吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 石垣島6日5夜の「無」自駕親子遊 (完)

親子旅遊今日: 1|主題: 160840

收藏本版

發帖

返回列表

跳至頁

樓主: Princess_Sa

[日本] 石垣島6日5夜の「無」自駕親子遊 (完)

3 456 7...10

積分: 867

81^#

發表於 17-4-29 15:37 |只看該作者

Hello 姐姐

私人傳訊

Princess_Sa

大宅

積分: 1226

開心吸收勳章好媽媽勳章醒目開學勳章

82^#

發表於 17-4-29 16:29 |只看該作者

strawberrybabe 發表於 17-4-29 15:37
Hello 姐姐

😍😍😍Hello Kelly妹妹

私人傳訊

choychihome

複式洋房

積分: 490

83^#

發表於 17-4-29 19:03 |只看該作者

川平灣(emoji)(emoji)，好正

私人傳訊

mic121

大宅

積分: 1929

84^#

發表於 17-4-29 20:21 |只看該作者

樓主好勁

帶住一大一小都安排得咁好
原本我冇考慮呢個地方
因為你
會積極研究

私人傳訊

Princess_Sa

大宅

積分: 1226

開心吸收勳章好媽媽勳章醒目開學勳章

85^#

發表於 17-5-2 17:30 |只看該作者

Day 4 - 八重山民俗文化村→晚餐(七輪燒雞)→西松屋、Daiso(100yen店)、Mori

各位真係唔好意思呀！因為呢幾日比較忙所以一直未有update我地嘅石垣之旅行程，希望大家多多包涵。(仲要頭先差不多打完唔小心X左個page.....結果呢次係第二次打喇~~)

上回提到我地去完川平灣，跟住就坐14:00川平線巴士去八重山民俗文化村喇！其實我地喺川平郵便局上車後，跟住個站已經係「やいま村入口」，車程大概15分鐘，由於朝早玩左幾個鐘，小朋友係好易訓著架！大家要留意呀！

下圖標示：
粉紅星星：川平站 (川平線往川平灣方向)
黃色星星：川平站 (川平線往石垣碼頭方向)
橙色星星：川平郵便局站 (川平線往石垣碼頭方向)

PS. 其實回程去石垣碼頭時去到川平郵便局，睇巴士站牌唔見川平線嘅時刻表，一般會喺果個站停嘅車都會有時刻表貼喺巴士站牌，不過因為差不多時間，我唔夠時間行去川平站，但石垣嘅巴士司機好好，亦都可能因為佢地班次好少，我企喺巴士站頭遞手佢都會停車俾我地。

一落車已經見到好大個牌寫坐八重やいま村，沿隔黎條斜路行上去，大概5分鐘已經到達民俗村入口架喇！原先上網睇資料，最主要係想黎睇馬騮仔，順便睇下八重山以前嘅建築同文化，因為下一班車要17:35，初頭都諗過3個鐘會唔會太多時間呢....但今次行程呢度俾到我地驚喜。

首先入到去手信店入面最角落位就有得買飛入場(當時大概2:30)，職員已經話我地知3:30會有八重山音樂表演睇，所以我地諗住入去就直接搵馬騮仔。村入面D建築其實得幾座，圍繞入口附近，行過左建築群會見到好大片草地，如果有吹泡泡喺手小朋友應該可以盡慶D。

繼續行點知未見到馬騮，我地見到個雀仔籠，諗住再行去後面望下啦！點知行行下開始唔係石屎路，仲要兩邊D樹好高，行行下仲要開始落斜，心諗係咪行錯路係咪應該返轉頭呢？但又諗唔俾人行應該一早已經block左啦！望返買飛時俾我地嘅民俗村地圖，原來我地行緊入紅樹林，繼續行落去就見到人造木橋同埋好大片紅樹林，小朋友見到都嘩嘩聲，因為平時冇機會接觸到。

行下睇下影下相，行返上去已經差不多夠鐘睇表演，表演果間屋對正入口，而其實村入面嘅建築我地都可以行入去架！不過記得除鞋。

原來八重山音樂表演之餘，仲會比遊客參與其中一齊玩樂器，由於姨甥女頭先喺川平灣玩過下，所以識識地，黎到呢度玩得特別投入。

表演大概半個鐘就完，我地之後就真係去到馬騮仔度喇！而呢度嘅馬騮係完全唔驚人，你仲可以喺扭蛋機買野食餵佢地，200yen一個波波入面放左野食，一見你有野食喺手，馬騮仔就會爬上你個身，好過引架！入到去大家要記得將所有袋嘅拉鏈拉好同埋咩前面，婆婆就係有個小袋冇拉好，有隻馬騮爬上黎伸手入去搵野食law！超可愛，其實馬騮好細隻，小朋友都唔驚，不過當一大班爬哂上黎，確實令人硬哂咁企定定係度嘅，哈哈~~

