吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 經濟循環理論+香港經濟前景探討

家庭理財今日: 24|主題: 46247

收藏本版

發帖

返回列表

跳至頁

查看: 5079 | 回覆: 40

經濟循環理論+香港經濟前景探討 [複製鏈接]

12 3

destiny+

別墅

積分: 987

1^#

發表於 08-9-8 08:04 |只看該作者 |倒序瀏覽 |打印

以下乃原創內容

筆者相信經濟循環....
有興有衰, 有牛有熊...
太遠的唔講, 講近20年

1984年講起, 香港經濟大周期是18年, 套番前景皆合理
經濟, 每逢5年左右一個上升, 之後4年一個下調, 5年又上升, 4年又下調
1984-1989 為上升循環
1989-1993為下調
1993-1998為上升
1998-2002為下調
2002-2007為上升
2007-2011為下調
2011-2016為上升
2016-2020為下調
2020-2025為上升
2025-2029為下調
經濟就是這樣運行...股市亦是如此
一般來講, 股市同經濟是很有關係的, 股市領先經濟
股市不好先, 之後到經濟不好
只要將香港gdp 同恆指拍住, 關係很清楚
但也有例外的情況
就是大陸為例, 股市同經濟不太有絕對關係
因為大陸是新興關係, 如果將來大陸成為成熟股市
我相信股市與經濟會很有關係
大陸暫且不提, 主要提香港為例

0 0 0

命理服務 : 八字/易經卜卦/嬰兒擇日
本人乃香港術數協會會員
--------------------------------------------------
筆者10月舉辦技術分析課程講座, 報名請ADD我MSN
--------------------------------------------------
msn: [email protected]
BLOG: http://hk.myblog.yahoo.com/goodtoseeme2004

私人傳訊

destiny+

別墅

積分: 987

2^#

發表於 08-9-8 08:11 |只看該作者

一陣會再講多些此理論
如果此理論成立....
即係話...2007年要到2011年才能香港經濟才能復原....
我很怕我擔心的事發生

現在形勢很不利, 試想想, 有什麼利好的因素支持香港
1. 大陸那邊, 實行勞動法, 稅務改革, 稅交多了
環境條例, 人民幣升值, 對出口商來講是打擊非常, 筆者前幾年同做生意的朋友傾過計, 6,7月來講 ,生活非常差...., 8月時, 一招聘, 即有大量求職EMAIL, 可與SARS相比
大陸做生意 , 很多是港商, 出口商, 坊織, 電子.... 用人民幣升值, 影響何其多, 愈來愈多公司執粒, 他們是高消費那群, 收入減入, 長遠來香港來講是很不好

沙氏對佢地來講, 影響反宜較少, 因為那時內地出口業務仍有增長

私人傳訊

destiny+

別墅

積分: 987

3^#

發表於 08-9-8 08:19 |只看該作者

美國, 歐洲, 日本三者也開始見經濟放媛
美國為例,你講佢地GDP 季度有3.3%增長
殊不知這是政府的把戲

1. 以弱美元刺激出口, 令出口增加, GDP增長
=C+I+G+X-M, 退稅增加C開支, I= 投資, G= 政府開支亦加大, X= 以弱美元來計, 利出口, M
=入口, 強外幣, 令入口成本增加, 減少入口
好啦...gdp增加左, 好似好左, 只是選擇前的把戲而宜.....
紙是包不住火的...經濟其中一個領先指標是就業情況, 就業不好, 經濟會好嗎?
美國失業率已達6.1%...幾個月前仲講緊5.5%
上年仲講緊4.6%
最慘, 是看不到前景, 美國經濟會好, 態什麼會好?
美元長遠要弱, 因為以弱美元來刺激出口, 直到解決貿易赤字問題為止, 但不想大跌, 有秩序下跌比較好...

美國經濟佔全體GDP 25%, 是經濟火車頭
美國經濟不好, 一般來講, 其他國家好不了多少
歐洲已見首季GDP收縮...幾年來首次
愛爾蘭已2季連續收縮...

