在職全職

收藏本版
發帖
返回列表
跳至頁

首頁
1

尾頁
   0
Gachu525


大宅

積分: 1652


1#
發表於 16-9-27 17:23 |只看該作者
BB 下個月就兩歲，自從九個月大戎人奶，又開始湊到上手之後，就好少上BK, 咁近有小小時間上黎望下，見到其他媽媽既難題，經歷，我真係d回憶返晒黎，因為我曾經都好似其他媽媽咁，有辛酸，想唔通既時候。。。
餵人奶有幾辛苦唔多講，餵過既媽媽自己會知，咬損，發炎，成日驚食唔飽bb, 成日想放棄，結果捱到九個月先停，唔算叻，有好多媽媽可以餵到兩三歲，但我盡力了，今日bb好健康，如果有下一胎，我都會再餵人奶。又曾經，好唔鐘意湊bb, 無人幫到手，好想一個人出街行下，日日屈係屋企同bb困獸鬥差d抑鬱，諗住bb識行可以同佢落街行下透啖氣，點知bb樹熊咁夾實，一落地就大喊，我用左好多時間氹佢教佢，而家出街，基本上孭帶車仔都唔使攞，可以拖住慢慢行。仲有自理方面，真係最睇到自己湊既成果，佢好鐘意食野，會自己食，食完會執好碗碟比我洗，會自己著鞋著襪，會自己除褲便便，如果瀨濕左，又會自己除褲出黎拎去廁所洗，好多野都話要自己做，呢一切，真係日日對住bb慢慢浸返黎。我本身性格好急進，好易閔，但bb受軟唔受硬，令我脾氣都軟化埋。以前我成日覺得呢個無計劃生既bb, 改變晒我既生活，我無晒自由，無晒收入，無晒生活，由專業人士變成一個師奶，跟本唔係我自己揀，日日湊住佢我就好似交功課比老細咁，到而家聽到人地讚bb叻，聽話，有家教，我先明白呢兩年既管教唔係還債，而係成績。bb下個月返n班，我唔擔心佢會唔適應，因為自己湊開，比到bb安全感同信賴，佢一定唔會喊，而係到自己唔捨得，有一種bb大了，佢既世界唔只有爸爸媽媽既感覺。。。好矛盾，原本諗住佢返學我就一身鬆可以揾工，而家就開始唔捨得ftm呢個角色。。。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見