吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 辭咗份工好嗎?

在職全職今日: 42|主題: 47931

收藏本版

發帖

返回列表

跳至頁

查看: 3184 | 回覆: 29

[在職媽媽] 辭咗份工好嗎? [複製鏈接]

pigleg薑

別墅

積分: 795

1^#

發表於 08-10-20 16:25 |只看該作者 |倒序瀏覽 |打印

我有份工朝9晚5 / 五天工作 / 做咗成10年, 但係我都好想辭咗份工做全職媽咪呀!
我有1個歲半囡囡一直都係交比我阿媽+工人溴~因為我阿媽屋企有地方,所以好多時/什至假期我都會係我阿媽度瞓.好少帶阿女返自己屋企,所以久而久之我同個女好少時間單獨相處,亦因為咁樣同婆婆嘅相處時間更加長,感情比我更加深~係我個女心目中,婆婆係佢最愛同最重要嘅人.但係我係一個好自私同佔有慾好強嘅人,我要取代婆婆嘅地位,就一定要放棄工作,全職自己溴返.
但係我唔係最擔心經濟嘅問題,而係我"阿媽"一下子溴走個孫,重要我唔返工一定唔會再請工人,個孫同個工人一齊走晒....
到低我做個好媽媽好 & 定好乖女好 ????

0 0 0

私人傳訊

adamanbaby

男爵府

積分: 6230

2^#

發表於 08-10-20 17:02 |只看該作者

我有個friend同你情況差唔多...最後佢放棄工作...因為佢bb唔係太跟佢..佢好唔開心.so佢冇做嘢~~而家同bb好好~~佢話決定冇錯..

PLANNING~~~~~

私人傳訊

owen媽

複式洋房

積分: 198

3^#

發表於 08-10-20 17:04 |只看該作者

回覆 #1 pigleg薑的文章

跟你差不多, 我返朝10晚7 , 五天半工作 , 做咗11年, 我並沒有做全職媽咪, 我個仔仔現在11歲, 但係到目前為止, 佢仍然久不久撒嬌要跟我瞓 !
由滿月開始,我便交比阿媽揍~每逢六日及假期, 才會帶他回自己家, 直到幼稚園中班, 才改為每天放工后到阿媽處接他回自己家, 又直到現在. 給老人家揍, 預計到是這樣的, 不要吃醋啊! 如果可以, 試吓參考我的方法, 盡量抽工餘時間抱她回家, 慢慢一步步來吧

私人傳訊

necohaos

大宅

積分: 1373

4^#

發表於 08-10-20 17:25 |只看該作者

如果經濟能力許可，就更係全職媽媽，每個人都係得一個童年，陪住個囡囡成長，好值得。

私人傳訊

nonowong

大宅

積分: 4097

5^#

發表於 08-10-20 17:25 |只看該作者

原文章由 pigleg薑 於 08-10-20 16:25 發表
我有份工朝9晚5 / 五天工作 / 做咗成10年, 但係我都好想辭咗份工做全職媽咪呀!
我有1個歲半囡囡一直都係交比我阿媽+工人溴~因為我阿媽屋企有地方,所以好多時/什至假期我都會係我阿媽度瞓.好少帶阿女返自己屋企,所以 ...

唔好意思, 我見到你個post覺得你好奇怪, 你又唔湊bb返屋企, 但係你又驚比你媽媽取替左你係bb心目中既地位, 老實講, 其實你應該多謝你媽咪instead of "x醋", bb跟佢你就可以安心返工, 唔駛掛住日日放工要即刻返屋企, 況且個小朋友得歲幾, 對你屋企就一定陌生啦, 一定會唔習慣, 呢d係人之常情, 感你咪試下日日或者多d揍佢返自己屋企law, 況且果個係你媽咪, 你無謂為左自己, 要又老又嫩就你, 況且, 只係你認為自己揍返好d, 呢個都未必架wor, 你諗下, 如果第日你個女又同你一樣, 你又會點 ?

我個女都係未滿月就比左姑奶揍, 到6歲讀小一先至返自己屋企住, 我以前都係淨係假期先揍返自己屋企, 你放心, 小朋友係有性架, 佢地知道邊個係媽媽, 佢今年小四啦, 我而家同佢不知幾friend, 唔駛擔心既 !

