婆媳關係

收藏本版
發帖
返回列表
跳至頁

首頁
23456

尾頁
   0
carmenlook


大宅

積分: 4539


61#
發表於 08-11-8 19:24 |只看該作者
算啦,佢未有仔女,先講得大方,我都知好多嘢做父母未必左到,但到有個女十幾歲就跟人出去住,重搞成咁,邊個做父母都接受唔到,所以其他MAMA咁講都合理,婚前性行為5可以話錯,但咁樣跟人返屋企住,&搞成咁嚟嫁,她好5珍惜自己,
原文章由 tok604 於 08-11-8 16:44 發表


如果你真係講得咁灑脫 將來如過你有小朋友 你係唔係唔會介意個女帶埋男朋友返屋企住 同埋擺明車馬同你講 "阿媽 我而家要入房同男朋友做一d拍拖要做既野 因為我男朋友好有需要 唔該你唔好騷擾" 到時 你係唔係仲可以 ...
私人傳訊

mkt


大宅

積分: 1535


62#
發表於 08-11-8 22:58 |只看該作者
可能你地講得啱，成為咗媽咪，心態會唔同咗。但宜家的我，唔需要人地叫我唔好騷擾，我會自動尊重別人，同留畀別人私人空間。

其實宜家父母唔係屋企的話，我bf可能上來過夜，我細佬個女朋友就一定上來過夜。
細佬佢地點樣我唔知，因我只見到佢女朋友對鞋，知細佬房有客我唔會騷擾人地咁無禮貌，就算煮咗宵夜都只會send sms問佢地想唔想出來食，洗唔洗留返啲畀佢地。有時第二朝會見到佢地著得整整齊齊喺廳度食早餐。

我bf過來，未必次次都愛愛，有時一齊睇下碟傾下計瞓下覺咁囉。
我好鍾意呢啲相處的時間，好多心事就係喺一個私人的小天地內你先會講，你唔會係行街食飯睇戲時講，咁無深層的溝通，兩人的關係又點會進步？

如果預計錯誤阿爸阿媽早咗返屋企，我地咪匿到佢地返房瞓，又或者找機會閃入厠所，梳洗整齊，出來打招呼講bye bye囉。總之阿爸阿媽知我地有朋友喺度，都盡量唔會騷擾我地，有嘢講最多打個電話畀我咁囉。

原文章由 tok604 於 08-11-8 16:44 發表


如果你真係講得咁灑脫 將來如過你有小朋友 你係唔係唔會介意個女帶埋男朋友返屋企住 同埋擺明車馬同你講 "阿媽 我而家要入房同男朋友做一d拍拖要做既野 因為我男朋友好有需要 唔該你唔好騷擾" 到時 你係唔係仲可以 ...
私人傳訊

tok604


男爵府

積分: 6004


63#
發表於 08-11-9 00:19 |只看該作者
多謝你呀!! 多謝你贊同我既講法~~ 我幾驚係我自己有問題 先覺得我講既野同佢諗既咁大分別!! 好彩。。。原來獨特既唔係我!!

原文章由 carmenlook 於 08-11-8 19:24 發表
算啦,佢未有仔女,先講得大方,我都知好多嘢做父母未必左到,但到有個女十幾歲就跟人出去住,重搞成咁,邊個做父母都接受唔到,所以其他MAMA咁講都合理,婚前性行為5可以話錯,但咁樣跟人返屋企住,&搞成咁嚟嫁,她好5珍惜自己 ...
私人傳訊

田心


大宅

積分: 1891


64#
發表於 08-11-9 15:09 |只看該作者
如果我20歲時生, 我小朋友有樓主咁大, 可惜我係38先做媽媽, 現在BB只有三個月大.


答反樓主的問題, 如果係我, 我就唔會結婚, 而且唔會要個B, 講起好似好殘忍.
但我只係從一個好實際的角度去睇, 唔好因爲有咗而結婚, 因爲結後會有太多問題去面對.

樓主太年輕, 現在做的決定會對將來有影響.
教養小朋友係一條好漫長的路, 徐咗要花好多心幾和時間外, 自己本身的心理/生理質素很重要, 還有家人的支持是不可少.
現在樓主和男友養得起自己, 但當有小朋友的時候, 花費會很多. 當然貴有貴養, 平有平養, 但如果樓主和男友是但一方無做工, 你要問自己有無能力撐起頭家? 要知道現在香港經濟情況轉差, 你跟男友家人同住, 如果是但一方無工做, 而無能力養家的話, 我怕到時你兩會好受氣.


