吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 阿仔夜晚睡得好差，醒了5次！

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1312 | 回覆: 11

[2008年] 阿仔夜晚睡得好差，醒了5次！ [複製鏈接]

joshcat

複式洋房

積分: 297

1^#

發表於 08-12-17 13:00 |只看該作者 |倒序瀏覽 |打印

自從工人病了，擔心起見，十日前將老鼠仔的床放在旁邊，一家三口一間房，工人就自己一間房，開頭幾天老鼠仔醒一兩次，抱抱就睡，接著幾天醒兩三次，我頂唔順，4、5點時俾奶咀，過一陣取走都肯睡。過了一天，取走奶咀時就醒，迫住由得老鼠仔4點食奶咀到7點醒，已經唔好，最慘這兩晚，11點叫醒食完奶，1點、2點、3點、4點、5點醒，好似好想食奶咀先睡，好大鍋！有朋友說肯食奶咀睡就俾奶咀食住睡，一歲前係這樣…但係我怕食奶咀口水漬敏感…由得老鼠仔喊，驚未夠6個月會欠缺安全感(剛5個月)…由粗心大意的工人抱又唔放心…唉…唔知係太熱？定係新環境陌生？奶咀累事？唔知有咩解救…

0 0 0

私人傳訊

dorothywtc

複式洋房

積分: 497

2^#

發表於 08-12-17 13:31 |只看該作者

試下 BB 睡前同佢玩一陣, 等佢攰 d 會好瞓 d, 但唔好玩得太勁;另外, 放 d 莫札特音樂俾佢聽下啦, 應該 work 的o 千祈唔好含住奶咀瞓咁耐呀, 倚賴o左就弊了, 而且對第時出牙仔唔好 o

私人傳訊

sze0203

大宅

積分: 3920

3^#

發表於 08-12-17 14:48 |只看該作者

咁工人姐姐之前點同個bb一齊瞓架?

http://hk.myblog.yahoo.com/sze_0203/

私人傳訊

ahwoon666

大宅

積分: 1392

4^#

發表於 08-12-17 22:14 |只看該作者

我阿仔晚晚都醒幾次，尋晚仲喊咗幾次，我都唔知佢想點，我兩公婆好似無瞓過咁...

私人傳訊

Yuanki

民房

積分: 37

5^#

發表於 08-12-19 11:39 |只看該作者

joshcat & ahwoon666,

你個b 幾大呢？

我個b 仔由兩個多月之後，一直到宜家，夜晚訓得都唔係太好。會好似你們個b 咁，醒好多次（但眼睛合上的），會少少咿咿呀呀，隻手自己放入咀到，或者個咀仔左左右右動來動去... 如果唔「處理」一下，即唔抱抱或「呵呵」佢訓番，就會好易醒，之後就唔訓了....

宜家我個仔7個月。我發現，佢係有進步的，夜晚唔會醒太多次，同埋唔一定要抱抱，只需要盡快係床邊拍拍佢，或按住佢的手仔，佢就會慢慢訓番。我總結到少少心得：

1. 確保佢唔肚餓：所以，一般佢9點開始「大覺訓」（之前一餐係7點半左右），12點左右我都會再餵佢（佢訓住食，掃完風再訓），半夜佢個咀動來動去，其實係想過「口隱」，所以我就無餵佢。一直到早上7點半醒左再食；醫生有講過，如果係細個時埋身餵佢的，佢係半夜想過「口隱」的情況就愈嚴重。所以，確保佢飽飽地之後，就不要再餵佢了，令佢知道半夜係要訓覺，唔係食野（同埋都要俾個胃休息...）；

2. 要盡快「安撫」：我有朋友用奶咀，佢話好work，但我的就唔work，我估係因為我朋友個bb 係一出世就用奶咀，習慣了；我的「安撫」係先係床邊拍拍，呵呵，如果佢仍係動來動去，就先按住佢的掌心，如果佢開始咿咿呀呀，就抱佢起身拍拍，到佢平靜左，就再慢慢放佢落床；放左落床，再按佢的掌心5-10分鐘，確保佢訓左；

3. 千萬不要心急：我都有試過一晚醒6次，每次隔30分鐘就醒，唔抱唔得，自己都非常灰心。呢個狀態係佢6個半月的時候最嚴重，維持左兩個星期左右，搞到自己同老公晚上無得訓，等二朝上班都非常疲倦。有時候都想發脾氣，都想唔理佢，都希望佢自己訓番，或者埋怨點解佢會咁.... 後來，好多朋友同長輩都話，「大d 就好d架啦，bb仔適應緊個世界....」同埋，轉個頭諗，如果當刻唔「處理」，佢真係醒左，咪仲慘！所以，點都要忍住自己的好想訓的心情，處理左阿b 先...有時候，我累到抱住阿b ，自己訓著左，佢就係我個膊頭到訓埋，一直到天亮....

4. 白天不要訓太多：現在白天我叫工人同阿媽，最多俾佢訓3個小時，之後就同佢玩呀，俾佢自己動來動去，同埋去公園出去望下野... 都真係有用，因為累d 就會好訓d。有時候白天佢訓得好好，我都會「搞醒」佢，唔好俾佢訓太耐

5. 訓覺前唔好太興奮：每晚佢「大覺訓」之前，都會幫佢擦一擦身體，換套舒服的衣服，同埋換片。一邊做這些事情，一邊跟他說，要乖乖大覺訓，一覺訓到天光... 同埋唱下d 搖籃曲俾佢聽，佢望住我「啦啦啦」... 佢慢慢calm down同埋準備訓覺的狀態

6. 「保嬰丹」：有朋友說試過俾個b 食保嬰丹或飲開奶茶係work。我就一直都不敢試呢d 要食落肚的辦法.... 大家可以再問問d 長輩或中醫的意見...