私人傳訊

destiny+

別墅

積分: 987

4^#

發表於 08-9-8 08:24 |只看該作者

日本也不行了, 幾個月連續出口放媛, GDP也收縮...失業率上升, 個人收入減少...首相也承認經濟停濟, 一般來講, 首相盡可能避免說經濟放媛., 首相也承認此問題, 可知問題非常嚴重...

日本, 歐洲, 美國佔全球70% gdp, 是經濟火車頭, 三國經濟不好, 香港經濟會好嗎?
香港經濟憑什麼去好呢?
大陸? 大陸也自身難保...經濟增加已見不到10%, 少過10%, 對大陸來講, 已經很多社會問題...一間工廠執, 講緊幾百人失業, 不是1% 咁輕鬆, 而引伸極多社會問題, 大陸少過8%已經可以說衰退....故不要以為增長很快, 完全冇問題

[ 本文章最後由 destiny+ 於 08-9-8 08:25 編輯 ]

私人傳訊

destiny+

別墅

積分: 987

5^#

發表於 08-9-8 08:29 |只看該作者

故今次大家要面對的情況, 可能比沙氏問題更大

因為沙氏個時有大陸出口支持
現在沒有..香港的基本因素有轉壞情況出現
原因
1. 香港對出口依賴, 上面講了很多原因, 不長氣講
2. 今次美國是金融危機, 香港是金融中心...怎可能冇問題, 各大大行已開始炒人.....數位年入過百萬的朋友已被炒
3. 股市爆破, 市民財富效應消失, 市民身家縮水
4.樓市也向下調, 成交減少....財富又縮水
雖然同03年來講, 股樓已升值不少, 但事實證明, 股災時, 多數是散戶受傷最深, 很少人底位入市
5. 政府只發展金融中心, 對科硏不問不聞...行業太專了...整個經濟風險大了

[ 本文章最後由 destiny+ 於 08-9-8 08:31 編輯 ]

私人傳訊

destiny+

別墅

積分: 987

6^#

發表於 08-9-8 08:49 |只看該作者

故未來幾年, 大家可能要經歷寒冬
股市未必快復原, 較悲觀的假設,是2010年才開始有牛市第一期的跡象.....
2010年也雖2,3年推高股市, 亦即2013, 2014年左右,港股會見頂...
是...下個頂的確有可能是6年後發生
故我叫人月供, 也有此心理準備
6年不短, 但一個6年, 已夠你投資番身3,4倍
熊市好多人好慘..好多蟹貨起手...香港經濟一般來講又不好, 所以才有cash 是皇道, 有幾多人熊市保持大量流動資金, 那位就是贏家...
.但相反一諗..股市不跌, 又怎去執平貨, 熊市是給有計劃既人的禮物, 是儲定彈藥去應付
香港人很多窮人...但窮人先要想法子脫貧...
埋怨當然可以..但埋怨後如何, 只埋怨幫不到轉變困境
月供只是很簡單的方法...俾一些突然囉不到一筆錢的人...一個月供1000, 6年總共供7萬2, 月供多一點自然更好, 但量力而為, 不要少看這7萬2....7萬2變成30萬
下一個浪, 30萬變成100萬...複息效應不要少看...股市要大富, 一般人未必能做到, 但股市要做到中小富...實不難....

