吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 一個死過翻生，一個大難不死

大仔大女媽媽會今日: 0|主題: 177860

收藏本版

發帖

返回列表

跳至頁

查看: 3092 | 回覆: 23

[2008年] 一個死過翻生，一個大難不死 [複製鏈接]

Joeff

男爵府

積分: 7422

1^#

發表於 08-12-20 14:44 |只看該作者 |倒序瀏覽 |打印

原本12月5日係預產期嘅我，到此12月7日凌晨終於見紅，同埋開始有規律咁宮縮。不過我知第一胎都唔會咁快生得，所以我仲都仲好鎮定咁慢慢嚟。嗰日臨入醫院之前，我去咗睇中醫話我見紅，佢把脈話無咁快生得,可能要多一兩日先有得生。不過我D朋友話入院待產安全D喎，咁我咪買埋碗豆腐花食先作院囉。

我黄昏六點幾入院，八點幾醫生嚟睇，佢話我子宮未開，咁我咪叫我老公返屋企休息，我入產房再叫佢嚟都未遲。到十點幾我發覺我D宫縮好似好密，大約計20-30 分鐘一次，我叫姑娘嚟睇，佢話開咗一度，咁我咪用呼吸法去減輕D痛囉。到兩點幾，大約15分鐘一次陣痛，我都仲忍得到，但係我去厠所嗰陣發到有好多血,我同姑娘講，佢叫我下一次去厠所再見到出血就要俾佢睇。到四點幾，十分鐘一次陣痛再去厠所，發現出血越嚟越多，D血仲係鮮血，姑娘見到好驚，叫我即刻上返床，由嗰一刻開始唔準食嘢仲即刻駁機check BB心跳。醫生即刻嚟睇我，佢話D血都有夾集咗D黏液，都應該係見紅嘅現像，子宮巳經開到三度，可能係因為突然開得太快扯到出血。佢話要推我入產房止痛，叫我叫老公即刻嚟，仲幫我整穿D羊水。嗰一刻真係真係好擔心BB有事，所以都忍唔住喊咗出嚟。落到產房，助產士擺咗D笑氣俾我聞，但係我都唔係好敢用，驚無力生。我隔離病房有個大陸人係咁叫又要生又要死，仲話要開刀。D助產士話，隔離仲痛過你啦，人地都未嗌過一聲呀，你唔好再响度影響人喇！如事者又過咗兩三個鐘，陣痛越嚟越頻密，個助產士走埋嚟話我都好忍得吓喎，因為我巳經10分鐘三次陣痛，佢叫我要聞吓笑氣先得。我問我究竟開咗幾多度？佢話都仲係開到三度，我心諗，唔係啩？我開始有D頂唔順，就試吓聞D笑氣，點知聞咗仲衰，攪到我集中唔到精神，覺得越嚟越痛。過多無耐，我真係驚痛到無力生，所以我同助產士要求做無痛分娩，佢可能見我痛咗咁耐，佢都即刻話OK，不過要等醫生開工先得，跟住幫我打咗止痛針，但係我覺得差唔多，唯有繼續忍。到十點，麻醉科醫生終於到，我自己都巳經迷迷糊糊，佢仲同我講一大堆嘢跟住要我簽名，我都係無聽清楚就簽咗。等到麻醉藥開始發揮作用，我就開始陷入半昏睡狀態。到兩點鐘，醫生叫醒我話我都仲係現得三度，本來都無乜問題，只不過開始發燒，應該係有感染，為免會影響BB，要立即緊急開刀。嗰一刻我完全醒哂，我話我唔想開刀，要自己生。醫生話唔得，因為我發燒係一定要開刀，如果唔係大細都會有危險。我一下子真係接受唔到，我一直嘅堅持會攪到咁嘅地步情緒即刻崩潰，响產房度係咁大叫大喊。我話我要見我老公，佢地即刻放佢入嚟安撫我。我一見到佢，係咁同佢講對唔住，話我俾唔到最好嘅BB。醫生要我即刻決定，我一路喊一路簽名開刀。之後我巳經有D虛脫，開始有D昏昏欲睡，不過D眼淚一直係咁流。由於係緊急開刀，老公係唔俾陪入手術室，但係其實都無咁嘅需要，因為我己經瞓著咗。直到聽到醫生話出世時間係下午4:08，我就醒返少少，護士抱過嚟問我係仔定女，我真係睇唔到，佢話係女，仲叫我錫佢一啖。跟住聽到護士話佢重3.35kg, 都好慰；之不過又聽到佢地話Anti-Ro, Anti-La, 個心即刻一沉，因為呢D係紅斑狼瘡常見嘅抗體，唔通我呢個病傳咗俾BB?!

