親子旅遊 今日: 2 | 主題: 160842

積分: 1226

開心吸收勳章好媽媽勳章醒目開學勳章

42^#

發表於 17-4-26 10:06 |只看該作者

抺茶雪糕發表於 17-4-26 09:37
原來有直航去

係呀！HK EXPRESS而家有直航喇！差不多每日都有，不過去程回程都係早上(因為一般去程果架去到就順便接回程)，基本上最後一日都已經係起身直接去機場，所以你plan行程果陣要留意返呢一點

私人傳訊

fatfat-hippo

積分: 6853

43^#

發表於 17-4-26 10:13 |只看該作者

私人傳訊

積分: 1226

開心吸收勳章好媽媽勳章醒目開學勳章

44^#

發表於 17-4-26 10:35 |只看該作者

本帖最後由 Princess_Sa 於 17-4-26 10:48 編輯

Day 2 - 早餐(比嘉豆腐)

第二日，我地決定先黎個跳島遊，一起身先去左比嘉豆腐食早餐，由於果度係冇巴士到達，所以又令我地發現我地間民宿嘅又一大好處，就係行都可以行到去比嘉豆腐；不過當然如果你地最後選擇近市中心或碼頭附近嘅酒店，都可以選擇以下巴士線坐到去日航八重山站落車再行過去：(粉紅星星為日航八重山站，沿粉紅色路線亦可行到去比嘉豆腐)

從石垣巴士總站出發可途經日航八重山站之巴士：
1. #10空港線(班次較多)：http://www.cosmos.ne.jp/~bus/route10_timesche_271001.pdf
2. 川平線(一開車跟住個站已經係日航八重山)：http://www.cosmos.ne.jp/~bus/time_resort.html
3. 其實仲有條米源線，但基本上來回都只有兩班車，所以唔特別推介

我地原先諗住一早食完之後去竹富島，但因為遲左起身，結果差不多11點先出發去比嘉豆腐，初頭沿途一直行都見到民居，但過左一條馬路嘅對面竟然全都係田同埋有竹林，果刻其實都有諗過係咪行錯路架！

不過既然都行到黎，所以膽粗粗繼續行啦！
PS. 基本上石垣係冇高樓大廈，最多都係幾層，所以一有太陽出黎係會比較猛烈，所以記得要做足防曬同埋帶備帽同遮。

皇天不負有心人，其實行完塊田，信任Google map，一排竹樹後面就會零零舍舍見到一間屋，呢度就係比嘉豆腐喇！呢度其實已經有幾十年歷史，用黎做料理嘅都係新鮮豆腐，所以好推介大家黎試下架！

比嘉豆腐：http://www.go2ishigaki.com/post/144997157358/higa-tofu-shop
食飽之後，我地就出返去日航八重山坐巴士出返去石垣碼頭，準備坐船去跳島遊喇！

TO BE CONTINUOUS

私人傳訊

wingchu

積分: 5173

醒目開學勳章

45^#

發表於 17-4-26 10:38 |只看該作者

回覆樓主:

請問第一日的家庭式餐廳，有没有招牌，易不易找，好味嗎？thank

私人傳訊

積分: 1226

開心吸收勳章好媽媽勳章醒目開學勳章

46^#

發表於 17-4-26 10:56 |只看該作者

本帖最後由 Princess_Sa 於 17-4-26 10:57 編輯

wingchu 發表於 17-4-26 10:38
請問第一日的家庭式餐廳，有没有招牌，易不易找，好味嗎？thank

好可惜我唔記得影低叫咩名，不過就係一出公設市場就會見到，公設市場其實只係兩條直街，一條好多野行，好多鋪頭都會將D貨擺到出門口，
另一條比較靜，而呢間餐廳就係位處於比較靜呢邊嘅門口行多兩步就見到，
雖然門口唔算大，但你會留意到佢地有個好用心製作嘅大餐牌，所以好易搵到，味道都好好架！

私人傳訊

wingchu

積分: 5173

醒目開學勳章

47^#

發表於 17-4-26 11:20 |只看該作者

Princess_Sa 發表於 17-4-26 10:56
好可惜我唔記得影低叫咩名，不過就係一出公設市場就會見到，公設市場其實只係兩條直街，一條好多野行，好 ...

That

thank。我會暑假時和2個小朋友去,因為無車牌，行程仍在安排中，超多谢你的遊記。

私人傳訊

chickenwing2006

瑪瑙宮

積分: 142864

好媽媽勳章

48^#

發表於 17-4-26 11:23 |只看該作者

Princess_Sa 發表於 17-4-25 16:18
我其實係完全冇經過沖繩，係由香港直飛去石垣島，而且今次旅程都係靠上網搵資料，所以好想將D有用嘅資訊分 ...

