我BB係佢大約6個月大開始有濕疹, 明白做媽媽的心痛及無奈, 我希望可以分享一D經歷, 方法和有用的產品可以幫到各位濕疹BB媽. 我之前係診所見到一個嚴重濕疹BB, 我整理左一D資料俾佢媽媽參考, 而家放上來, 大家可以睇下，我盡量寫得詳細一點，希望令大家了解更多.
我BB的濕疹經過:
我BB由一開始４個月時個眼皮上有些許脫皮，我們沒有特別理會，但之後到塊面開始紅，我們都不太想看醫生塗藥，亦看過各方的濕疹資料，對類固醇有些害怕，我們開始了我們的自然療法之路，我有看嚴浩，顧小培，還有很多其他的資料，不同的自然療法，甚麼油，用甚麼沖涼，睇中醫，食中藥等等，我們都試過，經過呢一輪兩個月的試驗，我BB的皮膚由塊面少少紅進化成身紅晒＆出水，好似燒豬皮咁。之前睇中醫, 本來食ILLUMA奶粉的, 但中醫話羊奶粉比較好, 所以轉食了卡諾塔尼, 沒有甚麼好轉, 但因為BB沒有特別反應, 便沒有再轉, 食到而家. 之後，我同我先生放棄了，決定睇皮膚科尊科，而我選的皮膚有兩個，一個係楊志強（ＢＢ濕疹好出名），另一個係黎湛輝（係一個醫生世家介紹），兩個都要等至少一個月，冇辦法，我唯有係呢一個月先睇普通兒科，再自己了解多Ｄ濕疹希望佢可以係睇尊科醫生前吾惡化落去。幸運地，我在圖書館找到一本叫＂媽媽, 我很癢! : 濕疹病護理手冊
＂其中一個作者是楊志強醫生。我建議大家都看一看。我仔細研究過醫生書中的建議及濕疹的原理，我學會了兩個重點，第一：家長用藥膏的方法大多錯誤，一定要按醫生指示用藥，類固醇藥膏大多一天只可用一次，見效快，但多數家長一見退紅便停，醫生解釋用藥需要在退紅後多用２－３天使底層皮膚都完全康復才停止。第二：最緊要保濕，家長一定要勤力在全日經常幫ＢＢ塗潤膚膏 第三：要防止抓癢，這是防止濕疹惡化的第一道防線。我在等皮膚科尊科的一個月期間，我跟隨呢３個要點護理我的ＢＢ，在一個月後，我ＢＢ的濕疹已經好了９成，我亦選擇放棄了看楊志強醫生，繼續我的護理。
我的詳細護理是這樣的：
１.用藥膏：
我家住大埔，普通兒科醫生，我看了兩個，一個係李山河，另一個係胡少雲，兩個都係比較有名的兒科醫生，我也認為不錯。
李山河－從他的建議及產品推介，應該有吾少ＢＢ搵佢睇濕疹
而可能我對類固醇的成份及用量問得比較詳細，佢開左兩盒藥膏俾我，
一盒擦面部，類固醇的成份較少，一盒擦身體，類固醇的成份較多。
但我問佢點樣的患處先要擦藥膏佢就吾可以好清晰咁答到我
(我相信呢方面，楊志強醫生可以俾到尊業的意見）
由於類固醇藥膏的使用次數為每日一次，所以我會係ＢＢ沖完涼之後，印乾就立即全身有患處的地方擦藥膏，因為沖完涼之後的皮膚係最吸收的！有紅的地方先擦，冇紅的地方擦潤膚膏。先擦藥膏,一個小時後，再擦一次潤膚膏。如是者，用藥需要在退紅後多用２－３天使底層皮膚都完全康復才停止。
第二：保濕
李山河亦介紹左好多款沖涼同潤膚膏俾我，其實係萬寧，Watson’s 可以買到的濕疹product 我都試過。以下係我用過比較適合我BB的：
Floxia -李山河介紹的潤膚膏，質地不油, 很吸收, 我係ＢＢ８個月前用的，全身可用，我係醫生度買，出面好似冇得買。
我地係ＢＢ睡覺的時候，吾會打攪佢，但由朝早起身開始，每隔一至兩個小時便同佢全身擦潤膚膏，一日可以擦７－８次！總知一乾就擦！
第三：要防止抓癢
係我BB 6個月的時候，佢已經不停抓癢，而普通的手套係防止吾到佢地，因為太易除到，好多時夜晚佢地會抓損晒塊面。所以我找到以下呢款濕疹用的防抓手套，我6個月時買12個月的 SIZE, 到而家１4個月仲用緊。我ＢＢ係大碼Ｂ，但我覺得手袖長Ｄ冇所謂，我吾洗成日買。我買了兩個幾常洗和替換。呢個手袖有3個好處， 一係ＢＢ冇可能自己除到，二係可以反轉俾佢可以伸手自由活動，ＢＢ雙手需要自由探索，我只會在她睡覺時收埋佢對手，其他時間自己睇，三係反轉收埋佢對手的面層係絲質，佢仍然都會用手套磨擦塊面，絲質可減輕磨損。到ＢＢ大少少，佢識轉身，佢的床上用品，最緊要枕頭袋都係要用絲質， 用手抓吾到，佢會反轉磨塊面的……
濕疹用的防抓手套：美國ScratchMeNot 防搔癢手袖
到之後, 我們去看了黎湛輝皮膚科尊科醫生, 他說我BB確實係濕疹, 但係好輕微, 因為她那時的皮膚已經好左好多, 係面和手仲有少少紅, 斷吾到尾, 我先去睇皮膚科醫生的意見.佢在日常護理見解都跟之前所提及的差不多, 但有兩個要點.