加上如果BB有10-20%機會唔健全的話, 我唔會博.
因爲萬一真係有問題時, 小朋友和大人都辛苦.


如果你同男友你相愛而且仲咁年輕, 將來仲可以有小朋友, 何不現在爲將來努力, 打好經濟基楚再結婚都未遲.

[ 本文章最後由 田心 於 08-11-9 15:11 編輯 ]

私人傳訊

onon1022


子爵府

積分: 12543

好媽媽勳章


65#
發表於 08-11-9 16:43 |只看該作者
其實你唔好諗你奶奶對你好唔好...呢個世界好多奶奶未必會對新抱好好...你男朋友都大個...有自己既思想...唔係阿媽叫佢做咩...佢就做咩...

[ 本文章最後由 onon1022 於 08-11-9 16:50 編輯 ]



[url=http://lilypie.com][img]
私人傳訊

Joanna.L


複式洋房

積分: 172


66#
發表於 08-11-9 18:45 |只看該作者
原文章由 wmpl 於 08-11-5 06:38 發表
不如掉返轉頭諗,生唔生??

嫁咗唔啱可以離,生咗唔要冇得塞返落個肚度,又係另一個生命呀!

我只係覺得你真係仲係好細,同埋你太依賴人哋俾乜俾物你,但你自己又有冇諗過,你又可以俾到啲乜嘢人哋??事到如今,你都仲係依賴 ...


我覺得wmpl講得啱,我唔係估催你唔要個BB,但如果BB依家仲未到三個月你就應該好好諗清楚,生與唔生,呢個係一生一世o既責任,無得你話到時唔鍾意好後悔就俾男家或保良局,你唔可以咁自私因為唔想傷身就累左個BB一生,生BB要付出好多好多,唔係生完就算,如果生BB真係咁容易,點解咁多有錢或學識高o既人都寧願選擇唔生呀?因為你唔只要養佢,仲要教佢讀書識字,你要灌輸好多人生道理俾佢,你自己都咁唔成熟,你問自己你能唔能夠供養佢,錢,時間,愛心.....
生產係一樣好高風險o既過程,唔係點解所有國家都會有產假,有啲連男人都可以放埋陪住太太坐月,如果你另一半唔能夠體諒到你,到時你o既壓力仲大,你依家都有精神病,我唔係嚇你,萬一你患埋產前或產後抑鬱,咁邊個去照顧你BB
私人傳訊

arcaar


子爵府

積分: 14977

好媽媽勳章 醒目開學勳章


67#
發表於 08-11-9 19:54 |只看該作者
咁樣搞法唔好結婚好啵～遲早出事乍，加上你未來９９都唔ｌｉｋｅｙ你．．你老公又乜都唔出聲．．你仲細呀．．大把路要你行．．遲ｄ仲有排你受．．最慘係個ｂｂ乍
私人傳訊

monyanBB


洋房

積分: 32


68#
發表於 08-11-9 20:47 |只看該作者
樓主，
首先，我唔計你年紀。我想問樓主既係，你同c6有冇真正考慮過未來既生活﹖
我相信，一個真實年紀18歲既人，都可以係好有擔當既人。問題就基於你同c6有冇想過將來既生活點。
萬一，bb有問題，你可以承受到嗎﹖試下想像一下，萬一佢有任何既問題，你可以幫到佢幾多﹖如果你地而家既生活係只夠日常生活既，我擔心既係，你地可以撐到幾耐。

又如果，bb冇問題，你而家冇野做，bb將來既生活，係唔係你c6既一份人工可以負擔到﹖定係你打算bb出左世之後，你會出返來做野，bb可以有人照顧﹖

就當上面兩個問題你都可以解決到，我再問多一個問題，你c6同你既感情好嗎﹖你有信心二人可以一世嗎﹖呢樣野係最重要，因為無論有bb同冇bb，萬一你地兩個感情係唔係咁好，有bb同冇bb都唔應該結婚。

你結婚前點樣，我覺得都已過左去，大家再話佢咩都已成事實。年青人做野，唔係所有人都會明。錯同對冇話一定，我當各位廿幾三十都好，都可以做錯事。都一樣可以冇野做，都一樣可以照顧唔到自己照顧唔到人。重點係，如果你會擔起呢個責任，你要知道，呢樣野係一世。

至於未來99，其實好多99對新抱都唔好，嘗試唔好太介意其他人做既野，你會開心d。99唔俾禮金又好，唔俾又好，要結既都係要結，唔絡既都係要唔結，何必上心﹖你要做既，唔係將d唔開心既野放0係心，而係學識照顧自己同照顧人，同埋計劃一下自己未來條路點行。