[ 本文章最後由 destiny+ 於 08-9-8 09:02 編輯 ]

私人傳訊

destiny+

別墅

積分: 987

7^#

發表於 08-9-8 08:57 |只看該作者

一般人以為要摸底, 同埋摸頂不易....冇可能做到

但事實上, 有追開我文章的人也會知
可以用不同的方法去預測
用恆指p/e 我認為是比較準的方法, p/e 到20
這用法子測大市非常準....
因為股市有一定規律, 不是完全跟過去, 但有某些部份相似
p/e 20就真係要非常小心..大市已進入不理性...
林森池也測錯市, 以為只是調整, 信他者, 相信損失慘重...林森池是少數有良心的分析員
連陸東都講下年見2萬7, 他講的野, 一年後自然知岩唔岩
市場也是告訴我的理論是否合理
2010年後才有牛市
信陸東者, 可以入市試試,博明年2萬7, 我不會阻止..
我的目標價是1萬6或以下
但人也會有錯, 我也會測錯市...... 我們不宜過份迷信一個人, 不要所有東西都信一個人, 信錯人一獲, 已可令你永不超生..故要自己培養分析力
如果迷信大行報告者, 通常都永不超生...永遠都是市場的輸家....

[ 本文章最後由 destiny+ 於 08-9-8 09:00 編輯 ]

私人傳訊

destiny+

別墅

積分: 987

8^#

發表於 08-9-8 09:14 |只看該作者

香港將來的發展.令人擔心
1. 面對大陸人才的競爭
2.香港學生競爭能力退步
3. 政府教育改革無方向
4. 政府沒有發展其他行業...如科硏, 中藥, 教育..一個國際城市應該多元化, 太集中在金融, 金融一出事...我不知香港食什麼

老董政府, 好心做壞事....結果攪到香港....
曾任權政府則官僚做法, 少做少錯, 不做不錯
見高就拜, 見低就踩....人見人憎
完全冇為香港將來如何定下可行的計劃...
如果依照循環理論, 大家的兒女在2025-2029出來工作的話
是比較吃虧, 則撞正香港低潮....
但沒有法, 大學時間, 不要只顧讀書...變成高分低能..我面試太多大學生..很多高分低能....
來見金融工

如果可以, 大學時期, 俾仔女學下投資...輸錢也沒有所謂, 因為投資輸錢是學習過程一個重要的經驗...只要在控制之內

一位科技股災時, 舊大學同學, 因為當年大學讀金融系時, 佢自己做part time(佢屋企算家貧)儲錢去投資, 慢慢學會投資的方法...畢業後, 見去工, 去某大行見工, 面試9次(冇錯是9次, 入投資銀行打工不易), 面試間, 佢囉晒自己的投資statement出來, 俾面試官睇一睇, 以證明自己的戰績, 且被考官問佢, 要佢選3隻股票來買, 選那3隻, 要佢分析埋, 叫佢分析恆指等
經過9次面試了, 終於取錄, 起薪已經是6萬/月

私人傳訊

destiny+

別墅

積分: 987

9^#

發表於 08-9-8 09:26 |只看該作者

我當初畢業就不是這麼順利...撞板很多
且當時我沒有投資經驗..大學後悔沒有學投資, 只學習理論, 沒有實戰經驗, 大部份同學也命運一樣, 不過畢業後, 就好似打麻雀一樣, 洗牌...
做了幾年野, 冇人會介紹你那間大學畢業, 只介意你畢業後做過什麼

書, 讀得太多, 有風險的....
有一位好朋友(不是同學), 95年中7畢業, 3條A, 成績非常好
個時選工程讀....港大工程系....
收得很高, ALEVEL冇2A, 不要指意穩鎮地入
撞正金融風暴, 仲起求學期間, 不知外面如何
98年大學畢業, 金融風暴,
之後逃避找工, 走去讀碩士, 因為成績好
00年碩士畢業, 撞正科技股泡沫, 失業
且因為工程前景已很難比97前, 政府又不請人
結果又再一次逃避, 去讀PHD...咁又3年...
03年...又撞正沙氏...又失業
讀PHD, 也不要在香港讀PHD, 香港大學很少請返香港讀博士的人...
最後他做左某大學助教..人工不高
當然他的結果, 自己也有責任.
這個真人真事, 警惕世人, 不要亂咁追求高學歷....