玩完馬騮 (其實係俾馬騮玩完...hahaa)！行過隔黎原來有得著八重山民俗服，500yen一個人，著好佢會幫我地影幾張相，當然又係好似D主題樂園咁曬返兩張大嘅搵個靚靚卡紙套好睇下你買唔買啦！(2000yen)，不過唔買都唔緊要，其實佢幫你影完係俾你自己繼續著住係屋內及屋外自己影相架！所以真係好抵玩。

影完相行多陣我地就要落返去頭先落車果個位等17:35嘅巴士，呢度真係好值得帶小朋友黎參觀，3個鐘原來係岩岩好。原先我地有諗過跟住去舟藏の里食晚飯，因為川平線係會經過，呢度係食八重山一D地道嘅料理，好值得試，不過唔知係咪今早川平灣好大風甚至凍，個人有D唔舒服，所以都係直接出返去石垣市中心先算。

舟藏の里http://www.go2ishigaki.com/post/144633260128/funakuranosato

出到石垣巴士總站已經係18:05，原先諗住行下睇下邊間居酒屋吸引，點知巴士站隔黎有座好似food court嘅建築(其實係入面有三層有好多唔同食店)，所以就走左入去睇下有咩岩食，結果我地去左一間叫做「七輪燒雞」嘅餐廳食炭火烤肉，因為坐露台位置，所以都係有D凍，個炭爐一上台我地係拎黎取暖先law！當然呢度野食都ok呀！我地仲認識左一個喺香港開公司嘅日本人，佢咁岩返黎石垣探家人law！不過大家黎到石垣要留意一樣野(可能我見識少)，我地平時叫「五花肉」一般都係指豬肉，原來石垣嘅五花肉係牛肉黎架！大家叫嘅時候要留意呀！

下圖標示：
粉紅星星：food court建築
黃色星星：石垣巴士總站

食完飯，因為要去返西松屋果邊嘅大型藥妝店幫朋友買野，所以我地就去返石垣巴士總站坐巴士，而#4 或者#10 空港線巴士都可以去到嘅，如果你坐#4巴士，就要坐到平得東站，正正係西松屋門口落車(粉紅星星)，但如果你係坐#10巴士，咁就要喺「ショッピングプラザ」站落車(黃色星星，即「中央運動公園」站之後果個站)，我當時係坐#10線(因剛好有車)，亦即係會經日航八重山果架車，由於如果我喺Google map輸入石垣巴士站往石垣空港路線，好大機會會出#4線路線，咁我就唔識睇上面果個日文站名，所以輸入起點係日航八重山，咁路線就一定係#10線喇！而且會喺地圖上睇到個站名。

去到我地就係行藥妝店同埋100yen店，Day 3行程有講到都係差不多嘅野所以唔多講喇！行完我地就去返頭先黃色星星落車位嘅對面上返21:19途經嘅#10空港線往石垣碼頭嘅巴士返民宿喇！

TO BE CONTINUOUS

私人傳訊

Princess_Sa

大宅

積分: 1226

開心吸收勳章好媽媽勳章醒目開學勳章

86^#

發表於 17-5-2 17:34 |只看該作者

mic121 發表於 17-4-29 20:21
樓主好勁
帶住一大一小都安排得咁好
原本我冇考慮呢個地方

你過獎喇！其實當去到冇得靠人自己又唔識揸車，每個媽媽(我係姨媽)都會變左super woman照顧到一家大小，起初我都係因為自己搵資料原來會有好多難題，所以先諗住開個post同大家分享，尤其係一D唔能夠自鴐遊嘅朋友，希望D資料可以幫到大家，好開心聽到你因為我嘅分享而對呢個地方有興趣，希望你都會喜歡呢個地方同埋玩得開心丫！

私人傳訊

大頭仔仔

民房

積分: 21

87^#

發表於 17-5-2 17:57 |只看該作者

回覆樓主:

好犀利，扶老攜幼坐巴士自遊行

私人傳訊

chu_lsc

大宅

積分: 1159

MommyPanel勳章 Poo得好勳章笑得好勳章 BB防敏心得分享勳章食得好勳章

88^#

發表於 17-5-2 20:22 |只看該作者

樓主依個遊記分享超有用，又吸引，會繼續追

私人傳訊

JChan

水晶宮

積分: 68050

醒目開學勳章 BK Milk勳章

89^#

發表於 17-5-3 23:18 |只看該作者

私人傳訊

Princess_Sa

大宅

積分: 1226

開心吸收勳章好媽媽勳章醒目開學勳章

90^#

發表於 17-5-4 12:06 |只看該作者

Day 5 - 早餐(Family Mart)→幻の島浮潛、午餐(Hamburg Burger Shopきたうち牧場ハンバーガー店)→茶點(鮨人回轉壽司)→メイクマン石垣店→晚餐(石垣屋)→放煙花(Tadahama)→MaxValu→Family Mart

終於黎到旅程最期待嘅節目 - 浮潛，其實今次報浮潛我實在太老定，諗住黎咁多日黎到先報冇問題啦！點知原來英文導遊並唔係日日有，就算你話唔介意唔識聽跟日本導遊，為左安全起建旅行社會擔心有事嘅話冇人識同我地溝通，所以一定要安排英文導遊團俾我地。

我係19/4到步已經即刻去報團，都要22/4先有，而咁岩因為天氣問題，最終23/4先去到，所以建議大家如果去嘅日子唔長(仲要大家都知最後一日根本就係一早要上機)，最好上網預訂或者email去book定，咁大家就唔怕去到會失望(除非因為天氣問題)。

我係去到石垣碼頭搵呢間公司book嘅，半日幻之島+浮潛，包潛水衣、浮潛工具、浮水相機，成人6000yen，小朋友4000yen：www.hirata-group.co.jp

由於一早8:30就要去到石垣碼頭旅行社集合，所以今朝我地決定坐巴士去到市中心，搵左間Family Mart便利店食個早餐，不過真心講句，日本便利店嘅包真係超好食，140yen買到流心芝士包同白汁小龍蝦包，呢日食完我夜晚都要買多個黎回味。

黎到旅行社集齊人，佢地就會車我地去另一個碼頭仔上船，車程3分鐘左右，我估因為我地集合果個屬於公共航班嘅碼頭(即係去外島果D)，所以我地係需要喺另一邊上船的。

上船果陣佢已經會問大家需唔需要借潛水相機及派發潛水衣，上到船就會同大家講解安全指引及介紹周邊環境。大概15分鐘船程，我地就黎到第一個目的地 - 幻之島，由於幻之島只係一個沙洲，冇碼頭，所以船只能停泊喺海邊我地係要間水行上沙灘，其實路程唔係好遠，所以好易行，不過大家要著埋拖鞋，因為海底好「銀」腳。上到幻之島除左影相，大家仲可以扮美人魚，船上係會為大家準備尾巴。

大概逗留左20分鐘，我地就要上返船，駛出去海中心浮潛喇！由於今團唔識日文嘅只有我地三婆孫+另外一個香港家庭(4人)，個爸爸有經驗已經帶左女女出海，而D水又凍左D所以媽媽陪細仔留左喺船上，而我家呢條美人魚去到驚驚，所以婆婆又陪佢坐船邊望下算數，結果英文導遊哥哥就可以帶我出去搵靚靚珊瑚礁睇喇！我係第一次玩浮潛，開頭用果舊野用口呼吸成日吸到咸水，但經過左一陣習慣左就冇問題喇！而導遊亦都會用一條浮條(兩端有繩)拉住我出去睇，所以係非常安全。

玩完浮潛，佢地會車返我地去石垣碼頭，我地跟住就同埋頭先認識呢家人一齊去左隔黎嘅Hamburg Burger Shopきたうち牧場ハンバーガー店食石垣牛漢堡。

下圖標示：
粉紅星星：Family Mart
黃色星星：石垣巴士總站
橙色星星：石垣碼頭

心心：石垣牛漢堡

食飽飽，我地就坐巴士返民宿沖涼換衫順便休閒一陣，因為玩完浮潛都幾攰，你睇下個小朋友上巴士已經訓到咁就知啦！

休息完已經三點幾，因為晚餐諗住去食石垣屋，所以打算再去附近行下，我地都係照舊坐返#10空港線巴士往石垣機場方向，不過今次諗住行下，所冇喺石垣屋落車，我地再坐多一個站先落車。