我唔係一個古老思想既人，我都唔係一個思想前衛既人，我只係希望樓主你要努力咁改變自己依賴人既性格同開始想真d自己未來既路。過左去…大家都唔好再話佢喇。

最重要係，你快d確定自己個bb係唔係真係有問題，同係唔係要個bb，你最應該做既，係快d問下你本身個醫生有咩方法可以早d確定。等你知日後點做。

可能我長氣左少少，但我真係好希望你未來可以開開心心。
私人傳訊

碟碟


男爵府

積分: 5839


69#
發表於 08-11-10 13:42 |只看該作者
如果你覺得屋企人o係齊到你同男友o係房做愛係無問題, 咁點解你要等阿爸阿媽唔係屋企先帶男仔返屋企?阿爸阿媽一返屋企你男友就走? 呢的咪叫避忌囉...你父母好開通, 所以唔會打攪你同你男友, 但唔等如個個阿爸阿媽都咁open(當然我並唔係話樓主個99 既做法係岩)....而且另一方面可能你父母亦都覺得你已經大個所以比你自己決定點做...我唔知你父母由你幾多歲開始容許你帶人返屋企, 但係樓主上男友屋企既時候只有16歲左右, 仲要唔係一晚半晚, 係長住, 你試下你男朋友又或者你細佬帶個女友返番屋企長住, 你估你父母仲有有咁easy? 你父母家比你咁做, 一來係相信你唔會太過份, 亦可能係太忙無時間管你, 比你帶人返屋企, 起碼仲叫有個女望下,管得你太嚴, 又怕你好似樓主咁,跟男朋友走左出去o者,....或者你會覺得我地好老土好煩, 但到你做左人地父母, 角色立場唔同左,你就唔會好似依家咁輕率...

原文章由 mkt 於 08-11-8 22:58 發表
可能你地講得啱，成為咗媽咪，心態會唔同咗。但宜家的我，唔需要人地叫我唔好騷擾，我會自動尊重別人，同留畀別人私人空間。

其實宜家父母唔係屋企的話，我bf可能上來過夜，我細佬個女朋友就一定上來過夜。
細佬佢地點樣我唔知，因 ...

如果預計錯誤阿爸阿媽早咗返屋企，我地咪匿到佢地返房瞓，又或者找機會閃入厠所，梳洗整齊，出來打招呼講bye bye囉。總之阿爸阿媽知我地有朋友喺度，都盡量唔會騷擾我地，有嘢講最多打個電話畀我咁囉....

[ 本文章最後由 碟碟 於 08-11-10 13:48 編輯 ]
私人傳訊

VKwan


珍珠宮

積分: 38391


70#
發表於 08-11-10 14:53 |只看該作者
e+既人真奇怪！或者係我老套啦！淨係識話自已委屈，又唔反省下自已咩咁新絲羅白皮值得人尊重！

唉！上天保佑我個仔大個千期咪中意呢聽女仔，好話唔好聽，比我做99，我就係擺明嫌棄你連累我個仔既前程架喇，你話我講野絕都係咁話！仲話有bb，簡直影響埋後代既質素！

樓主，做女仔矜貴d好，要人尊重，唔該先自立自愛！"矜貴"呀！呢兩個字你識唔識呀？！
私人傳訊

leopak


伯爵府

積分: 19145


71#
發表於 08-11-10 17:37 |只看該作者
原文章由 VKwan 於 08-11-10 14:53 發表
e+既人真奇怪！或者係我老套啦！淨係識話自已委屈，又唔反省下自已咩咁新絲羅白皮值得人尊重！

唉！上天保佑我個仔大個千期咪中意呢聽女仔，好話唔好聽，比我做99，我就係擺明嫌棄你連累我個仔既前程架喇，你話我講野絕都係咁話！仲話有 ...


你都講得岩. 不過, 個男仔都有責任, 唔可以怪晒一方."牛唔飲水點禁得牛頭低先."
私人傳訊

VKwan


珍珠宮

積分: 38391


72#
發表於 08-11-10 18:37 |只看該作者
個男既就當然有責任啦！不過，做女仔，係咪應該要保護自已先？如果唔肯同佢攪就被飛，咁cheap既男人，比你都唔好要啦！要到都唔慌有好日子過啦！

家陣d後生女，成日怨點解唔夠人幸福，幸福係需要自已建立同經營架！唔係天跌落黎！


原文章由 leopak 於 08-11-10 17:37 發表


你都講得岩. 不過, 個男仔都有責任, 唔可以怪晒一方."牛唔飲水點禁得牛頭低先."
私人傳訊

monyanBB


洋房

積分: 32


73#
發表於 08-11-10 21:09 |只看該作者
原文章由 VKwan 於 08-11-10 18:37 發表
個男既就當然有責任啦！不過，做女仔，係咪應該要保護自已先？如果唔肯同佢攪就被飛，咁cheap既男人，比你都唔好要啦！要到都唔慌有好日子過啦！

家陣d後生女，成日怨點解唔夠人幸福，幸福係需要自已建立同經營架！唔係天跌落黎！


...

