吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 私家醫院生好 d，定係政府醫院﹖

懷孕前後今日: 0|主題: 329698

收藏本版

發帖

返回列表

跳至頁

樓主: TY33819

私家醫院生好 d，定係政府醫院﹖ [複製鏈接]

la5711

大宅

積分: 2026

1^#

發表於 08-10-30 00:52 |顯示全部帖子

如果手頭鬆動既話, 又唔係生得多, 梗係私家好d啦.
我兩胎都係私家生, 不過佗第二胎時試過半夜持續宮縮, 得32周,驚早產, 咪去左威院急症. 急症好快就轉左我去產科. 產科得個醫生仔和實習醫生, 好生手, 整到我下面好痛, 仲流血tim, 我睇過咁多次產檢, 都未試過搗到流血. 搗完一輪, 連子宮有無開左都無check,好彩有個護士提醒佢. 之後留院觀察囉, 即係幾個鐘幫你聽一次胎兒心跳, 其餘時間就係訓. 完全無同我講過咩事. 朝早有主診醫生,但完全未掂過我, 望下個病歷板就走左. 我見唔對路, 無人理, p惟有自已mark左宮縮時間, 由半個鐘一次, 慢慢減到半日, 第三日終於無痛, 我將情況話俾護士聽, 再等第二日醫生巡房俾我出院, 因為我已約了私家產檢. 我去私家做產檢, 醫生話我佗得低, 子宮口又有點鬆, 加上第二胎, 所以容易宮縮, 又好易早產, 叫我在屋企訓多些, 唔好用力攞野就得, 我當堂安樂晒. 最後bb都係39周先出世.
我覺得有兩類人適合在公立生, 一種係無事無幹, 臨盆就生得個種;一係個d本身身體有些病, 或佗雙胞, 政府醫院會派些高級醫生俾你, 你會好安全. 最驚係平日無病無痛, 突然情況轉壞, 在公立好多鐘先會理你一次, 就算理你, 都係d年輕醫生和實習醫生,老公又唔係身邊, 咁就好危險. 真係暈左都唔知幾時有人發現呀.
係仁安醫院待產, 會一路有儀器測量胎兒心跳和子宮收縮情況, d護士和醫生隔十幾分鐘就來檢查, 一睇個電腦和print出來的資料就知你的情況. 而且會向產婦解釋現在情況和跟進要點做. 老公又係身邊, 有咩事都有人幫你出聲, 安心好多.

[ 本文章最後由 la5711 於 08-10-30 01:05 編輯 ]

私人傳訊

la5711

大宅

積分: 2026

2^#

發表於 08-10-30 01:02 |顯示全部帖子

補充一點, 係唔係私家生都唔係咁重要, 但一定要去私家醫生做產檢. 因為政府檢查次數太少, 太求其. 我個朋友就只係政府做產檢, 佢算好彩, 排到兩次超聲波 , 但好求其, 出世時才知道bb是兔唇. 如果係私家做桔構性超聲波肯定check到. 雖然兔唇唔算係好嚴重的病, 但早d知, 父母可以早些找些照顧這類bb的資料,太突然, 心理上難受, 又唔知點湊佢 .

私人傳訊

la5711

大宅

積分: 2026

3^#

發表於 08-10-30 14:54 |顯示全部帖子

催唔催生, 我覺得視乎醫生習慣. 我和另一個朋友都係私家生, 我兩胎都係催生, 小痛三個鐘, 大痛半個鐘左右就生右. 我朋友係另一個醫生接生, 第一胎都唔同佢催生, 佢痛左十幾個鐘, 又唔知道可以要求催生, 結果到生個陣都無晒力, 成日人虛脫咁, 個bb要用拑拑出來.
我自已經驗就覺得催生好點, 好似我第二胎, 已開到六度(已經好痛), 就係欠少少開唔到八度, 一落催生, 半個鐘都唔駛就開到八度, 我仲好精神, 用左幾下力就生左.