下圖標示：
粉紅星星：ベストインホテル站 (前站為石垣屋附近的「ショッピングプラザ站」，下站為ANA)
心心：ANA
黃色星星：石垣屋
橙色星星：24小時MaxValu、100yen店、藥妝店、メイクマン石垣店(家品店)

落左車，我地就向MaxValu果邊方向行，點知路經一間迴轉壽司店，見有D餓所以入去食左個下午茶...hahahaa

食完繼續行，喺路口見到間大型家品店メイクマン石垣店 (佢背後就係24小時MaxValu)，呢間家品店有D似宜家傢俬咁，有小小野食、好多盆栽、少量傢俬、大量家品，仲有得睇寵物，都幾多野睇，我地仲喺到買到煙花，諗住食完飯約返浮潛果家人夜晚玩。

PS. 其實日本放煙花係合法嘅，不過大家一定要係沙灘/空擴嘅地方放，同埋記得準備水桶，將放完嘅煙花放落去咁就可以避免留下火種，而我地買煙花果陣向店完查詢邊到放得煙花，其實佢唔係好識英文，原先打算問唔成我都會向房東查詢，點知行開左陣個店員突然追返我地，原來佢手畫左一個小小地圖俾我地，真係好窩心。

行完家品店，我地就去石垣屋食晚飯喇！呢度嘅環境真係超靚，而且服務一流，食物質素亦好，大家黎到石垣都要黎感受一下呀！

食飽左我地就行返去MaxValu join返一家4口嘅朋友，然後行入去頭先店員介紹我地嘅TADAHAMA放煙花。其實個位就係我地一出家品店有條直路行入去，其實呢度係一個空地，我地唔使行到最入其實都可以放(因為入面真係好黑)，但正正因為黑，所以我地可以好清楚喺度睇埋星星，真係好靚。

下圖標示：
紅色星星：MaxValu、100yen店、藥妝店
綠色星星：大型家品店(買煙花果度)

後記：
其實Day 5已經算係行程最後一日，因為Day 6一早已經要去機場，喺國際線check in完大家可以再去隔黎國內線building再行下，不過石垣返香港對行李檢查好嚴格，連hand carry都要上磅，所以大家要留意啊！

總結石垣係一個好舒服、好靚嘅一個地方，雖然唔自鴐真係會俾巴士時間局限，但經過今次發現只要計劃得好，其實每一日都過得好充裕，我地一定會再黎石垣島，因為其實都有好多地方未去，例如Banna Park、舟藏の里、西表島玩獨木舟、Fusaki Beach等等........不過就會等小朋友再打少少先去，希望到時佢夠膽潛落水啦！

完~~~~~

私人傳訊

wingchu

男爵府

積分: 5173

醒目開學勳章

91^#

發表於 17-5-4 16:11 |只看該作者

回覆樓主:

真心多謝你的分享，石垣島的遊記睇了好幾個，可借大多是自駕遊，對於唔識揸車的我來講不大適合。而且只去5日時間較趕，但睇了你的遊記，我在行程安排上可以較順暢和合心意。再次謝謝你！

私人傳訊

meyonw

大宅

積分: 2981

92^#

發表於 17-5-4 16:42 |只看該作者

回覆 Princess_Sa 的帖子

想問在碼頭(或公設市場) 可有巴士去24小時aeon店行街??因plan行程幻之島半天團後, 再去行街飲咖啡!

私人傳訊

Princess_Sa

大宅

積分: 1226

開心吸收勳章好媽媽勳章醒目開學勳章

93^#

發表於 17-5-4 16:47 |只看該作者

meyonw 發表於 17-5-4 16:42
回覆 Princess_Sa 的帖子

想問在碼頭(或公設市場) 可有巴士去24小時aeon店行街??因plan行程幻之島半天團後 ...

你可以去喺碼頭個巴士站，坐#4 或者#10 空港線巴士都可以去到嘅，如果你坐#4巴士，就要坐到平得東站，正正係西松屋門口落車(粉紅星星)西松屋斜對面就係24小時Aeon旗下的MaxValu及100yen店，仲有大型藥妝店，但如果你係坐#10巴士，咁就要喺「ショッピングプラザ」站落車(黃色星星，即「中央運動公園」站之後果個站)，我之前係坐#10線(因剛好有車)，亦即係會經日航八重山果架車，由於如果我喺Google map輸入石垣巴士站往石垣空港路線，好大機會會出#4線路線，咁我就唔識睇上面果個日文站名，所以輸入起點係日航八重山，咁路線就一定係#10線喇！而且會喺地圖上睇到個站名。