我之後就推咗入產係房，BB就推咗去兒科；因為我生佢嗰陣發燒，攪到佢出世嗰陣都有38.1度。再加上我本身有紅斑狼瘡，BB要做好多檢查，嗰一刻我又忍唔住喊…
本來開刀生BB唔係好危險，但係我本身嘅凝血功能唔係咁好，所以手術後大量出血，差唔多失咗一半血，醫生建議我輸２包血。不過我唔係好想，一來我唔知我餵人奶嗰陣對BB有無影響，因為始終D血唔係咁乾淨；二來，我上次病發嗰陣輸過血，D反應唔係咁好受，我話等吓先。但係我都係捱唔到一日，因為我根本虛弱到第二日都落唔到床去睇BB，唯有就範。BB就好叻，由產房推到去兒科嗰陣巳經退燒。醫生同佢再抽咗兩日血，做哂D檢查，話暫事睇唔到有乜事，所以第三日巳經可以出院喇！只係佢媽咪唔爭氣，未出得院，所以佢推翻過嚟俾我呢邊。見到BB就即刻好有推動力，勉勉強強都可以落到床，不過每次都痛到死去活來！
到下晝，我就嘗試餵人奶，雖然係遲咗D，但係個好好人嘅護士長(佢見我成日响度喊，成日都同我傾計安慰我)俾好多鼓勵我，仲幫我點樣瞓响度餵（不過後來到我自己做嘅時候，就有D問題，BB成日都食唔到，後話。) 佢突然問我，醫生有無同我講，响我生嗰陣驗到我有B型鏈球菌。嘩，嗰一刻幾震驚！我話我30幾週嗰陣驗過都驗唔到，點解會咁？佢話如果一個人抵抗力強嗰陣，係有幾會驗唔到。佢話醫生會寫封信俾我，當我要生下一胎，生嗰陣就一定要打抗生素，因為呢隻菌好危險，BB感染到，最嚴重有可能會突然停止呼吸死亡。我話我今次唔係發燒而順產，係唔係係由唔會打抗生素，佢話係。咁講法BB今次咪真係大難不死?!

如果唔係我臨生嗰個禮拜，產科醫生要我食咗一個禮拜抗生素去清吓D念珠菌，攪到我散哂；或者我無感染而發燒；又或者子宮澎澎聲咁開……順產嘅話，BB就……我之後講番俾我老公聽，佢都一路聽一路打冷震！真係要感謝神，佢俾我經歴過順產嘅痛，但最後都安排我開刀嚟保護BB同我！

[ 本文章最後由 Joeff 於 08-12-20 14:50 編輯 ]

0 0 0

私人傳訊

hippo126

男爵府

積分: 5260

2^#

發表於 08-12-20 15:49 |只看該作者

你個生產過程真係好驚險..雖然最後都係做左樣你最唔想既開刀生B..但換黎BB出世時冇受B型鏈球菌既威脅..都值得既..你要好好養番好你個身子啊..唔好再唔開心喇..

私人傳訊

yubaby

男爵府

積分: 5864

3^#

發表於 08-12-20 15:51 |只看該作者

原文章由 hippo126 於 08-12-20 15:49 發表
你個生產過程真係好驚險..雖然最後都係做左樣你最唔想既開刀生B..但換黎BB出世時冇受B型鏈球菌既威脅..都值得既..你要好好養番好你個身子啊..唔好再唔開心喇.. ...

你而家冇事, 大小平安就好了.

私人傳訊

ulam

別墅

積分: 769

4^#

發表於 08-12-20 16:07 |只看該作者

最緊要係大小平安!
你也要好好休息!!!

私人傳訊

jutaubing

大宅

積分: 2713

5^#

發表於 08-12-20 18:54 |只看該作者

好明白你o既感受, 我上胎痛足26個鐘先開得3度,但係之後4個鐘開到10度.... 佩服你唔吸氣都頂得住.... 我吸左氣後個人溫溫燉燉反而好d

雖然唔可以自己生, 但係你唔好咁內疚, 邊種生產方法都好, 只要母子平安就ok....

其實b鏈好普遍, 我都係上胎冇, 今胎有, 食左抗生素後, 生之前再補一針, bb順產出世後感染指數都仲係好高, 而家仲o係兒科病房打緊抗生素

你bb算好喇, 至少唔駛o係兒科住咁耐... 我個b做冬o個日都未必出到黎.... 你真係要感謝神

咁你bb有冇驗到有紅斑狼瘡d基因咁啊? 希望佢冇啦.... 祝bb健健康康.... 願主祝福佢

你要留意自己情緒, 唔好成日喊, 坐月時喊, 對眼真係會差左 (親身經歷)