其實佢已經好辛苦。大家都明白有bb係唔容易既事。話佢既都已經係成左事實既事。佢應該都知問題所在。

俾d支持佢，等佢去改善刻下既問題，會唔會好d﹖

佢終有一日會明白，之前發生既事係有錯。但，人誰無錯，可以既話，我覺得俾個正面鼓勵年青媽媽，好過只係一手指住佢來話，樓主，希望你知道呢度每一個人講既每一句說話，都係想你知道有d野係錯左，但，你一定可以改到。

幾多歲去人地屋企住都好，係你既事，你99唔高興，係佢既自由，唔好上心，最重要係係未來既日子，俾佢睇到，你有心做一個好媽媽，好新抱，好老婆。即使佢對你唔好，至少，你唔會覺得自己欠左佢。

大家，唔好再話佢喇，18歲要面對佢而家既事，真係好吃力。大家細個既時候，都未必一定識諗，只係可能有d野未發生0係大家身上，所以先可以大大聲話佢，anyway,唔發生都發生左，樓主，努力改善你既性格同現狀，做好自己啦。
私人傳訊

mkt


大宅

積分: 1535


74#
發表於 08-11-10 23:33 |只看該作者
1/少少避忌總有既，屋企無人唔怕造成騷擾或尷尬丫嘛。
2/間屋阿爸阿媽既，我同細佬無權畀人來住架喎，除非佢地同意啦，咁我就唔覺得有問題。我諗樓主係同99關係唔好啫，唔係一開始未得同意就擅闖民居啩？
3/咪就係怕你地管得啲細路太嚴，佢地走咗佢對方家或爆房囉。只係畀人坐係廳，做咩都比人睇住，講句嘢都比人聽到晒，仲拍咩拖？

未來諗住唔再多咀，結果見到新回應又講多咗兩句。

唔係個個阿爸阿媽都咁open，無錯無錯，好似之前的發言咁講，你地咁諗好正常，大部分家長都係咁樣。
但我亦唔覺得自己獨特，因為大部分拍拖人士都同我諗法差唔多。

我身邊的朋友係咁樣(即係拍拖會造愛，兩人屋企都唔方便，就唯有久唔久去租酒店)，我大學講師朋友見到的學生係咁樣，我教中學的爸爸同阿姨見到的學生係咁樣，我做義工帶camp時見到的青少年都係咁樣(不過有啲無錢租酒店，會喺大學宿舍、大學公園、學校後樓梯、屋企後樓梯、商場傷殘人士廁所、黑夜中的沙灘...等做出親密的舉動)

你可以話佢地全部人都好獨特，我只係想佢地有屋企可能落腳，唔洗搞到要出入啲品流複雜的地方，或者喺公共場合被人偷睇及偷拍。


原文章由 碟碟 於 08-11-10 13:42 發表
如果你覺得屋企人o係齊到你同男友o係房做愛係無問題, 咁點解你要等阿爸阿媽唔係屋企先帶男仔返屋企?阿爸阿媽一返屋企你男友就走? 呢的咪叫避忌囉...你父母好開通, 所以唔會打攪你同你男友, 但唔等如個個阿爸阿媽都咁 ...
私人傳訊

Piglet小豬


大宅

積分: 1400


75#
發表於 08-11-11 00:01 |只看該作者
其實你應該開心至係,咁多bk媽咪關心你,緊張你既決定!我都係二十四歲做人媽咪,(媽咪)呢兩個字真係唔易做,十月懷胎生佢出黎,已經係d微不足道既事,無論時間,金錢,心機,全部野都要比晒bb,唔係咁簡單,係好長遠既事,你同你男朋友係咪可以放棄自己既自由先,日日放工就要番屋企,唔好諗住可以去下唱k,行街!無人會幫到你地,全部都係要靠你地自己!其實你而家先係十八歲,仲有好多野可以做,世界咁大,應該去出面見識多d,望遠d!
私人傳訊

IRON


男爵府

積分: 8513

好媽媽勳章


76#
發表於 08-11-11 11:56 |只看該作者
而家講講下, 已經唔係原先既問題, 反而係2種思想既沖激.

