夫婦情感今日: 0|主題: 42439

收藏本版

發帖

返回列表

跳至頁

樓主: LovePooh

多謝#41的回覆、多謝用心聆聽我的網友 [複製鏈接]

1 23

aidan08

伯爵府

積分: 19404

41^#

發表於 17-4-19 15:18 |只看該作者

本帖最後由 aidan08 於 17-4-19 15:20 編輯

樓上講得啱，千祈唔好將責任放晒上自己身上。你現階段可能會不斷怪責自己，而你老公亦會推晒d責任到你身上，因為佢想合理化自己嘅行為。但我同你講，你其實無你想像中咁差，點錯你都唔會夠你老公錯，如果佢有第三者的話。再講，係佢先放棄，所以要數最錯一定唔係你。

即使你之前點忽略佢，如果佢有第三者，呢個都唔係佢出軌的合埋原因，只係佢推缷自己做錯嘢嘅責任的籍口。所以唔好怪自己。

我另一個忠告係，你唔好再以等待奇蹟嘅姿態去面對佢，即使你心裡面係希望有奇蹟，但請你唔好卑躬屈膝，咁做只會令佢更安心咁同出面嗰個發展，因為佢知你仲甘心做backup，而且你咁做會令佢覺得自己出軌係更合理，原因係佢會覺得一定係佢不嬲好好你先會甘心比佢咁對待下都仲會等佢原諒佢。你振作同埋唔乞求佢，準備迎接無咗佢嘅新生活呢個姿態，會令佢更認真咁諗無咗你同仔女嘅生活會係點。好多人係要喺即將失去時先會識珍惜。

再者，我自己以前拍拖都試過，要同一個人分手，如果對方死纏難打，死等難等的話，我會更決絶，更唔想同佢一齊，因為反正我點衰佢都等我，咁不如我玩夠無人要先返轉頭都唔遲。相反如果對方有尊嚴，灑脫d，反而我個心會戚戚然，會有返D唔捨得的感覺，而且唔會睇小嗰個人，會比較另眼相看。人就係咁犯賤。現在係要玩心理戰的時候，千祈唔好靠直覺亂咁嚟，諗清楚先行每一步。

此外，你個心如準備好離開佢開展新生活，其實無論對你自己，定對段關係都會好D。我知道講係容易，做係好難，但請你記住，你做嘅每一個行為都影響緊事情發展，所以唔好靠感覺行事。

私人傳訊

LovePooh

複式洋房

積分: 260

開心吸收勳章

42^#

發表於 17-4-19 15:42 |只看該作者

aidan08 發表於 17-4-19 15:18
樓上講得啱，千祈唔好將責任放晒上自己身上。你現階段可能會不斷怪責自己，而你老公亦會推晒d責任到你身上 ...

多謝你aidan

呢場心理戰我一定要打，無論結果係點，我要活得比佢精彩

個仔佢都有份，叫佢唔好諗住可以自己出去玩、返工、應酬、溝女，就唔洗理個仔

大家平等，佢要放棄我地出去玩，我都要尋找自己嘅新生活，話俾佢知，佢離開我地係錯嘅

私人傳訊

zoooooooooo

大宅

積分: 2083

43^#

發表於 17-4-19 16:00 |只看該作者

aidan08 發表於 17-4-19 15:18
樓上講得啱，千祈唔好將責任放晒上自己身上。你現階段可能會不斷怪責自己，而你老公亦會推晒d責任到你身上 ...

好正！！！中哂！
樓主，記住，家庭係家中所有成員用心去建立出嚟，如果有一個人選擇離隊，唔緊要，因為個家都係唔會散，只係少左一個成員，所以，你要加油，支持你，做一個自強有尊嚴嘅女人，女人堅強起上嚟，係會有無限嘅力量，而家你既然想通左你就要平常心去面對，得與失並唔緊要，因為你仲係呢個家嘅成員，你要同小朋友好好咁建立一個充滿愛而無憎恨嘅家