事件（1）尋日99無啦啦打比我媽，開場白問我媽「丫⋯阿嫂幾時生日架？」咁我媽以為我個迷信99又唔知要夾啲咩？咁同佢講啦。講完「哦⋯仲以為同阿仔差唔多月份生日」跟住就同我媽講黎緊21冬想叫埋我媽黎食，我媽就話「唔好，你地一家人自己食啦」大佬⋯一早已經約好左17/12同埋姑仔個啲一齊食架啦。你唔係仲要霸埋21號想我地返黎再同你食丫嘛
事件（2）跟住又問我媽知唔知我屋企密碼（我搬左黎新屋兩年，係用密碼鎖，有比咭我daddy n mammy，無比6299）。但我媽就醒目話「唔知架。我都唔知佢地屋企密碼」我媽都有同佢講想探個孫咪過我媽個邊，因為平時我媽幫我湊日頭，我放工返我媽度食埋飯先一家人返屋企。咁我比鎖匙你上黎咪又係對住4幅牆。又講我以前舊屋咪好啲，佢可以自己上去（因為個時我有比鎖匙佢）舊屋個時就係因為我地成日經歷99無啦啦一個電話黎「我地依家準備落車喇。上緊黎你地度」大佬⋯我地咩計劃都比你搞亂晒、取消⋯唔想再咁比你「突然通知」先唔想再比鎖匙你
事件（3）上個月我阿公走左，我需要去兩日大酒店，諗住搵99幫我湊阿仔（佢已經退休，返下pt）但個時問佢，佢就一句覆「唔得呀，要返工」。最後搞左一排先可以安頓好阿仔。99⋯想搵你幫個小忙時又話要返工唔得閒，但又想黎我度話黎就黎玩孫。你當我個仔玩具咩⋯⋯我知你唔係逢指一定要幫我，咁我都係因為全家人要去大酒店先諗住搵個親啲既人幫手，咁一諗起就諗住搵99啦。你成日講到咁想搵個孫，但點知個刻你會認為返pt緊要啲。其實我媽都講唔好怪99喇。不過個次真係搞到我送唔到阿公最後一程，我諗我一定會嬲佢囉
大佬⋯我地咩計劃都比你搞亂晒、取消⋯唔想再咁比你「突然通知」先唔想再比鎖匙你
~~~一陣日日上去睇你就暈低啦~~~到時又出之前果招~~失驚冇神話自己係樓下上緊黎~~~你呀媽隨時隨地要招呼佢都幾大鑊
:" />~~~~
發表於 
我99就係成日借我媽巴口叫我返去。之前有次都試過啦。又係咁同我媽講，我媽就話我99開到聲，叫我返去同佢食飯
佢仲有個經典野⋯話說佢有次上我媽度，又係探親家為籍口，實際係睇個孫啦。買左啲生果上黎，我媽好客氣咁話「唔使買野上黎啦。大家自己人」我99竟然答「啲橙買比個仔同個孫食架」
你上我媽屋企，但啲橙唔係買比屋主，話買比個仔同孫食⋯
返回列表