我好讚成同居, 一者現代男女婚前有關係已係平常, 二者可考驗大家既能力, 包括金錢, 忍耐, 分擔工作, 生活習慣......

我做女既時候, 真係旅行或者去長洲等先會有親密關係, 係人地屋企同自己屋企都唔會咁, 就算入房都唔會關門; 之後做左幾年野, 儲夠$$去外國讀u自己住, 男友就會間唔中黎住, 從細節中就知道咩人先適合自己;

而家我做左媽咪, 我希望我仔仔/第時既女友或老婆都係咁, 想自立就要努力自強, 爸爸媽媽會給予扶助, 但自己既"家"必須要自己去建立.

P.S. 我99/姑9最初對我都係當透明, 但又有咩關係?! 我唔一定要去對住佢地, 睇佢地面色, 老公亦知道我係體貼佢先返去一次.


原文章由 mkt 於 08-11-10 23:33 發表
1/少少避忌總有既，屋企無人唔怕造成騷擾或尷尬丫嘛。
2/間屋阿爸阿媽既，我同細佬無權畀人來住架喎，除非佢地同意啦，咁我就唔覺得有問題。我諗樓主係同99關係唔好啫，唔係一開始未得同意就擅闖民居啩？
3/咪就係怕你地管得啲細 ...

[ 本文章最後由 IRON 於 08-11-11 12:09 編輯 ]
私人傳訊

bbbokbok


男爵府

積分: 6184


77#
發表於 08-11-11 12:17 |只看該作者
Super agree!!


原文章由 tok604 於 08-11-4 18:48 發表
如果係你 你地會點.....(真係好唔開心)

各位為人媽咪 你地好
雖然我得個18歲 但我下年都做人媽咪啦
但有D野唔知係諗唔通定點 總之好激氣同好唔開心
我ge未來99同我一向都唔係好 以前我同我男朋友同居GE時候 佢已經 ...
私人傳訊

akyi


男爵府

積分: 7478

環保接龍勳章


78#
發表於 08-11-11 13:28 |只看該作者
原文章由 Siuchoi 於 08-11-6 12:56 發表
18歲有左....如果你係我個女, 我都會好唔開心, 好唔like你~ 咁情況, 又點叫人父母like你呢~


18歲有左有咩問題!?
大家唔好再針對年齡呢個問題啦~
希望大家系對事不對人囉~
大家都系做人媽媽既，公平d好唔好~

如果我有個女18歲做人媽媽,我唔會唔開心囉~
最主要系自己個女心甘情願既,開心既,就得啦...
而家都廿一世紀啦,諗野唔好甘封建啦...
私人傳訊

akyi


男爵府

積分: 7478

環保接龍勳章


79#
發表於 08-11-11 13:40 |只看該作者
原文章由 VKwan 於 08-11-10 14:53 發表
e+既人真奇怪！或者係我老套啦！淨係識話自已委屈，又唔反省下自已咩咁新絲羅白皮值得人尊重！

唉！上天保佑我個仔大個千期咪中意呢聽女仔，好話唔好聽，比我做99，我就係擺明嫌棄你連累我個仔既前程架喇，你話我講野絕都係咁話！仲話有 ...


哇...如果個天可以保佑既話,不如你叫個天保佑你自己好過啦~
突然間做左暴發戶,唔洗做,生多幾個怕咩自己個仔敗家姐!!
私人傳訊

VKwan


珍珠宮

積分: 38391


80#
發表於 08-11-11 13:56 |只看該作者
18歲做人媽媽絕對冇問題，我唔係封建，問題係連自立自愛既能力都冇仲學人做亞媽？！開心就得？你冇聽過貧賤夫妻百事哀呀？連交租食飯既錢都未有著落，何來開心？

18歲，正常黎講書都未讀完，係呢個年代，可以做咩工賺幾錢咁巴閉？三十年前的社會環境問題就冇咁大。我都係講事實遮！

家陣租個套房都要幾千啦，唔駛食呀？！我出聲都係想時下既靚妹帶住個腦做人，咪一味係度生生生，生左又冇條件教養，自已痛苦時仲要連累埋下一代！

原文章由 akyi 於 08-11-11 13:28 發表


18歲有左有咩問題!?
大家唔好再針對年齡呢個問題啦~
希望大家系對事不對人囉~
大家都系做人媽媽既，公平d好唔好~

如果我有個女18歲做人媽媽,我唔會唔開心囉~
最主要系自己個女心甘情願既,開心既,就得啦...
而家都廿 ...
私人傳訊


首頁
23456

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見