私人傳訊

la5711

大宅

積分: 2026

4^#

發表於 08-10-30 14:56 |顯示全部帖子

我朋友就係無去過私家囉.

原文章由 bosch 於 08-10-30 01:24 發表

同意! 產檢一定要搵私家去做!!! 仲要係搵個好醫生.

不過你朋友有去私家做產檢咩? 因為檢查咁多次, 都應該睇到喎.

私人傳訊

la5711

大宅

積分: 2026

5^#

發表於 08-10-30 17:15 |顯示全部帖子

我都唔明點解威院咁鐘意用超陰照. 係私家, 通常係8WK前, 胎兒太細才會照, 我上次都32wk, 仲打算同我照超陰, 勁痛, 又出血.
但又咩都睇唔到, 最後咪又係要照肚.

原文章由 catlover2001526 於 08-10-30 15:27 發表
完全同意!

我12week時因嘔到7彩+ 心跳加速，入左威院!
1. 實習醫生幫我整吊鹽水d針，整到d血噴哂落床單，失敗後要由左手轉到右手再黎過!
2. 醫生係都要用陰超照BB，點知佢整到我好痛，我之前私家照陰超都唔痛，結果佢改 ...

私人傳訊

la5711

大宅

積分: 2026

6^#

發表於 08-11-3 13:03 |顯示全部帖子

生仔都真好痛, 稔起都打冷顫.
我係私家, 因為催生 , 只不過大痛半個鐘,
都頂到唔駛用止痛針, 唔駛聞笑氣.

私人傳訊

la5711

大宅

積分: 2026

7^#

發表於 08-11-3 20:43 |顯示全部帖子

點解d人覺得私生家會餵唔到人奶?
我兩胎都係私家生, 我兩胎都餵到人奶. 反而我兩個阿嫂係公立生, 就話餵唔到奶. 所以我視乎人多過視乎醫院, 最緊要唔好咁易放棄.
係仁安bb房有專教媽咪餵人奶時間, 不過依我經驗, 頭幾日係難上奶, 就算我第二胎時, 都要一星期左右先話穩定d, 但都唔夠餵晒全日.
而且所謂餵奶時間,是指姑娘餵奶時間, 媽咪幾時去餵都得架, 我同房夜晚都去餵. 我就日頭餵, 夜晚就勁訓, 因為有排無覺好訓. 好似我兩個仔, 兩個都過半歲先戒夜奶, 頭半年都未試過一覺訓多過五個鐘. 咪以為有工人就掂, 做阿媽, 聽到bb喊, 自然會驚醒架啦.

私人傳訊

la5711

大宅

積分: 2026

8^#

發表於 08-11-3 20:51 |顯示全部帖子

生完唔好太辛苦自已, 雖然行得走得, 但會有點似虛脫咁, 食遲d就手軟腳軟, 一食野落就勁標冷汗, 衫都濕晒. 生完bb個幾日如果暈倒, 好大件事架. 係公立都搵人幫自己湊幾個鐘, 訓多d.
我第一胎時唔識食, 到佗第二胎就知身體真係弱左好多, 所以第二胎勁休息和小心左.

私人傳訊

la5711

大宅

積分: 2026

9^#

發表於 08-11-3 23:52 |顯示全部帖子

仁安都好full. 我想問下如果bb出世唔會立即俾翻個bb你, 咁bb肚餓, d護士係唔係會俾奶粉佢飲先? [/quote]

bb出世俾你抱下望下影下相, 跟住又抱走俾兒科做檢查. bb一定在bb房, 除非超豪私家房, bb在房, 有專用護士服待bb一個.
bb房護士會mark低每個bb食奶情況, 幾點同食左幾多, 如果你無係指定時間去餵奶, 她們又check到bb未食, 日頭會call你, 問你餵唔餵, 唔餵就護士餵, 夜晚除非你講低話會餵, 否則朝早七點半前的奶都係護士餵.

私人傳訊

la5711