親子旅遊今日: 30|主題: 160828

收藏本版

發帖

返回列表

跳至頁

查看: 23267 | 回覆: 142

12 3 4 5...8

積分: 44587

虎到金來勳章

1^#

發表於 16-12-28 12:13 |只看該作者 |倒序瀏覽 |打印

台北去過好多次, 今次帶囝囝純去宜蘭, 頭尾7日, HEA玩足5日FULL DAY, 行程好輕鬆, 好RELAX.
DAY 1: 夜機到台北, 包車直去宜蘭, 去到民宿已經好夜, 民宿職員好好, 咁夜都等我地, 頭兩晚住筑翫.

DAY 2: 無包車, CALL的士出入, 宜蘭街頭係截唔到的士, 每去一個地方就叫景點職員代叫車, 佢地CALL番附近的士會平D架. 首先民宿早餐喺房食, 超豐富, 食完行路去礁溪溫泉公園浸下腳, 公園不大, 之後四圍逛, 經過一間叫跑馬CAFE坐低飲杯野, 意粉好味道. 飲完食完去五峰旗瀑布, 行到去第2層瀑布, 又唔係想像咁高, 好快就行到去, 仲順便去埋天主堂, 之後落番山叫山腳小店主幫我地CALL車去紅樓食鴨, BOOK左一鴨5食, 我地一家3口可能大食, 都差唔多食得晒, 係飲唔晒D 湯, 鴨SUSHI幾特別, 其他覺得一般, 又唔係話一試難忘咁誇張.

DAY 3: 包車8小時. 先去橘之鄉玩金棗蜜餞DIY, 然後去了幾米公園及對面的幸福轉運站, 包車司機帶我地去附近食LUNCH, 之後去麗野莊園, 執鴨蛋整DIY蛋卷, 整刨冰, 餵BB鴨, 農夫教講鴨語, D 鴨就會走埋黎食野, 好得意. 玩完去童趣樂園CHECK IN, 我地BOOK左星空貓咪房, 係最高嗰層, 好正, 全間民宿都好新好乾淨, 房內有超大浴室, 有露台, 有滑梯, 民宿客廳有波波池有玩具, 仲有不同的糖果供應, 民宿外有千秋滑梯單車, 老闆娘好NICE, 仲有聖誕小禮物送俾囝囝, 極力推介童趣樂園.

DAY 4: 無包車. 民宿食早餐 --> 菓風糖菓工房整DIY糖果 -->望龍埤-->羅東運動公園-->羅東夜市食原燒.

DAY 5: 包車8小時. 童趣樂園CHECK OUT, 本來PLAN去清水地熱, 但12月閉園, 包車司機提議去幸福20號農莊, 整DIY鉛筆, 餵駝鳥同羊, 有DIY PIZZA但我地無整, 飲左杯野就出發去三星農夫青蔥體驗農場, 去到先去拔蔥, 洗蔥, 最後整蔥油餅. 玩完後司機帶我地去番割田甕缸雞食雞, 幾好味, 我地一家3口叫左一隻雞同一碟菜, 都食得晒. 食飽去蠟藝彩繪館, 有彩色筆及蠟筆DIY, 同埋人體彩繪, 都幾好玩. 玩完去安緹利亞CHECK IN, 我地BOOK左大象滑梯房, 係一間藍色獨立小屋, 環境非常正, 好舒服, 出面有電動車俾小朋友玩, 囝囝勁開心. 司機車我地去青山食藝食無菜單料理, 好食, 環境唔錯, 服務都好好.

DAY 6: 無包車. 民宿食完早餐, CALL車去宜農牧場, BOOK左擠羊奶, 仲有得餵羊, 豬仔, 兔仔等, 試左羊奶雪糕, 好酥, 頂唔住HAHA. 之後叫職員幫我地CALL車去梅花湖, 先去小熊書房食LUNCH, 估唔到都幾好味, 食完租電動車遊湖, 好爽, 我地租左兩轉. 玩到天黑, 租車檔主幫我地CALL車, 哩日無安排晚餐, 司機提議我地去錢塘江餐飲工藝會館, 原來都係無菜單料理, 食物幾特別, 超多野食, 飽到行唔郁.

DAY 7: 下午4點幾機返香港, 無安排行程, 喺民宿玩下HEA下, 包車去機場食LUNCH. 旅程完結.