夫婦情感 今日: 41 | 主題: 42440

積分: 1871

1^#

發表於 08-12-8 12:56 |只看該作者 |倒序瀏覽 |打印

我地婚前協議左唔駛同雙方屋企人住!
點知婚後佢阿媽曾同先生表達過如果住大D，
佢可以一整住順便幫手湊孫!(當時尚未有bb)
我問先生點諗?
先生話唔通佢阿媽話想一整住佢反對咩!

如今我地都係無買大d，
所以都係分開住，
不過佢阿媽有條key，
隨時開門入屋唔會打電話或叩門，
佢有時就算我未「訓」醒都照開房門入黎叫醒我食野!
(即使你已經食飽/未「訓」醒!)
總之就係要你按佢既意思去做......
包括﹕我d貓貓既活動範圍，佢都要管!

而家BB出左世，佢上黎既次數更多!
不過可能佢知我同佢無咩兩句，
佢都唔係日日上!(隔日就會!)

我之前有左就辭左職，
而家我打算再出黎做野，
我地已經請左印傭，
印傭都做得好好!
但先生話我返工後就會叫奶奶過黎睇住，
我極之唔想!

我話裝閉露電視，
先生話唔放心!
話要奶奶係度佢先放心!

其實我唔想奶奶成日係度係有好多原因﹕
1.奶奶唔鍾意我兩隻貓，BB出左世佢要我綁住佢地，好喇!我綁左!佢話條繩唔駛咁長，夠佢地行去沙盆就得喇!我好唔開心，因為我好愛我兩隻貓，而家佢地剩係可以係半個廳既範圍活動!如果奶奶成日係度，我唔知佢會點對我兩隻貓!
2. 奶奶佢咩都鍾意俾意見，上至bb床擺邊，下至我屋企廁紙既儲存量!
3. 唔尊重人地既私隱，明明關埋房門(不論我既睡房定工人房)照開!
4. 成日迫人食野，就算明知你唔想食都照整，整完你唔食又問點解，你講完佢又再講果樣野有咩好!咁每個人既口味唔同，邊有得勉強嫁!
5. 先生好尊敬佢阿媽，咩都聽阿媽講!我唔係話唔應該，只係我覺得如果佢阿媽之後咁長時間係我屋企，最後佢阿媽會變左係呢間屋既女主人，而我只係寄居!

我無可能唔做野，唔係因為先生養我唔起，而係我知我先生既性格，佢一定覺得佢大哂，咩都要用佢既idea，我唔想!

先生本身已經係無情趣，而家BB出左世更加大條道理邊到唔去!

以前佢唔會同我一整Shopping，如果唔係佢會黑面!(但我無要佢買野，只係係附近既商場行個幾鐘都唔like!) 佢最多都係同我一齊出席佢朋友既聯誼活動!自從BB出左世，就連呢D活動都唔去!

我覺得好悶!當然我可以同d friend去街!
但係我同佢之間就好悶!
係咪有左BB生活就會變成咁!
我總覺得佢對我少左一份尊重同誠意!

其實我好想佢知道我既諗法，我都有同佢講過!
但佢仍然覺得佢既諗法無問題，我既憂慮係多餘既!

我覺得好矛盾，望住BB覺得好開心，但又覺得如果唔係佢出左世，我就唔駛咁煩(我奶奶俾我既困擾，先生變得更沉悶、貓貓受苦......)!

我究竟可以點?????

0 0 0

私人傳訊

-bella-

積分: 33647

2^#

發表於 08-12-8 21:31 |只看該作者

睇完好同情你，尢其貓貓果度，我好明你個心情，

其實你老爺呢？你老公有冇兄弟姊妹？
如果冇人冇物，咁你就唯有要啃喇，
如果有其它親人都仲可以有得推下，如果得佢一個老人家你地唔理佢，佢會好慘架，
我知道當佢上黎果時你係會好唔自在，好似成日有個人睇實你咁，如果你99鐘意認叻同唔接受人地意見你重慘，但係貓貓果度你會唔會有間吉房俾佢地？我果時放佢係房，有食有水有沙盆，我仲鎖住tim，都總算冇事發生過。

私人傳訊

積分: 1871

3^#

發表於 08-12-8 23:35 |只看該作者

老爺唔係度喇!
佢一向同大姑奶一家一齊坐，就係隔個球場果座!
我有兩間房，一間無窗，俾左工人「訓」，
一間係窗，係我同先生既!
其實我好願意攞私己錢出黎租三房，一間俾貓貓，
但到時有三房佢一定要搬黎，咁即係又變成無房仲要同佢一齊住!
無論點做，都好似行唔通!
我覺得好辛苦!

