 但係小朋友一做錯, 佢都會大鬧. 我曾經懷疑她是否完美主義者, 但觀察了十多年, 肯定不是. Depression, Anxiety 等也是沒有.

我不會突然宣佈離開, 畢竟現在只是思想如何走下去, 找些 Option 衡量. 一切都是以小朋友行先. 因為想到她更年期, 一定更加厲害, 到時攬炒, 不如現在解決掉.

我覺得單親爸也可以給小朋友幸福, 如果另一半太離譜, 這個家其實不似一個家, 夾硬來只有傷害.

P.S. 昨晚也是一樣, 十問得一應. 最多的回應是 "唔".
私人傳訊

marktanghk123


洋房

積分: 36


8#
發表於 15-12-24 08:53 |顯示全部帖子
我絕對不會搬出去住, 因為每晚都要同小朋友傾計, 等佢訓. 每一日都要抽時間陪佢. 佢都幾跟我, 現在搬出去 ? 身體精神頂唔順, 要兩邊走, 又要返工, 雖然我阿爸有樓, 但係我唔想返去. 無謂煩到老人家.
私人傳訊

marktanghk123


洋房

積分: 36


9#
發表於 15-12-24 10:42 |顯示全部帖子
我不知道什麼是叫 "好情人". 如果好似結婚之前咁樣, 大家有家庭既都知道, 有了小朋友, 時間根本不夠用.

我從不嚮往也不願再結識另一個女人. 這次已經夠了. 幹嘛要再冒險 ? 反正獨自生活是沒有問題. 我結婚前照顧家中一位老人家, 頭頭是道.

準時放工回家, 在家沒有 Whatsapp 別人, 也沒有傾電話, 全幅心機放在家中. 假期總是與家人在一起, 有時在家上網用電腦時, 她一定看得到我的螢幕是什麼. 如果這樣都懷疑我外邊有人的話, 這就是太恐怖. 老實說, 我結婚後從來沒有一個人出過夜街, 放工準時回家, 最多是去超市買野, 或是去書局買本書俾小朋友. 我也從來沒有假期獨自一人出街. 即使我有假她沒有的話, 我是照顧小朋友的. 我認為這是樂趣. 她可以隨時看我的電話和電腦, 我是沒有密碼.

我沒有收回一直所做的事, 問題是, 一直做一直鬧, 你做了五年, 你會怎樣 ? 仍然很享受嗎 ? 結婚前當然沒有這麼厲害. 不知怎樣, 四五年前開始事無大小都鬧.

以前我認為, 愛就要忍, 要遷就, 要包容, 但係原來係有一個限度, 一個底線. 就到佢咁 ? 等佢變成女皇 ? 可能是吧 ? 但係一個人如果傾完都唔醒覺, 可以點 ? 更何況, 丈夫 "有時" 當太太是女皇有什麼問題 ? 不過, 可能是過份了. 我是有責任的.

如果這樣都沒有安全感, 我真的不知道她需要什麼. 她沒有埋怨什麼事情. 只是鬧鬧鬧. 我們有自己買的樓, 現升值一倍了, 小朋友讀了理想的小學, 成續中上,有餘錢去下旅行, 食下好野. 我自問完全沒有壞記錄, 婚前婚後如是.

做好父親, 好丈夫, 好情人, 開個條件大家傾. 但係, 如果一直鬧到爆, 做錯小小野又鬧, 唔順心又鬧, 我俾你, 你要對著她一生, 你會怎樣 ?

說過了, 她不願見輔導. 就算見, 她什麼也不講, 一味話無問題, 你可以點 ?
私人傳訊

marktanghk123


洋房

積分: 36


10#
發表於 15-12-24 11:02 |顯示全部帖子
我們有工人, 不過有些事不用工人做.

我同佢傾計係等小朋友訓了之後, 大家坐在梳化上傾. 我問, 佢 "唔", 睇手機 forum.

男人怪老婆湊仔而去滾是賤人, 唔死都無用. 咁既男人生存在世上是影衰我們男人. 同理, 女人因為男人照顧家庭而出去滾也是賤人.

"一個擁抱丶一句甜言蜜語丶去重度一次蜜月", 你估你講既野我唔知咩 ? 做齊. 買禮物, 說我愛你, 你近來工作辛苦了, 近來怎樣等等, 說過很多次. 說完, 又是 "哦", "唔", "好".

氹, 是雙方的. 而且, 日日都咁做, 而對方無乜反應, 你會點呢 ? 好興奮咁繼續做落去 ? 我試過了, 好精神分裂.
私人傳訊

marktanghk123


洋房

積分: 36


11#
發表於 15-12-24 11:27 |顯示全部帖子
應該唔會有激進行為.

我都諗緊有乜解決方法, 或者係舒緩既方法. 離開係最後一步, 亦係唔想行呢一步. 不過人有極限, 會爆炸. 過多十年如果同現在一樣, 一定爆梗.

其實諗過等小朋友成年後就離開, 供他讀到大學畢業之後讓他自己決定去點生活. 到時他已經獨立, 甚至想自己住, 也是好的. 即是說, 還有十二, 三年要忍.....想起都恐怖.

"人生係滿有遺憾的", 十分認同. 但減少未來可能的遺憾是我想做的事. 往事不可追, 但未來卻路漫漫.






私人傳訊

marktanghk123


洋房

積分: 36


12#
發表於 15-12-24 15:26 |顯示全部帖子
也可以去找社工或輔導，單方面傾睇下點。其實佢地講乜我大概都知。

對，可能佢唔覺得自己有問題，或是問題是由我製造出來吧。

我想起我家族中一位老人家，八十幾歲死，佢忍左另一半六十幾年，日日唔開心，最後對頭先死，佢跟著幾年後死埋。佢生前成日講，都係為班後生。的確，佢既存在令果個家庭相對隱定。但係有時佢來我家，一講就喊，心酸，唔知人生為乜。佢老對頭死後，見佢成個人輕鬆晒。不過果陣都成七十幾八十。

唉，我可能步佢後塵都唔出奇。不過我忍功一定無佢咁勁。畢竟佢後生捱得好勁，乜苦都試過，可能咁樣鍛鍊非人能耐......
私人傳訊

marktanghk123


洋房

積分: 36


13#
發表於 16-1-5 12:13 |顯示全部帖子
先感謝各位留言。

那些甚麼治療或輔導術我試過很多，問題是對方也要接受輔導才有出路。一方面關門，你是沒有法子的。（我接受過正式輔導訓練，所以略知一二）大道理容易講，但做出來是否如此容易？大家心照。攪氣氛我唔識咩？唉。心死。

傾了，也是沒有出路和任何改變。唔，哦，啊是最多的回應。

所以決定了。等小朋友大學畢業，轉了層樓的業權給他，我就主動離開，獨自去外國。外邊有家人又有樓。到時呀仔想跟我也好，不跟我也好。反正已經盡了為父的責任。離開香港，以後不見。

Post End，再次感謝大家關心，留言，慰問。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見