私人傳訊

destiny+

別墅

積分: 987

10^#

發表於 08-9-8 09:44 |只看該作者

現在很多人也溝貨...實在愈溝愈死
炒股的, 我見過熊市溝貨的人, 通常9成都係愈輸愈深, 輸到自己成手蟹貨, 熊市完時
牛市開始時....想買貨, OH, 原來發覺自己手上冇現金, 只有蟹貨...
很多問的股票, 全部在下降軌...
實在全部也不宜沾手, 博反彈, 無疑火中取栗
又忍不住自己輸緊錢, 不服氣...
皆種心態, 已經代表投資者進入非理性
不顧風險情況下做決定, 通常都會做錯, 愈踩愈深...
這個時間就是考驗大家EQ的時間...
好似1200一樣, 已經去番06年中的價位了
開始愈來愈多公司去番06年的價位了...
但我心目中, 仲對地產股很多懷疑, 擔心
因為地產的最壞情況似未出現...
樓跌時, 成交可以跌到非常恐怖
經濟差, 商鋪執粒...收入從何而來?
1200沙氏時見過1蚊
但...1200, 03年3月曾見過0.44蚊
而家去番06年, 價位算係差不多了去到合理價格貴一些
但還未考慮一個重要因素, 就是股市會跌過龍...此股應該要跌過龍
3.4蚊應該未見底, 故有USER因為1200輸緊錢, 心急想溝貨..
通常都冇好結果, 俾你彈番上黎, 可以彈到幾多錢?
4蚊, 5蚊, 6蚊? 上升動力從那裡來?
成交一天比一天少...形勢一天比一天失利
趁而家仲有資金..還是忍手好
43隻恆生成份股, 熊市中, 是一浪低於一浪
即係如無批錯, 每隻恆生成份股, 都會跌穿3月17日的底位
大部份公司跌穿後, 再有1-2成跌幅起碼.....
如果沒有量度跌幅錯, 連騰訊都會見20蚊....
屍橫遍野..很多人覺得冇可能去到咁
可能是因為冇見過科技股災同97年金融風暴輸過錢..
輸過錢, 應該知我講的事...

私人傳訊

daisy17772

侯爵府

積分: 22349

畀面勳章

11^#

發表於 08-9-8 13:59 |只看該作者

Really appreciate for your analysis and view.

thanks
daisy17772

私人傳訊

hunghung215

男爵府

積分: 7955

12^#

發表於 08-9-8 14:23 |只看該作者

你提到1200, 咁你話好唔好止蝕離場好啊 ???

已輸 >58%

私人傳訊

rainbow.KC

大宅

積分: 4005

好媽媽勳章畀面勳章

13^#

發表於 08-9-9 16:53 |只看該作者

好多謝你既心機,我會努力地去消化~

要別人愛你只有一個祕訣,就是做一個值得愛的人。

私人傳訊

isme

複式洋房

積分: 352

14^#

發表於 08-9-9 17:11 |只看該作者

我都好聽話,股票:收左手勒(d蟹貨就唔好提啦),掛鈎:唔敢做勒,樓:賣埋勒.
咁而家揸住D現金,係港元現金!!!!點做好????睇住美元將會一日弱過一日,通貨又膨脹,D$係咁貶值.....我又冇人地咁醒一早做晒澳/紐定期收高息....而家仲可以點做???唔想睇住佢貶值?????

私人傳訊

kingawa

伯爵府

積分: 18124

15^#

發表於 08-9-9 17:34 |只看該作者

如果我先識你就唔會去做掛鉤

識你後聽話放曬di股票都有少少執.
現在都忍住唔買任何東西......

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

goofyszesze

子爵府

積分: 13590

16^#

發表於 08-9-9 20:14 |只看該作者

destiny+

雖然你既文章好詳細，但有D真係唔係好明架，不過唔緊要，我睇到既係重點，就係唔好入貨住

，真係好彩睇到你既文章，但都入左兩次293

mouth: ，但好好彩兩次都比我走到貨，而家真係唔敢入啦，怕怕。

如果係時候入貨...可唔可以通知我地呢

原文章由 kingawa 於 08-9-9 17:34 發表
如果我先識你就唔會去做掛鉤
識你後聽話放曬di股票都有少少執.
現在都忍住唔買任何東西......