原文章由 -bella- 於 08-12-8 21:31 發表
睇完好同情你，尢其貓貓果度，我好明你個心情，
其實你老爺呢？你老公有冇兄弟姊妹？
如果冇人冇物，咁你就唯有要啃喇，
如果有其它親人都仲可以有得推下，如果得佢一個老人家你地唔理佢，佢會好慘架，
我知道當佢上黎果時你係會 ...

私人傳訊

傻媽媽2007

複式洋房

積分: 386

4^#

發表於 08-12-9 14:16 |只看該作者

家家有本難唸的經....
佢想同個仔一齊住, 有咩問題, 除咗想見個孫同個仔, 都想參與下你屋企既嘢, 個個老人家都系咁, 第日你老咗, 一樣會, 大家年紀相差咁多, 一定有唔同既意見, 佢講得出黎, 梗系想你聽, 但後生既, 唔想聽不特, 重要表現出極之不滿, 有啲嘢, 唔需要一家系岩與唔岩, 你有無試過真心咁歡迎佢黎你屋企???? 你個心一開始已經唔鐘意, 邊度有得講...
相見好, 同住難, 你連相見好都做唔到, 呢個媳婦系唔系都要檢討下呢???
請記住, 你家下個老公, 系人地亞媽辛苦帶大既, 佢千唔著, 萬唔著, 你都要想辦法去相處, 身教好重要, 個小朋友系睇住, 佢第日大個都會問番, 點解唔去麻麻到, 點解你成日唔鐘意麻麻... 你有你既原因, 第日佢都有佢既原因....

私人傳訊

kianmama

侯爵府

積分: 20106

2018復活節勳章玩具勳章畀面勳章叻叻勳章好媽媽勳章醒目開學勳章環保接龍勳章開心吸收勳章

5^#

發表於 08-12-9 14:34 |只看該作者

妳地婚前協議左唔駛同雙方屋企人住, 點解而家妳c6反口, 未一齊住都已經咁多問題, 搬左入黎問題仲大, 易請難送.

私人傳訊

積分: 1871

6^#

發表於 08-12-9 15:15 |只看該作者

我已經好忍讓!唔係我連「相見好」都做唔到!
可能你無詳細睇清楚!又或者你係人地奶奶，所以咁「慶」!

我覺得無哂私隱!你試吓「訓訓吓未黎得切換衫就有人開你門入你睡房」你如果都覺得好welcome，咪無問題law!

「佢想同個仔一齊住, 有咩問題?」
硬係無問題啦(如果係婚前大家有傾過，而大家都ok既!有咩問題姐? )
可能你同你奶奶一齊住開，你慣左係咁啦!

原文章由 傻媽媽2007 於 08-12-9 14:16 發表
家家有本難唸的經....
佢想同個仔一齊住, 有咩問題, 除咗想見個孫同個仔, 都想參與下你屋企既嘢, 個個老人家都系咁, 第日你老咗, 一樣會, 大家年紀相差咁多, 一定有唔同既意見, 佢講得出黎, 梗系想你聽, 但後生既, ...

私人傳訊

chowkarman

積分: 3623

7^#

發表於 08-12-9 16:15 |只看該作者

我自己就接受唔到同 99 住, 我覺得冇私隱, 唔係 99 唔好, 而係一齊住就一定有好多問題, 而且有 d 老人家容易 d 相處, 有 d 真係持老賣老, 我諗如果一齊住我實一放工就入房!! 但佢連門都唔敲就入嚟, sorry, 我接受唔到!!!

私人傳訊

積分: 1871

8^#

發表於 08-12-9 16:25 |只看該作者

我同你既諗法一樣!
婚前既協議就係係呢個理念下傾出黎!
我阿婆、阿媽一早教落如果同奶奶住一定多磨擦，要諗清楚!
所以婚前先同先生傾過呢個問題!