最後，要調整自己的作息時間。bb 9點幾訓，你就9點幾訓。當然，這樣犧牲了好多自己的時間或者出外玩等等，但都沒辦法。抱住「大d 就會無事」的心情，呢種犧牲都係值得的。

希望有用啦！大家再交流多d，我都好想知道大家如何應付訓得唔係太好的bb ....

加油！

私人傳訊

sze0203

大宅

積分: 3920

6^#

發表於 08-12-19 14:08 |只看該作者

多謝你咁詳盡的解釋呀~~

我個囡就好少少, 真係即時比個奶咀佢就安撫到佢~~

原文章由 Yuanki 於 08-12-19 11:39 發表
joshcat & ahwoon666,

你個b 幾大呢？

我個b 仔由兩個多月之後，一直到宜家，夜晚訓得都唔係太好。會好似你們個b 咁，醒好多次（但眼睛合上的），會少少咿咿呀呀，隻手自己放入咀到，或者個咀仔左左右右動來動去... 如果唔「處理」一 ...

http://hk.myblog.yahoo.com/sze_0203/

私人傳訊

ahwoon666

大宅

積分: 1392

7^#

發表於 08-12-19 14:49 |只看該作者

原文章由 Yuanki 於 08-12-19 11:39 發表
joshcat & ahwoon666,

你個b 幾大呢？

我個b 仔由兩個多月之後，一直到宜家，夜晚訓得都唔係太好。會好似你們個b 咁，醒好多次（但眼睛合上的），會少少咿咿呀呀，隻手自己放入咀到，或者個咀仔左左右右動來動去... 如果唔「處理」一 ...

多謝你嘅分享，我阿b都係7個月。
佢呢個情況都維持咗大概2個零月，我都係要拍下佢，抱下佢，俾啲水佢飲先得，但呢幾晚就經常大喊or大叫，要搞好耐先瞓得番，而且醒得好密，真係眼瞓到不得了。

我都係同自己講可能佢仲細，希望佢遲啲好啲啦。

私人傳訊

Irene(何太)

複式洋房

積分: 295

8^#

發表於 08-12-19 16:58 |只看該作者

我個b 都係由6個月大左右就半夜醒得密左,試過飲完睡前餐奶之後, 訓到零晨3,4點就嗌人, 之後隔半個就醒,又嗌過; 但係佢唔鍾意食奶咀, 反而好鍾意飲水, 飲完水又訓過, 但係半夜要幫佢換多一次片, 因為飲太多水喇...

另外, 我都同意YUANKI o既講法, 就係白天不要訓太多, 帶佢落樓行下, 咁夜晚真係訓得好d ^^

私人傳訊

joshcat

複式洋房

積分: 297

9^#

發表於 08-12-19 18:37 |只看該作者

好多謝Yuanki

Yuanki，好多謝你的分享，簡直是雪中送炭…老鼠仔明天滿5個月，還以為是3個星期前患支氣管炎的後遺症，現在發現好多媽咪之苦…我問過醫生，建議開夜燈及播同一隻安睡音樂，初步試過仲未得，還想今個聖誕跟「寶寶睡得香甜」一書教老鼠仔固定時間小睡
詳情見
http://forum.baby-kingdom.com/archiver/?tid-839484-page-1.html
各位前輩有咩意見，老鼠仔夜睡10小時日睡3小時，係唔係好少？未足6個月教會否欠缺安全感。

私人傳訊

Yuanki

民房

積分: 37

10^#

發表於 08-12-24 10:21 |只看該作者

大家唔好咁客氣啦！

joschat所說的固定的作息時間，我的經驗係慢慢幫bb develop。我當時想幫bb 戒夜奶，但一直到佢滿左4個月先忍心，亦加上我快要上班，所以唔戒唔得。為左咁，所以我記錄左佢兩星期的作息與食奶時間，現在睇番d 記錄，佢一個星期已經可以穩定到全天的作息與食奶時間，一直到現在7個月，都係差不多的規律。

由於宜家天冷，所以我就改左叫工人中午食完之後帶阿b 落公園哂下太陽，黃昏就唔出街。咁的情況下，原本佢白天訓三次小覺（早上30-45分鐘、下午一個至個半小時、黃昏30分鐘），變左只訓兩次小覺（早上30-45分鐘、3點半餐奶之後訓個半至兩個鐘），之後一直到9點左右就「大覺訓」...

慢慢來啦，唔好心急，可能五個月都係仲需要點時間才可以穩定到。我有d 長輩說，到佢開始食粥仔或半固體食物後，佢個人會飽d，活動量多d，你白天同佢玩佢都會投入d，自然晚上會訓得好d。

ahwoon666所說的，我都有經歷過呀，就係突然阿b 會有幾晚訓得好差...., 我的觀察就係，佢有幾晚差完之後，又會訓得好番，因為太累了可能... 所以我都係堅持佢白天唔好訓太多的原則，即使佢前晚訓得唔好，白天都唔會俾佢訓超過4個小時。希望佢自動調節番晚上訓得好d....

其實一天訓13個小時不錯的了。我個b 7個月都係訓12-13小時一天。

大家加油啦！祝聖誕快樂！

私人傳訊

babyduo

大宅

積分: 2149

11^#

發表於 08-12-26 18:31 |只看該作者

my baby also sleep not good at night, the most time is she wake up 13 times in a night. I bring her to see chinese medicine and take 3 times medicine is good now !

私人傳訊

Yuanki