第一, 心情影響病情, 要盡量讓BB保持開心的心情. 我家BB是由我的媽媽在我上班時照顧的, 我的媽媽是3個小孩的盡心媽媽. 她的理念是盡量不要讓BB哭, 讓她不習慣用哭來表達. 可能有些家長會認為這樣是縱容, 而這樣照顧BB是多花很多的心力. 但我們亦留意到她哭完後, 濕疹的情況確實是嚴重左, 所以我們亦貫徹了大家的做法, 盡量用轉移視線的方法不讓BB哭. 現在BB 已經14月, 個性比較穩定, 如果不是不適或特別原因, 她一整天也可以不哭的, 但確實需要家人的高度關注.
第二, 要確保有優質睡眠, 因為身痕會影響睡眠質素, 所以睡前要食抗敏藥. 而醫生亦確保沒有類固醇成份. 由於醫生開了很大支的藥水俾我, 我放在雪櫃, 當發現BB身痕的情況比較嚴重時, 才給她睡前食, 盡量也是不吃的.
第三, 醫生開了兩種藥膏, 一種含類固醇成份, 一種沒有, 他請我們幫BB連續擦5天有類固醇成份藥膏, 然後轉用沒有類固醇的. 我們跟了指示, 雖然沒有斷尾, 但亦有改善. 間中會泛紅時, 我們那天晚上便立即塗有類固醇成份藥膏, 連擦3天, 再塗幾天沒有類固醇的. 之後都會穩定下來.
跟據醫生的說法, 現在太多家長流行自然療法,但坊間大多數的自然療法效果不大, 這樣反而延遲了在濕疹病情輕的時候及時治療, 受苦的是BB, 之後用藥的份量反而要更多才可以痊癒. 得不償失, 我覺得很有道理, 大家家長可以參考下, 我BB是這個例子之一. 如果給我再次選擇, 我會先看皮膚科, 在痊癒後再自然方法護理.
我BB的皮膚普遍比較乾, 所以我們日常沒有紅都會幫她擦潤膚膏, 一天擦幾次, 特別是外露部份, 例如面,手和腳.
我用的潤膚膏係”平凡媽媽”的 “特級金盞花膏”
對我BB來說, 這膏不算其他用家所說有治療作用, 但在滋潤及穩定皮膚方面可以幫到我. 治療作用始終要靠類固醇, 類固醇治療後, 用潤膚膏保持皮膚的狀態.
其他生活注意事項：
1. 洗澡
時間要短，要快手，水不要太熱, 毛巾盡量要柔軟，印乾吾好擦。
之後我找到”平凡媽媽”, 我用她們的金盞花皂幫她沖涼.
而家再大D, BB身上的皮膚已經逐漸穩定, 我洗頭便用泡泡液, 比較方便及感覺上比較清潔
2. 飲食
詳細記底BB所食過的食物, 是否有過敏反應, 不要害怕給新食物BB嘗試, 醫生說食物引致的濕疹比例不多
3. 衣著
冬天 – 當然要保暖, 但盡量不要令BB出汗, 內層毛毛的要盡量避免
夏天 – 我BB十分怕熱, 很容易出汗, 開冷氣或風扇, 盡量不要令BB出汗
貼身衣物用手洗, 其他洗衣機洗.
我BB而家已經14個月, 由全身紅晒出水, 到我用以上方法到而家, 已經吾洗再用類固醇, 係沖完涼及有時中午塗潤膚膏就OK, 但亦都有資料提及BB在一歲後的免疫系統比較發展完善, 所以濕疹情況亦會有所好轉. 但我希望把我的經驗分享給大家, 亦希望可以幫到少少忙.
重點一提！我家有兩隻長毛松鼠狗，由於年齡小正值換毛期，所以我家經常狗毛飛掦， 而可以想像我們雙方家長的 大力反對及高壓，而我bb更有嚴重濕疹！醫生也說狗毛是可能的致敏原之一，但不建議做敏感測試因結果不十分準確！但無論如何我們都不會因一個孩子而放棄另外兩個同樣愛護的孩子，只會想方法怎樣可以一起並存！我們盡量避免他們接觸，買了rainbow 每天十多小時做空氣清淨，時常吸塵吸床肉！最後我bb都可以好過來！現在每天玩在一起！ 所以請大家不要因為bb而棄養毛孩，我們是他們的全世界！保護他們的心要堅定！我做過資料搜集，狗隻對小孩的身體健康及心智發展都有正面作用！
各位家長, 加油!
好好的分享，我在兒子bb時跟你情況一樣，因為我們看得多用類固醇壞處，不想用，結果折磨了兩個月，累得bb細菌感染才看醫生，最後還是塗藥膏食抗生素好了，之後如果再紅，都只要搽cream就了了！之後我們亦看到報章醫生文章，結論一樣是不要忌諱用類固醇，跟足醫生指示用就好！ 當然有些bb用藥也可能不停起，但不要等到嚴重了才去看醫生，真的發現原來跟足醫生用藥對自己bb還是行不通再找其他方法試！我自己懷孕時都試過成身濕疹，西醫又不能開重藥，每晚訓覺痕到喊，用左好多唔同補濕都無好轉，最後睇中醫飲左個幾星期湯水就好了，有時真係醫生都要夾！希望大家都可以遠離濕疹！
發表於 
返回列表