而且唔明點解有人回應話我連「相見好」都做唔到，佢兩年來都係自出自入，不過而家無論上既次數同命令都多左，我先呻吓姐!

原文章由 chowkarman 於 08-12-9 16:15 發表
我自己就接受唔到同 99 住, 我覺得冇私隱, 唔係 99 唔好, 而係一齊住就一定有好多問題, 而且有 d 老人家容易 d 相處, 有 d 真係持老賣老, 我諗如果一齊住我實一放工就入房!! 但佢連門都唔敲就入嚟, sorry, 我接受唔 ...

[ 本文章最後由 catlover2001526 於 08-12-9 16:31 編輯 ]

私人傳訊

lovelykitty

積分: 42968

9^#

發表於 08-12-9 16:33 |只看該作者

我都覺得您老公真係有D唔識做...

哈哈..如果係我許可既就試下等佢'身同感受"下!
照樣比條KEY您媽咪(即係佢外母).明知佢未訓醒上黎又係自己開門入黎,仲要叫佢起身食早餐.
跟住又係管佢呢樣管佢果樣..睇佢咩反應囉..

私人傳訊

積分: 1871

10^#

發表於 08-12-9 17:29 |只看該作者

我媽咪好日都唔上黎!
佢實早成個禮拜打俾我地約出去飲茶!
佢唔會咁早起身，你講既野係無可能發生!

原文章由 lovelykitty 於 08-12-9 16:33 發表
我都覺得您老公真係有D唔識做...

哈哈..如果係我許可既就試下等佢'身同感受"下!
照樣比條KEY您媽咪(即係佢外母).明知佢未訓醒上黎又係自己開門入黎,仲要叫佢起身食早餐.
跟住又係管佢呢樣管佢果樣..睇佢咩反應囉.. ...

私人傳訊

lovelykitty

積分: 42968

11^#

發表於 08-12-9 17:34 |只看該作者

哎呀...就係搵您媽咪整鬼佢麻....!!!
為左令佢知您既難處..
特登早起幾個星期都值得既(我估)
如果媽咪怕煩既妹都得咖...
最緊要等佢身同感受下....

原文章由 catlover2001526 於 08-12-9 17:29 發表
我媽咪好日都唔上黎!
佢實早成個禮拜打俾我地約出去飲茶!
佢唔會咁早起身，你講既野係無可能發生!

私人傳訊

414928

水晶宮

積分: 61766

2024年龍年勳章 2024勳章 2023年兔年勳章虎到金來勳章牛年勳章 HiPP勳章(1) 2018父親節勳章 2018復活節勳章 15週年勳章畀面勳章好媽媽勳章醒目開學勳章 BK Milk勳章 hashtag旅遊勳章 hashtag影視迷勳章認識瑞士牛牛第一回認識瑞士牛牛第二回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

12^#

發表於 08-12-9 18:24 |只看該作者

婆媳相處真係一個大問題,不過樓主唔好唔開心啦,會好傷兩公婆感情的,你可以嘗試下鎖房門同屋門,等佢有鎖匙都入唔到,要按門鍾,又要佢係門外等耐外d,要佢習慣上來要先打電話,不過這些動作要事前同老公有共識,否則奶奶係你老公面前講野就煩了。日後你返左工小時間對住佢就會好些,不過湊bb方法會成為你同奶奶新的爭執問題,最好同老公多些溝通,等佢同奶奶溝通好。

私人傳訊

chowkarman

積分: 3623

13^#

發表於 08-12-10 13:02 |只看該作者

原文章由 414928 於 08-12-9 18:24 發表
婆媳相處真係一個大問題,不過樓主唔好唔開心啦,會好傷兩公婆感情的,你可以嘗試下鎖房門同屋門,等佢有鎖匙都入唔到,要按門鍾,又要佢係門外等耐外d,要佢習慣上來要先打電話,不過這些動作要事前同老公有共識,否則奶奶係 ...

非常同意呀!! 湊 bb o既分岐仲大鑊

大家教小朋友同湊小朋友o既方式太唔同, 其他嘢我可以算, 但一講到牽涉個女, 我唔會妥協, 所以會好煩!!!!

私人傳訊

-bella-