私人傳訊

destiny+

別墅

積分: 987

17^#

發表於 08-9-10 04:21 |只看該作者

原文章由 goofyszesze 於 08-9-9 20:14 發表
destiny+

雖然你既文章好詳細，但有D真係唔係好明架，不過唔緊要，我睇到既係重點，就係唔好入貨住，真係好彩睇到你既文章，但都入左兩次293 mouth: ，但好好彩兩次都比我走到貨，而家真係唔敢入啦，怕怕。

如果係時候入 ...

293, 油價高時說負面影響盈利
油價回落, 又說增長放媛, 負面影響盈利
即係市場太多藉口..根本就不想293升
且293是睇住恆指做野..恆指不升, 293勿望有似樣的升幅(可細察條LINK)
既然293又跑輸大市(2800), 又未能分散風險(單一公司實在風險不少), 管理層都話而家情況比SARS困難...真係買唔過

圖
http://hk.finance.yahoo.com/q/bc?s=0293.HK&t=my&l=on&z=l&q=l&c=%5EHSI
長遠來講跑輸俾恆指...油價高同油價低也跑輸恆指
航空股要急升一般不易, 佔成份股成份少, 難成為炒作題目
故一般都會跑輸俾恆指, 由293上市到現在皆是.....
故如果下次買293, 倒不如買2800

私人傳訊

destiny+

別墅

積分: 987

18^#

發表於 08-9-10 08:50 |只看該作者

原文章由 kingawa 於 08-9-9 17:34 發表
如果我先識你就唔會去做掛鉤
識你後聽話放曬di股票都有少少執.
現在都忍住唔買任何東西......

個市既錢賺唔晒, 今次雖然錯過10年難得一見大牛市
(國企指數升十倍多大牛市, 恆指升300%, 近15年前所未見)
近期有間對沖基金執粒, 那位基金經理輸了50%資產
公司選擇摺左基金...................
原因是短時間內無可能贏番...
巴菲特投資定律第一條..是保本
保本極重要, 100蚊, 你輸50%, 只餘下50蚊
要返本, 贏番50蚊, 回報率卻是100%
輸錢很易, 賺錢相對較難...
一般基金, 要7年才能將基金double
所以對沖基金寧願摺埋好過
巴菲特間公司就已跌超過25%
在這個市, 保到本...你已經叻過巴菲特....
掛鉤是衍生工具, 自己砌都砌到個掛鉤組合出來
不用俾銀行賺commission, 效果完全一樣..
但砌完後, 發覺是搵自己苯, 個組合對投資者不利
銀行放得出來賣, 很大可能是知道會出事
或者佢地自己準備沽貨

在熊市保到本,牛市再番來, 十年共有2個浪
2個浪, 1個小浪, 1個大浪
1浪=1牛+1熊
故機會還是有很多, 看你有幾多本金去捕捉

[ 本文章最後由 destiny+ 於 08-9-10 09:05 編輯 ]

私人傳訊

isme

複式洋房

積分: 352

19^#

發表於 08-9-10 09:06 |只看該作者

fine, 咁而家有咩好做? 邊隻股仲值得入?人仔仲買唔買得過?

私人傳訊

建男媽咪

大宅

積分: 3472

20^#

發表於 08-9-10 09:20 |只看該作者

原文章由 destiny+ 於 08-9-8 08:04 發表
以下乃原創內容

筆者相信經濟循環....
有興有衰, 有牛有熊...
太遠的唔講, 講近20年

1984年講起, 香港經濟大周期是18年, 套番前景皆合理
經濟, 每逢5年左右一個上升, 之後4年一個下調, 5年又上升, 4年又下調
1984- ...

咁即係儲多幾年錢, 喺2010年先買股都未遲

私人傳訊