tungtsz:
亨媽參觀完 '多多' 覺得幾鍾意 , ' 多多' 嘅下午 n 班有一款係只返星期一、三、五嘅 , 學費大約 $4xxx , 而且間學校仲會有校車接送添 , 不過亨媽都會親自車亨仔返/放學 .
'多多' 有一個都幾大嘅室外遊樂場 , 但當日介紹果位老師話唔會經常比小朋友玩 , 要睇天氣 & 編排 , 其實亨媽覺得 '多多' 已經有好幾個室內 gym-room , 有無室外嘅並唔重要 , 可能室外嘅反而會有蚊呀 !
亨媽問果位老師 , 一般喺 '多多' 讀完 n 班嘅小朋友會唔會繼續讀 k 班 , 老師話一般都會 , 亨媽又問讀完國際 k 班會唔會難入 local 小學 , 老師話一般會繼續讀 '國際' 學校 , 但要入 local 學校都唔難 , 又比咗個 bar chart 亨媽睇 , 亨媽見入倒名校小學嘅小朋友都唔少 .
亨媽又問 2 歲小朋友可能未介片 , 老師話 n 班嘅小朋友通常都未介片 , 所以主要教小朋友自理能力 , 到時老師會訓練小朋友去洗手間、自己著鞋、自己食茶點、收拾玩具、排隊、去郵局寄信、去買嘢......等等 , 比小朋友學習群體生活 , 將來更易適應 k 班 .
亨媽又問 , 如果小朋友上緊堂突然扭計喊 or 扭眼瞓咁點算 , 老師話會盡量安撫小朋友 , 如果無效先會通知家長 , 再資訊家長意見要唔要接小朋友走 , 老師又話 2 歲嘅小朋友一般唔會有咁嘅情況 .
亨媽又問 , 上課會用英 & 普語言 , 驚小朋友唔明 , 因小朋友喺 home 係用廣東話溝通嘅 , 老師話 6 歲以下嘅小朋友係語言天才 , 小朋友好快會識聽 , 當然 , 如果家長可以喺 home 都同小孩練習返學過嘅英 & 普會更好 .
亨媽又問 , 初頭幾日可唔可以陪小朋友返學 , 老師話唔可以 , 因小朋友好聰明 , 知道有家長陪會特別扭計 , 通常小朋友好快適應 , 2/3日後就會好鍾意返學添 , 好多小朋友仲唔願放學架 .
另外 , '多多' 有 cctv 影住校內所有課室 , 家長可隨時 login 喺 home 睇倒小朋友上課情況 .
其實亨媽仲問咗好多問題 , 就算亨仔唔讀 '多多' , 亨媽都對 n 班了解多咗 .
'多多' 要明年1月先開始收生 , 仲要係先到先得型式 , 亨媽e+亦只可以當'多多' 係後備 .
亨媽諗如果亨仔真係入倒'多多' 都可能只讀一年學前 , 亨媽可能會比亨仔讀主流幼稚園嘅 k 班 , 驚到時亨仔會難適應 local 小學嘅工課量 .
亨媽10月尾會去聽耀中個 talk , 到時會再考慮 .
http://hk.myblog.yahoo.com/chanaggie/
有空請來逛逛喔 !
發表於 
有無好介紹呀?? 想幫女女報playgroup呀
返回列表