多謝您的分享，我六月去 4 日，感激感激

私人傳訊

積分: 1226

開心吸收勳章好媽媽勳章醒目開學勳章

49^#

發表於 17-4-26 12:16 |只看該作者

本帖最後由 Princess_Sa 於 17-4-26 12:17 編輯

Day 2 - 小濱島→竹富島→晚餐(一魚一會)→海鹽專門店(食雪糕)

上回講到食完早餐(比嘉豆腐)之後就坐巴士出碼頭準備上船去外島玩，其實原先今日嘅行程我地係想去竹富島先架！因為竹富島較大，但因為遲左起身，結果我地係先去小濱島。

對比起巴士路線，石垣島渡輪嘅時間表容易睇好多，基本上大家一睇就會明，我地係坐12:50由石垣開去小濱島嘅船。

八重山渡輪資料：http://ishigaki-dream.co.jp/languages/c_tp.html#竹富

其實我地去呢兩個島都係純粹踩單車周圍遊下，但如果你帶嘅小朋友較細或唔識踩單車，建議只係去竹富島已經足夠，因為小濱島嘅路係較多上山斜路，大人踩其實都會好攰；另外租單車方面，無論去邊一個島，記得要租有電動果隻，一般普通單車300yen / 小時，而有電動都係500 - 550yen / 小時，佢所謂電動，並唔係全自動唔使踩，而係你踩嘅時侯上斜果D你會感覺到輕好多同埋會有加速，所以會踩得舒服好多。

我地去完小濱島，就坐15:20開往石垣果架船，因為呢一班係會途經竹富島，咁就順路好多喇！

PS. 唔使擔心唔識路，因為每間租單車嘅鋪頭都會為你準備地圖，仲會mark低有邊D位值得你地去睇；同埋如果同我一樣想一日去哂兩個島，建議都係預多D時間去竹富島先，我地最後唔夠時間去竹富島好出名嘅星砂濱，只係去左西棧橋，所有行程安排記得留意尾班船時間啊！

離開竹富島，已經睇到個天開始烏雲密佈，加上踩左一日單車已經好倦，所以我地去返巴士總站附近有一間「一魚一會」居酒屋食完晚飯就返去休息喇！

一魚一會：http://www.go2ishigaki.com/post/144588269913/ichigyoichie

食完飯諗住行出去坐巴士，點知俾我地見到一間專賣海鹽嘅鋪頭，最開心係可以食雪糕，因為佢地預俾左好多樽唔同味嘅鹽放左喺度俾你審落杯雪糕度，買左杯雪糕之後就可以坐出面慢慢食，記得要買杯裝雪糕，價錢一樣 (好似380yen)，你會發現用杯裝食無咁論盡。

下圖標示
粉紅星星：一魚一會位置
黃色星星：海鹽專門店位置
橙色星星：石垣巴士總站

PS. 石垣可以退稅嘅鋪頭一般都係買滿5400yen就可以退稅，例如公設市場入面同埋上面講嘅呢間海鹽專門店都有得退稅，所以你地出街記得要帶定passport呀！

私人傳訊

SPA_family

別墅

積分: 785

50^#

發表於 17-4-26 13:24 |只看該作者

謝謝分享

, 要追看

私人傳訊

pauline_c

水晶宮

積分: 58257

2024年龍年勳章 2024勳章

51^#

發表於 17-4-26 13:45 |只看該作者

睇到我心癢癢

私人傳訊

ronnieieong

積分: 9822

52^#

發表於 17-4-26 15:08 |只看該作者

樓主真心分享，幫頂吖

私人傳訊

emilylam

水晶宮

積分: 60013

53^#

發表於 17-4-26 15:36 |只看該作者

Princess_Sa 發表於 17-4-26 10:02
好可惜我地去呢幾日遇著多雲同夜晚試過落大雨，所以都唔係周圍睇到星，不過最後一晚放煙花，咁岩果度夠黑同 ...

Thx

私人傳訊

linglingsam

積分: 5604

54^#

發表於 17-4-26 16:10 |只看該作者

thx for sharing

私人傳訊

MAYHO23

積分: 2009

55^#

發表於 17-4-26 17:23 |只看該作者

正

私人傳訊

積分: 1226

開心吸收勳章好媽媽勳章醒目開學勳章

56^#

發表於 17-4-26 18:11 |只看該作者

本帖最後由 Princess_Sa 於 17-4-26 18:25 編輯

Day 3 - 早餐(Yakiniku Parlor)→平久保崎燈臺→玉取崎展望台

旅程黎到第三日，亦都係時間最考驗嘅一日，因為要靠巴士去齊呢D景點，錯過左一班車就要等超過三個鐘，所以要捉緊每分每秒。

今日我地嘅第一個目的地係石垣島嘅最北端 - 平久保崎燈臺，因此需要去到石垣巴士總站坐11:20開出嘅平野線，大家要留意上唔到呢班車，下一班要去到15:35，而且係冇其他車可以去到呢個目的地(除左的士)，所以大家唔好遲到喇！