私人傳訊

ookiinome

大宅

積分: 1972

6^#

發表於 08-10-20 17:54 |只看該作者

樓主有媽咪幫你湊女好幸福丫.......

私人傳訊

pigleg薑

別墅

積分: 795

7^#

發表於 08-10-21 12:00 |只看該作者

係嘅...有我媽咪幫我湊住個女,我真係十萬個放心~但有時自己抱住個女,個女係度喊住要婆婆~個心其實都幾酸架!同埋我個女好細膽架~小小事就驚驚...如果我同婆婆都企係同一方向,佢回頭一定會撲向婆婆度,果一刻我真係會自問自己係咪做得唔夠好...付出唔夠多...
我都想過每晚湊bb返屋企,但係我唔想bb每日跟我夜夜先返屋企,早早就起身迫巴士~所以為有自己係媽咪度瞓,多d時間陪住個女,就算個女唔跟我,望下都好

私人傳訊

060905

男爵府

積分: 6052

8^#

發表於 08-10-21 13:39 |只看該作者

pigleg薑 ,

如果經濟許何梗係辭職唔No啦, 我都好想

不過無可能

！

上面個d媽咪講得好岩, 你真係要多謝媽咪幫你湊女, 我朝9晚7或8(一至五工) , 我個女由三個月大到而家兩歲都係婆婆湊, 好彩有我媽咪咋

, 唔係我點會返工或者OT得咁放心, 尤其女女有病痛個時, 自己又要返工, 唔可以下下請假陪佢, 好彩有婆婆悉心照顧, 我先可以咁放心, 亦都好彩有媽咪唔怕我煩, 我一日打幾次電話黎問長問短, 女女咩情況, 係自己阿媽先頂得順(工人或99唔嫌我煩就奇)！

我可能晚上自己湊返女女, 女女唔會唔跟我, 有時放工返黎, 女女痴緊婆婆唔肯過黎媽咪到, 都有少少失落, 不過好快無事, 可能我個心態好衰, 個女就算唔痴自己痴自己阿媽都好過痴6299丫

, 同埋女女都咁上下就會痴返我, 反而有時放假, 我去外家坐, 女女唔肯跟婆婆添, 如果好似你咁呷醋, 婆婆咪仲心傷, 咁辛苦湊佢, 都唔痴我??

如果你唔想辭工既, 試下夜晚自己湊返咯, 無小朋友唔痴媽咪架！

[ 本文章最後由 060905 於 08-10-21 13:42 編輯 ]

私人傳訊

rubymo928

大宅

積分: 1612

9^#

發表於 08-10-21 13:51 |只看該作者

原文章由 pigleg薑 於 08-10-21 12:00 發表
係嘅...有我媽咪幫我湊住個女,我真係十萬個放心~但有時自己抱住個女,個女係度喊住要婆婆~個心其實都幾酸架!同埋我個女好細膽架~小小事就驚驚...如果我同婆婆都企係同一方向,佢回頭一定會撲向婆婆度,果一刻我真係會自 ...

你唔使唔開心呀 ~ 你女女跟婆婆好正常啦.

我兩個女都系工人湊, 細女好多時唔系好跟我, 我開頭都有唔開心, 但細心諗, 細女肯跟佢, 証明佢錫女女, 湊得ok 啦. 比你寧願女女跟自己媽咪啦. 你個 case 更加 100 個唔使唔開心, 系自己媽咪湊. 放心啦, 我大女以前都唔系好跟我, 大大下就會跟, 因為我帶佢去街買野 ma. 所以唔需要擔心唔跟你 ga.

私人傳訊

Doraemon_ng

伯爵府

積分: 16277

好媽媽勳章

10^#

發表於 08-10-21 14:05 |只看該作者

樓主, 你唔開心簡直是多餘的. 正如之前個幾位媽咪咁講, 你應該好好多謝你媽咪先對. (sorry, 咁直接)

其實小朋友好簡單, 好直接, 佢會知邊個先會係最錫佢, 最緊張佢既人的. 既然佢咩都要婆婆, 咁即係婆婆好錫佢,好緊張佢. 婆婆令佢有安全感啦~ 係咪?

至於你感到失落, 講真, 就一定會有, 鬼叫你唔帶佢返屋企單獨相處下咩~

其實而家搞到咁, 你不妨照俾婆婆湊, 但放工及放假, 都堅持要自己湊番, 睇下個情況會唔會有所改善.

