想當年...我女中學拍拖,荒廢學業,愛情大過天,逃學講大話乜都齊!重點係個男仔食住佢,仲大膽同我地講,你個女係我手上,我中意點就點!你地話冇我當時係咪din左!我同女既關係跌到冰點,可以話佢好憎我,講既説話好難聽,心痛到比死更難受!亦都曾經想離開呢個世界,5想再折磨落去,晩晩夜闌人靜就喊,喊到頭暈頭痛,我自己係一個性格好剛強既人,講野好倔。個男仔2年黎一直操控我女,要同我地鬥!因為個我地知道個男仔智商好高!當時我唯有將自己徹底改變,打溫情牌,個男仔叫佢做乜,我地5唱反調,仲要調頭推佢去。我會時刻寫信息關心佢,佢去街又叫佢著多件3,5好去太夜,媽咪會掛心,係屋企夜一夜都等佢門,俾佢知道我地好錫佢!煮佢鐘意食既野,多d講番以前佢細個既野等佢回憶一下從前既時光,同時自己每次同佢講野既語調変溫柔一點!個女開始對我冇敢抗拒,開始大家有d話題,久而久之,佢有日同我講飛左個男仔,呢樣野我重來冇估計到會發生,仲要係佢飛人!之後佢開始生性,比心機讀書,考到一間英國出名既大學,仲讀得好好,自動自覺管理好自己生活作息,讀書時間表!依家我地每日what's app傾計,一星期3㳄Skype. 佢仲成日同講Love you mom!