平野線：http://www.cosmos.ne.jp/~bus/time_eastbus.html

因為架車唔經日航八重山，所以我地一早起身就坐巴士出去巴士總站果邊食早餐，今次我地就入左一間門口有好大個石垣牛漢堡嘅餐廳，不過我地冇食到漢堡，因為怕之後景點難搵野食，所以直接叫左飯同面填飽個肚。(建議如果大家plan呢日行程，可以去對面Family Mart買定D面包零食飲品，咁樣小朋友肚餓都有野可以填肚)

下圖：
黃色星星：石垣牛漢堡餐廳位置
粉紅星星：Family Mart位置
橙色星星：石垣巴士總站位置

食飽我地就去坐11:20開出去平久保崎燈臺嘅平野線喇！而基本上呢架車你係要坐個幾鐘，可以叫做坐到總站「平野」先落車，不過基本上司機知道大部分人坐到尾到係為左去「平久保崎燈臺」，所以過左「平久保」站，又未到「平野」站，中間會喺一個路口停低俾大家落車行上去「平久保崎燈臺」，基本上落左車仲要行10-15分鐘先到，而且中途係會有D上斜位，所以如果帶太細小朋友最好帶埋BB車，咁樣小朋友會舒服D。

平久保崎燈臺係石垣旅程一個好值得去嘅景點，因為果度嘅風景真係好靚，而果度係有洗手間、汽水機同埋一個買泡冰嘅小食車，不過有以下幾點大家一定要留意：
1. 記住平久保崎燈臺並唔係「平久保」站落車呀！當日就有兩個女仔差D落錯車
2. 平野線總站係平野，一般司機過左「平久保」未到「平野」都會喺上平久保崎燈臺嘅路口俾大家落車，不過為左確保司機會喺路口停，建議大家上車可以開一開平久保崎燈臺嘅相俾司機睇，咁佢就一定知你要去果度喇！
3. 落車果陣已經12:45，仲要遇10-15分鐘行上去，即係話回程你都要預時間，回程可能快D，因為係落斜。
4. 之後你係要行返出落車嘅路口，等13:35由平野站開出去石垣巴士站嘅「平野線」巴士，所以實際逗留係平久保崎燈臺嘅時間可能只會得15分鐘，如果錯過左呢班巴士，下一班就要去到17:40。

上左13:35呢班平線野巴士，我地就會去到下一個景點「玉取崎展望台」，其實上左巴士大概25分鐘就可以到達「玉取崎」站，過對面馬路上山就已經係玉取崎展望台喇！

基本上呢度都係睇風景，不過環境好舒服，睇完之後原先諗住行返落山向返平野方向行幾步見有餐廳(上網搜尋附近餐廳)，不過行到落去先發現間間都冇開，結果白行左半個鐘有多由於下班車要去到16:50，諗住上返山休息下，由於原本玉取崎展望台只係上半山未使上到最頂，所以今次經過玉取崎展望台後我地再向山上行，先發現上面有另一間餐廳係有開。(上面係一個停車場位置，有洗水間及汽水機)

下圖標示：
粉紅星星：玉取崎展望台
黃色星星：停車場、洗水間、汽水機
橙色星星：餐廳位置
心心位置：玉取崎站

由於我地上到去已經過左三點，基本上餐廳只有提供飲品及甜品，同埋上黎呢間餐廳係要先經過一間平房仔，再行上少少斜路右手邊草叢會有條樓梯仔行上去，條樓梯仔如果你只係喺停車場望過去係望唔到架！不過餐廳環境係好舒服，基本上係可以hea你一段時間再返落去坐車。
(聽日會補返餐廳上面嘅相)

hea完，記得預時間落返去玉取崎站，去返落車果個位等16:53經過嘅「西回一周線」、開去石垣巴士總站嘅巴士喇！如果錯過呢班，就要18:06先有「平野線」巴士經過架喇！

後記：
其實今次去呢兩個景點都幾開心，因為其實都幾多香港人一齊同行，由於大家都係坐同一班巴士，所以會一齊趕同埋互相提點時間。

TO BE CONTINUOUS

私人傳訊

umama

珍珠宮

積分: 34853

我的育兒心得勳章好媽媽勳章畀面勳章陪月勳章

57^#

發表於 17-4-26 21:00 |只看該作者

回覆樓主:

好！！

私人傳訊