當然, 如行呢一步的話, 初期, 你會好辛苦. 因小朋友唔習慣一定會扭計的. 但久而久之, 大人及小朋友都會慢慢習慣的. 俾心機, 加油呀~

私人傳訊

pakyumama

伯爵府

積分: 17737

虎到金來勳章

11^#

發表於 08-10-21 14:09 |只看該作者

我情況就同你相反,
我被99湊,我返工,不過個囝一見我就要我抱
佢有得選擇佢唔會跟99的
如果經濟許可,我就會辭工自己湊
雖然婆婆可能會唔慣,不過你可以多D帶佢回去探婆婆咪得囉

私人傳訊

sasa0208

象牙宮

積分: 247547

2024年龍年勳章 2024勳章 2023年兔年勳章虎到金來勳章牛年勳章 15週年勳章親子王國15週年勳章 2018復活節勳章 2018母親節勳章 2018父親節勳章 FUN享自然‧郊遊一夏親子探索遊玩具勳章畀面勳章叻叻勳章有「營」勳章趣教勳章好媽媽勳章醒目開學勳章環保接龍勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回最關心BB問題熱投勳章美好大世界2017勳章開心吸收勳章食得好勳章瞓得好勳章 HiPP勳章(1) HiPP勳章(2)

12^#

發表於 08-10-21 15:12 |只看該作者

我都係囡囡俾婆婆揍，囡囡又係好痴婆婆。但只限婆婆係佢視線範圍出現果時。有時同d好少見既親戚出去食飯，囡囡都係痴實我唔肯過婆婆到。你個囡仲好細，佢痴住日日揍佢果個都好正常丫。等d時間慢慢過啦，我囡囡而家都係22個月大，下年佢返學，我都會日日帶佢返屋企，因為我相信每個小朋友都鐘意媽咪接送返學放學既。加油努力呀，樓主！

私人傳訊

kantanjin

大宅

積分: 1272

13^#

發表於 08-10-21 16:25 |只看該作者

Quote fm 060905~
" 個女就算唔痴自己痴自己阿媽都好過痴6299 "

同意...有婆婆湊. 仲要痴婆婆, 好羨慕

樓主:

妳不如試下星期五, 六, 日湊回家, 星期日晚返湊回比婆婆. 試下自己湊足一至兩日先. 我怕妳一下子無工人幫, 妳一人湊, 囡囡初頭可能會唔慣痴妳, 要婆婆時, 妳更唔開心. 又要做家務, 又要煮飯, 我怕妳一下子妳都唔習慣喎

可如試下幾日先. 日子耐左. 囡囡痴番多d妳時, 妳先再想想全職湊定係繼續做野. 雖則妳可能經濟無咩負擔, 但都10月咯. 待年尾取埋雙糧先, 唔好益公司呢.

開心點

私人傳訊

rainchan

洋房

積分: 296

14^#

發表於 08-10-21 18:18 |只看該作者

小朋友越大越清楚知道邊個係佢阿媽架
放心啦~
反而你係唔完全忽略左你老公呢?
既然你放左比你阿媽湊
你一定放心架, 小朋友細個需要安全感
你阿媽湊佢, 佢自然最信任佢, 你更加放心
証明婆婆好鍚佢囉
你要自豪喎,
仲有呀, 以家經濟唔好
人人想有工做, 要諗清楚喎

Rain收藏編織圖分享
Rain編織圖分享
編織人生論壇

私人傳訊

KimB

男爵府

積分: 7268

15^#

發表於 08-10-21 18:29 |只看該作者

原文章由 nonowong 於 08-10-20 17:25 發表

唔好意思, 我見到你個post覺得你好奇怪, 你又唔湊bb返屋企, 但係你又驚比你媽媽取替左你係bb心目中既地位, 老實講, 其實你應該多謝你媽咪instead of "x醋", bb跟佢你就可以安心返工, 唔駛掛住日日放工要即刻返屋企, ...

我個仔都係俾阿媽揍, 我覺得幾好呀，我好放心！

小朋友平時見邊個多就會跟邊個，咁樣係好正常，但佢始終會知道邊個係媽咪。樓主，你唔需要咁唔開心啦！

私人傳訊